星期日，无节目，瞓到自然醒。见天气清清凉凉，十分舒爽，决定去维园行下。东逛逛、西走走，越行越攰，有人提议去天后医肚。

喺清风街揾到间啱啱开门营业嘅居酒屋，看了门外餐牌，见到有定食和串烧等供应，而且价钱都几合理，加上又唔使等位，Good，就一于喺呢度开餐！

餐厅地方不大，走简洁路线，装潢雅致，墙身画满日式壁画，配上四周唔同嘅小摆设，和风味浓。

我哋点左蕃茄沙律 ($48)、两个定食同两客野菜串烧。沙律用上原个蕃茄制作，洗净去皮后再淋上香滑嘅胡麻酱，味道天然偏酸，清新开胃。

定食点左盐烧羊架拼博多冬菇 ($148) 同 鸟唐扬亲子丼。羊架有 2 大件，肉质富弹性，味道鲜香不羶，加上羊脂烧至微焦，令羊肉吃起来多左份丰腴嘅油香。旁边的博多冬菇亦风味十足，冬菇内酿入了嫩滑的鸡肉，双重口感，加倍滋味。

另外碗鸟唐扬亲子丼 ($98) 水准亦唔错，店家把鸡肉酥炸成脆嫩多汁的唐扬鸡，再配上香浓滑溜的蛋汁，味道富层次。底层的米饭也不简单，使用了日本米，吃起来粒粒分明、香气十足！

两份定食都附有蒸蛋同味噌汤，茶碗蒸内有冬菇、鸣门卷、蟹柳，用料十足。味噌汤有面豉香又不过咸，饮完全身暖笠笠。

野菜串烧点左粟米 ($28) 同 鸳鸯翠玉瓜 ($28)。粟米外层烧至金黄色，表面带点焦香，张口一刨，粟米粒非常香甜，汁液四散，正！翠玉瓜亦很有惊喜，尤其是加左明太子件，吃起来不但爽脆多汁，而且仲多左份咸香，非常惹味。

无论个地方几咁文青都好，几打卡都好，
亦敌不过万千宠爱在一身既「黑 木 亭
居 酒 屋」，试问如果尘世间唔会再有
日本野既存在，就算比你去到Donki，
你都会觉得无意思。不过系黑木就
完全满足我祟日既渴求，为烦嚣既
人生丰富多一点色彩。
-
サ ラ ダ -
▪ シーザーシーフードサラダ - $118
▫ 必食推介既「凯撒·海鲜沙律」，
餐厅落足重料，用左大量新鲜大虾、
蟹肉、蟹籽、帆立贝，铺满成个沙律菜。
而虾肉食落鲜甜爽口，配搭蟹肉
有过之不无不及既满足感，无得输。
-
焼 鸟-
▪ メンタイコ鶏串焼 - $38
▫ 串烧方面有大厨每晚ready即叫即烧，
呢款「明太子·鸡肉串」烧得相当嫩滑，
显得师傅既功架；而表面盖上明太子，
带有淡淡既咸香口感，几好食。
-
焼 物-
▪ ローストマッカレル - $118
▫ 轮到烧物出埸，试左餐厅既招牌
「烧·油甘鱼鲛」，即烧送到埋枱仲有
烟出，鱼皮食落金黄香脆；而里面既
鱼肉熟透度烧得岩岩好，唔会太生
又唔会太老，质感嫩滑，加上油香十足，
就连鱼鳍都卜卜脆；而钟意外一份
味道可以点埋旁边既柚子醋，份外清新。
-
一 品 料 理-
▪ カ ニ 甲 罗 焼 き- $98
▫ 珍贵既食材来自「蟹·甲罗烧」，大厨
预先将蟹肉、蟹膏、蟹籽、蛋烧熟，
然后交由食客自己搅匀。就咁睇卖相
非常吸引；而食落蟹膏咸香味到位，
够新鲜之余配上伴随既蒜蓉多士，
增添多一份口感！
-
季 节 限 定-
▪ イソボイルドアワビ - $128
▫ 另一重点推介就系呢个「矶煮·鲍鱼」，
卖相够哂大只，而大厨预先切件上，食
落口感软腍入味，每片入口都弹牙爽甜；
加上自家制酱汁，将鲜味提升
另一层次，非常有惊喜！
-
黑 木 亭 居 酒 屋
天后清风街10号清风大厦地舖

天后居酒屋食高质串烧

来到最近天后清风街新开的一家日本餐厅，居酒屋主要有烧海鲜，串烧，锅物和其他常见的和食等等。

蟹将军薯仔沙律
用蟹盖载住薯仔沙律，蟹籽及手拆蟹肉，还有些杂菜，整个菜式十分有层次。粒粒薯仔很有口感，进一步提升蟹肉的鲜味。

蜜桃乌龙熊茶
超可爱的小熊造型冰浮在蜜桃乌龙茶上面很舒适的样子，打卡必点。饮品蜜桃香突出，茶味浓淡适中，味道清新。一边饮一边看着小熊沉下去。

北海道士多啤梨牛乳乳酸
乳酸酸酸甜甜，质感看上去很浓厚，但口感清爽，也不会过甜。

来到餐厅主打的烧物方面：

酱油烧饭团及明太子酱烧饭团
两个饭团都烤至外层脆身，比起一般的饭团更有嚼劲。明太子饭团上面满满的明太子酱，咸香味超惹味，饭团里面还有一些鱼肉。酱油烧饭团里面的则是牛肉。

白鳝
盐烧的白鳝外皮烧得非常爽脆，但厨师将火侯控制得相当好，白鳝内里的肉质依然很多汁弹牙，一点也不干身，我觉得是整晚最出色的串烧！

广岛蠔
第一次试串烧广岛蠔。蠔非常鲜味，带点海水咸香。

鸡翼
开边鸡翼也是盐烧，薄身的鸡皮烧的香脆，鸡肉肉质很嫩滑，十分香口。

厚烧牛舌
牛舌也很厚切，烧成约七分熟，咬下去十分弹牙又啖啖肉，不会有骚味，很出色。

盐烧牛肋串
牛肋肉牛味浓郁，用盐烧过食落带咸香，非常惹味。

鸳鸯翠玉瓜
翠玉瓜表面烧过，内里仍保持鲜嫩多汁，配上面头的明太子酱，非常有特色。

脆烧豆腐
口感十分香脆，豆香味浓，外脆内软。

京葱鸡肉串
串烧有大大粒的鸡肉和切粒的京葱，肉质也很嫩滑，加上京葱增加口感。

免治鸡肉棒
免治鸡肉加上免治鸡软骨，配上蛋黄浆，三重口感。

冲绳黑糖烧菠萝
菠萝很厚切，意外地又鲜甜又多汁。
.
.
黑木亭居酒屋
天后清风街10号清风大厦地舖
.
.

餐厅：黑木亭居酒屋 (天后)
地址：天后清风街10号清风大厦地舖

前排谂住去天后甜姨姨食糖水，见到对面有间新开咗接近一个月嘅日式居酒屋——黑木亭居酒屋，今次就去咗独食晚餐，即刻睇下有咩食先

居酒屋主打海鲜烧物、串烧、和食、锅物等，每日餐牌都会有些少更改，视乎当日有咩新鲜食材，包你每次黎除咗食到时令新鲜食物之外，仲满有惊喜

十胜黑豚肉生姜烧定食 $98
黑豚肉被香浓嘅甜姜汁包围住，姜汁香味突出，有唔少洋葱，同沙律菜伴碟，略为浓味，岩哂钟意重口味嘅朋友；所有定食仲跟味噌汤、蒸蛋同甜品，咁多野食咁就唔洗惊唔够饱啦

牛油扇贝 $58
新鲜海鲜又点可以唔试下，即叫即处理嘅扇贝，由拆开、清洗到烧嘅过程都非常仔细，趁师傅整紧果阵偷偷地影返张相先，加上牛油再用火枪烧香真系好惹味呀

另外叫咗个烟肉芦笋卷($48)同烧秋葵($28)，比较特别嘅，系佢嘅烟肉芦笋卷，用咗一整块烟肉，去包住长过筷子嘅芦笋，见到都忍唔住哗咗声