无意之间发现了这家充满异国风情的火锅店，这家餐厅名为火锅随意门，就如随意门般带我们到了土耳其，一入餐厅就被其土耳其风格的装潢所吸引，而且环境既舒服又卫生，可以好好地跟朋友放松一下。

餐厅会先送上酱汁配料，酱料每位$25，配料非常多选择，而且有凉拌青瓜及木耳作前菜提供，酸酸辣辣的，好开胃。

餐厅的配料选择非常丰富！而且汤底的款式都几特别，我们就点了花胶鸡汤锅！

汤底包半只鸡及大量花胶，职员先帮我们把花胶剪成小块，放入预先煲好的鸡汤，我们可以先饮汤和吃花胶，再放鸡件煮～

奶黄色的鸡汤非常浓郁！味道清甜而不油腻。花胶亦处理得宜，没有半点腥味～鸡件上菜时已经是半熟状态，所以很快就可以食了，鸡肉非常嫩滑！

然后就可以食配料噜～

黄金双拼
必点～有黄金响铃和黄金炸鱼皮，即叫即炸，口感香脆，而且咸蛋黄的咸香非常惹味！

瑶柱干贝滑
份量好多，而且好足料，可以食到瑶柱的香味，而且口感弹牙～

沙白蚬
份量都不少，蚬肉几新鲜又无沙，蚬身大大粒，肥美鲜甜，口感爽口。

百花酿豆卜
鲮鱼肉酿豆卜，令整个口感更有层次，豆卜尽吸鸡汤的鲜甜加上鲮鱼肉的弹牙口感，好好味。

韮菜猪肉饺
本身想试黄金沙葛饺，可惜售罄，不过错有错著，韮菜饺都好好味～韮菜比猪肉多，是我喜欢的比例，皮薄馅多。

手打芝心牛肉丸
牛肉丸真的很弹牙，还有流心芝士！好好味～

顶级手切安格斯牛肉（细份）
必点！牛肉的脂肪比例平均，厚薄适中，牛肉味香浓又保留到口感，渌十秒左右就可以食了。

厚切即炸午餐肉
炸得外皮香脆的午餐肉再放到汤底里轻轻渌数十秒，就可以食了，可以食到外脆内软的口感之余，又能让午餐肉吸收了汤底的鲜甜，值得一试～

绝对是一间既有质素又可以打卡的火锅店～

店内装修是土耳其风，非常打卡able。
一坐低先送上调味九宫格，内有凉拌青瓜及凉拌木耳，酸辣开胃。
竹蔗茅根$68
一上枱引起一场惊呼，只要扭一扭就可以扭出一杯杯竹蔗茅根，毫不费力，好适合女仔聚会！
特色卜卜蚬汤锅$198
伴随食用干冰上，一上枱令人惊艳，内有非常多的蚬，只只肥美鲜甜，而且食极都食唔完，同朋友笑说当年耶稣是靠呢个锅喂饱所有人。

本地牛颈脊 （细）$268
有一定厚度，肉味香浓，油脂适中

手打丸拼盘$148
出街打边炉我好钟意叫一份手打丸，
呢份有黑松露鲜虾丸、黄金鲜虾丸、鲮鱼丸、菠菜猪肉丸及芝心牛肉丸。我最钟意系芝心牛肉丸，芝士加牛肉，有一个食紧汉堡的感觉！

咸蛋黄炒炸鱼皮$78
新鲜炸起，件件都挂满咸蛋黄，浸汤几秒更加松化！

话明系随意门，梗系带你去世界各地啦！ 呢到除咗有中国风，仲有日本风，法国风，而最特别嘅一定系波希米亚风，设计好靓好特别，不过可惜我地去个日个个 area 无开 ~ 下次去一定要拣咗房先呀

因为呢到有日本风，我地支sake 都有啲靓靓杯用呀

特色卜卜蚬锅 $198
睇住啲蚬卜卜，卜卜咁开，好治愈，啲蚬好新鲜，只只都开架

本地牛颈脊 $368
牛脂分布几平均，牛味都几浓

桂花蚌 $138
新鲜蛏子皇 $198
佢地嘅海鲜真系几新鲜，桂花蚌同蛏子都够哂爽口弹牙，份量都唔少㗎

黑松露蟹肉饺 （4粒）$68
第一次食呢个combination 嘅饺子，黑松露 + 蟹肉，2样都好似偏高尚嘅材料，估唔到用黎整饺子又几好食㖞

手打墨汁墨鱼丸 （4粒） $68
墨鱼鲜味够突出，又够弹牙

手打芝心牛肉丸 （4粒）$68
用牛肉包住芝士 好邪恶

黄金双拼 $98
值得一赞 呢个黄金炸鱼皮同响铃好松脆，仲有浓浓嘅蛋黄味，就咁食都好正～

醉香花雕牛胀展 $168
淡淡嘅花雕味慢慢渗出黎，如果可以再浓味啲就更好啦

厚切即炸午餐肉 $68

打边炉又点少得食菜呀 识食一定系最后将啲汤嘅精华吸晒落啲蔬菜到，清新健康得黎又够味
金菇 $38
新鲜粟米 $48
白萝卜 $42
豆苗 $68

朋友约我去佢观塘公司楼下的鸭仔冰室食晚餐，顺便比返之前借比佢嘅手提电脑给我，佢话鸭仔冰室晚餐主菜加$5可配是日餐汤或沙律，及咖啡或茶（冻饮加$3），抵食又好味！鸭仔铁板什扒配黑椒汁(酱汁有洋葱汁、黑椒汁和蘑菇汁选择）和薯蓉，(有饭、意粉、薯条、薯蓉选择）什扒用铁板热辣辣上台，倒下黑椒汁时咋的一声，香味四溢，热气迫人，鸡扒色泽金黄，肉质嫩滑。猪扒入口松化，肉汁丰盛。牛扒肉质就软滑。司华力肠外皮脆脆的，十分美味！
焗厚切芝士猪扒饭：用香浓番茄和猪扒与芝士焗制而成，厚切猪扒面上香浓嘅芝士焗至微蕉，芝士又可拉丝，令焗饭美味加倍。香煎鸡扒配厚煎午餐肉配薯条：鸡扒煎得很外脆肉嫩，午餐肉不够厚，薯条香脆，配黑椒汁相当惹味！今日餐汤是蘑菇汤，味道香浓好creamy。饮品热咖啡、冻柠茶、热奶茶都够味！

上星期本来约好咗朋友一齐出去打边炉，不过因为打风关系，所以取消咗，见今日风和日丽，即刻坐言起行，朋友拣咗铜锣湾一间创意感十足嘅新开火锅店。

餐厅位于坚拿道西 10 号冠景楼 1 楼，店名很特别「火锅随意门」，即时令人联想到多啦 A 梦入面嘅招牌道具。

店内装潢亦甚具特色，以四个国家作为设计主题，分别有法国、土耳其、日本同中国，每个区域都有唔同嘅打卡位，好似有反转嘅巴黎铁塔、土耳其热气球、大阪樱花树、中国的古色古香宫廷建筑等，让人有仿如置身于外地之感，嚟影相呃 Like 真系一流！

让友人拣汤底，而我就负责点选火锅配料同混酱。酱介每位 $25，虽然不算便宜，但另外仲有三款餐前小食奉送，而且餐厅而家做紧新张优惠，全单 68 折，都几抵食。

消暑冬瓜瑶柱脯汤锅 ($198) 接着送上，哗！个汤锅卖相真系好靓，仙气十足。店员会代为切开冬瓜，待汤滚后，先舀一碗试试，味道很清甜，而且除了清爽味香的冬瓜外，汤锅内还有不少丝瓜、带子、虾仁、蟹柳等，口感好丰富。

鹿儿岛日本黑豚肉 ($168) 黑豚肉卷成卷状，造型很精美，令人眼前一亮。挟起一片试试，食味果然不俗，肉质腍身无臊味，无论肉味和油脂质素均上佳，入口甘香不腻。

饺子同手打丸每样点咗一款，菜苗带子饺 ($68/4粒) 以带子粒及翡翠苗制成，外形非常饱满。菜苗份量下得甚多，但完全没有抢去带子嘅风头，入口鲜甜带菜香。

至于手打黄金流心鲜虾丸 ($68/4粒) 味道亦一流，不但弹牙有质感，而且一咬爆汁，劲流心，入口带淡淡咸蛋黄香气，好有惊喜。

另外仲点咗生根 ($38)、唐生菜 ($42)、出前一丁 ($22)、罐装可乐 ($25)，生根索晒啲汤汁，超级入味；唐生菜新鲜爽脆，食落有菜香，也不错。

用餐期间，店员问我哋有无兴趣做会员，原来而家下载手机程式并登记成为正式会员，即送黄金响铃一客，原价要 $78 㗎，当然唔可以错过啦！响铃新鲜炸起，咬落甘香脆口，而且咸蛋黄味好突出，劲惹味！

这顿火锅食得很惬意，皆因食材新鲜，用料优良，加上价钱又唔算贵，的确系物有所值。