帮朋友攞啲物资去天后，办完正经事，顺便在区内逛逛。有人话 已经有好一阵子没吃过越南菜，咁就一于由我带路，嚟清风街试下呢间「火五越式牛肉粉专门店」。

餐厅装修干净俐落，橙色台櫈，再配以白色墙身，设计简洁，感觉清新舒服。

餐牌一张过，分成底面两页，有河粉、檬粉、米纸卷、小食、青木瓜沙律、越式油香饭、越式特饮、港式饮品等，另外亦有四款下午茶餐供应。

我哋点咗捞檬、米纸卷，另外再加咗两客小食同饮品。

香茅猪颈肉捞檬 ($48) 估唔到个檬粉咁大碗，材料铺得满满，除了猪颈肉外，还有甘笋丝、青瓜丝、炸蒜片等，用料十足。淋上碌冧捞匀，檬粉酸香清爽，充满鱼露的咸鲜，配爽脆嘅猪颈肉吃，味道富层次。

手作炸软壳蟹米纸卷 ($76) 用料亦绝不欺场，米纸卷一客有 8 件，每件嘅外层都非常薄，晶莹剔透。米纸入面塞满了甘笋丝、青瓜丝、生菜、米粉和炸至脆卜卜嘅软壳，咬落外皮烟韧，饀料酥脆，感觉非常清新，一点也不腻口。

小食点了越式炸虾春卷 ($28) 同 意大利黑醋汁蒜蓉牛油鸡翼 ($38)，春卷做得颇不错，入面包里住满满的虾胶，食落香脆可口，加上外形纤纤长长，很特别。

蒜蓉牛油鸡翼亦很有惊喜，够大只又多肉，吃起来不但脆口蒜香兼备，最大卖点就系面头淋咗黑醋汁，入口酸酸甜甜，非常开胃。

食到饱饱，饮埋杯热西洋菜蜜 (+$8) 清甜润喉，用来解腻真系一流。