餐厅：Séan Café & Lounge (铜锣湾)
地址：铜锣湾谢斐道535号Tower 535地下1号舖

最近铜锣湾人气花花少女黄店 seancafehk 推出咗四款新嘅打卡食物，包括蜜汁德国咸猪手紫薯汉堡配薯条、红鹤焦糖雪糕粒粒配窝夫、桂花班戟同Séan儿童餐，搞到我忍唔住即刻去帮衬，叫返两样嚟试吓

✝️蜜汁德国咸猪手紫薯汉堡配薯条 $148
粉紫红色嘅汉堡包都喺第一次见，餐厅自家制嘅紫薯汉堡烟韧松软，相对低糖健康，配上甜蜜蜜又多汁嘅手撕咸猪手肉，加埋爽口嘅青瓜片、萝卜丝同埋生菜，层次非常丰富

✝️大蘑菇牛油果沙律 $128
醃制煮腍咗嘅大蘑菇好大好吸睛，一切开菇汁就流到落下面嘅沙律，牛油果切成碎粒，连埋番茄仔同生菜仲有少少醋一齐食都几fresh

✝️红鹤焦糖雪糕粒粒配窝夫 $118
影相一流嘅必食甜品之一️，四件心型窝夫之间有士多啤梨忌廉夹杂住，同时成为咗焦糖雪糕同红鹤马卡龙嘅「蜗居」，撒上大量Oreo同木槺碎，仲有砌得好靓嘅新鲜士多啤梨切片，无论用嚟打卡定喺饭后甜品都一样咁得

这间Cafe以粉红色的樱花作装饰，行入去好像走进一个粉红色的世界。这的蛋糕外型精致而且味道又不太甜，所以可以一次过试晒三种口味！

伯爵茶Mouse Cake
栗子朱古力Tart
咖啡味招牌Mouse Cake

配玫瑰花茶

临近圣诞食咗个「魔衣橱圣诞Afternoon tea」
一向有留意开呢间Cafe，出品都好精致加上Igable嘅环境，劲受女仔欢迎
.
今次呢个tea set 都几特别
用上玻璃架做咗个真喺可以打开嘅魔衣橱
一共2款咸点，7款甜点，另外配上杂果梳打同自选花茶
Strawberry cream tart 、chocolate tart、
三文鱼多士同macaron都唔错，但mini burger就较干同单调，栗子蛋糕圣诞树都麻麻
味道都算系不失不过，咸点份量较少
但喺可以喺个咁靓嘅环境度Hea返成个晏昼
又可以疯狂打卡，都值番晒❤️
.
魔衣橱圣诞Afternoon tea（$438）
伯爵红茶mousse 盒
☃️雪人cake pop
栗子蛋糕圣诞树
☃️士多啤梨忌廉芝士塔
Rudolph 榛子朱古力挞
☃️抺茶奶冻水晶球
烟三文鱼多士
☃️安格斯牛柳迷你紫薯汉堡
马卡龙

餐厅：Séan Café & Lounge (铜锣湾)
地址：铜锣湾谢斐道535号Tower 535地下1号舖

铜锣湾黄店Séan Café & Lounge最近推出咗圣诞节特别版「魔衣橱圣诞Afternoon tea」，一知道消息我就即刻仆咗去订位，务求打返个靓卡，叹吓港男下午茶☕️

呢个set喺12/12/2020至1/1/2021嘅下午茶时段供应，每日限量得8份咋，物以罕为贵，你仲等咩？

魔衣橱圣诞Afternoon tea $438
一个set喺二人份量，不过够姜嘅话嚟挑战一个人食哂都得，入面有伯爵红茶mousse盒、雪人cake pop⛄️、栗子蛋糕圣诞树、士多啤梨忌廉芝士塔、 rudolph榛子朱古力塔、抺茶奶冻水晶球，烟三文鱼多士，同埋安格斯牛柳迷你紫薯汉堡，另外仲配埋macaron同杂果梳打

唔洗多讲，睇相都知打卡一流，每款甜品都趣致可爱，隔离枱嘅女士望到都想走埋嚟食埋一份。我最钟意就喺雪人cake pop同埋rudolph榛子朱古力塔，唔好以为咁多朱古力同埋糖霜就一定会好甜，佢地啲甜品味道balance得几好，唔会太甜或者太腻，一边食一边饮埋杂果梳打，真系好chill啊

餐厅：Séan Café & Lounge (铜锣湾)
地址：铜锣湾谢斐道535号Tower 535地下1号舖

Séan Café铜锣湾分店由门面到室内，由天花到墙壁，以致餐桌同食物，都充满住以粉红色同花花为主题嘅设计，落足心机，无论坐边个位，叫咩嘢食，都绝对岩哂你打卡

Tiramisu pancake $108
唔讲唔知，原来义大利嘅「提拉米苏」系指「提神」、「补充能量」嘅意思，而当中嘅Espresso咖啡、糖同可可，都有提神作用。Séan Café嘅pancake松软，中间夹杂住浓郁嘅Mascarpone cheese，面头嘅蛋白同cream完整覆蓋住pancake，加上厚厚嘅可可粉，同埋一枝可以自己去唧嘅espresso咖啡，真系睇得玩得又食得

热洛神花茶 $48
疫情好返啲，成日出街食得多热气肥腻野，真系好适合用返去清热解毒嘅洛神花茶，加上蜜糖调和洛神花嘅酸，夏天加上食完甜品之后饮就啱晒，最重要系佢嘅盘同装饰都好适合用嚟影相架