第一次黎葵芳分店嘅呢间鸡翼山😍 环境装修光猛，有个靓靓打卡墙📷 仲有座位可以坐系度叹鸡翼😂
12只鸡翼（可以拣三种味）+一杯饮品 $118
香茅黑糖珍珠瑜伽鸡翼
甜蜜蜜嘅鸡翼最好味😋 鸡翼表面充满黑糖味，外皮黏黏稠稠嘅口感，咬开里面嘅肉质滑嫩，食多十只都得😃
鼠尾草咸蛋黄哥鸡翼
香浓美味嘅咸蛋黄酱汁布满鸡翼表面，望到都流晒口水🤤呢只味同上面个只出埋今个月炸，要趁佢仲有食多几次先得😤😤
港式避风塘蒜香鸡翼
超多炸蒜同辣椒啊😍 不过冇咩辣味。食落香脆可口，相比之下鸡翼肉就冇咁滑，但就脆卜卜口感好好😙
山楂苹果茶
裹面有苹果溶，饮落有少少口感，味道清新解腻，感觉饮完feel到几健康🤣
我地成家都系鸡翼控，每次食鸡翼每人都要食5至6只先够喉，之前去左葵芳新都会广场果边整野，难得成家一齐出动，整完野，都有入新都会行下，顺手入定货准备换季，就俾我地见到间专食鸡翼既小食店《鸡翼山》，我地一家咁钟意人鸡翼紧系要入去试下喇。
本来以为其实鸡翼款式来来去去应该都系得几只，入到去见到张菜单都好多款式，好多口味真系估佢唔到🤣。
今次第一次黎食就叫左：
02原味脆香鸡翼； 原味鸡翼，食落有蒜香味，又劲juice ，咬落去肉汁喷出黎，劲好味😋。
08港呢D友情万岁柠茶鸡翼； 冇谂过柠茶🍋香港人咁钟意饮都可以拎黎整鸡翼，味道酸酸甜甜咁真系好开胃，好好味。
10香茅黑糖珍珠瑜伽鸡翼；黑糖珍珠奶茶🥤就饮得多，拎黎醃肉真系谂都冇谂过，个感觉系点呢?一定要试下，黑糖味好重，令到个香茅味就冇咁出，不过个黑糖味真系好香好好味，加埋真系有珍珠系面个口感好得意。
鸡翼山既鸡翼真系估唔到咁特别，等疫情过去要黎试埋其他味道先得
众所周知葵涌广场有不少小食，但原来新都会广场都有间专卖鸡翼嘅小食店，佢哋嘅鸡翼有多款创新口味，更选用成本较高嘅波兰无激素优质鸡翼，确保食物品质👍🏻
🔸12件鸡翼套餐 + 饮品（$118）
🍗咸柠七鸡翼
鸡翼用咗咸柠檬、蜜糖及七喜汽水，外表似蜜糖鸡翼咁满布蜜糖，但味道食得出除咗有蜜糖味外，仲有好出嘅咸柠七味，咸咸甜甜咁都几好食😋
🍗新加坡明哥脆香鸡翼
呢款鸡翼加咗鱼露调制，外皮炸得香脆干身，食落juicy之余仲辣辣地，味道真系几惹味，我觉得4款当中呢款系最好食👍🏻
🍗鼠尾草咸蛋黄哥鸡翼
卖相好吸引，鸡翼外表布满流沙咸蛋黄，真系香气四溢😍食落真系有劲浓咸蛋黄味，但又唔会觉得腻，真系越食越滋味😋店员话呢款鸡翼味道比较香浓，所以建议最后先食！
🍹柳橙冰绿茶
特意要咗少冰，味道唔会好甜，饮落有少少橙味，但又唔会盖过咗绿茶味，清清哋几解渴😋
🍗香茅黑糖珍珠瑜伽鸡翼
店员多做咗一份，所以送咗2只俾我哋试吓，真系劲好人☺️呢款鸡翼同麦记嘅热香饼配枫糖浆味道好似😆而且配珍珠系几特别，但对我来讲太甜啦😆
小店嘅鸡翼系即落单即制，所以保证新鲜热辣又惹味，即使等候需时都觉得值得👍🏻
店铺：鸡翼山 (葵芳)
地址：葵芳兴芳路223号新都会广场1楼180号舖
前排去咗葵芳广场到行街，中间经过新都会广场，见到呢间位于1楼嘅鸡翼山🍗，之前成日都听到唔少人去食呢间鸡翼店，今次一于打铁衬热去试下佢地嘅鸡翼先😋
鸡翼最少买4只，所有鸡翼都系即叫即炸🔥，仲可以自选鸡中翼或者鸡锤，而我今次就试咗3款鸡翼同埋一杯山楂苹果茶🥤
文青风玫瑰鸡翼
非常优雅文青嘅鸡翼😂，真系啱晒打卡📸，食落有清新玫瑰花香🌸，几特别
咸柠七鸡翼
一开头食落有啲似中药味🙈，但慢慢就食得出系咸柠七嘅味道，新奇有趣😆
香茅黑糖珍珠瑜珈鸡翼
唔好以为黑糖珍珠一定系饮珍珠奶茶先有😌，原来食鸡翼都可以见到佢哋！估唔到香茅同黑糖珍珠再放喺鸡翼度又几match🤤，值得一试
依家买任何嘢加$28，仲可以换购原价$38嘅香辣避风塘蒜炒鸡翼尖一客(15只)，夜晚买嚟做𩠌都唔错😎
