麻辣手撕鸡冷面 $40
唔系好食到辣既我叫左麻辣手撕鸡冷面，原因系我真系好中意食手撕鸡同冷面。冷面用上荞麦面，微凉的面条质感有咬口，手撕鸡份量不少，唔鞋口。配菜有青瓜丝、车厘茄、粟米粒，青瓜丝口感爽脆，有少少解辣作用。
净系闻已经有麻香，麻辣味越食越出，先辣后麻，虽然好惹味，但食开BB辣既我最后食唔晒，嗜辣之人一定要试下。
特色椰香海南鸡髀饭 $48
海南鸡色泽金黄有油香，鸡皮薄，特登拣左鸡髀肉，贪佢够滑口。旁边酱汁甜甜地带点小辣，唔会过份抢味。平时食开油饭或者黄姜饭，呢度用上椰香饭，米饭有嚼口，亦有阵阵椰香，加埋配菜青木瓜沙律，配搭一流。
粉葛赤小豆茨实煲猪展汤 (跟餐$18)
好似每星期都会转汤，中意饮汤既我点都要试下，呢杯得汤水无汤渣，我觉得味道不错，健康又解辣。
蒜泥白肉 (跟餐$22)
超级多蒜，蒜香重不过唔辣，五花肉烟韧而且唔会太肥。
麻辣鸡肾 (跟餐$18)
酱汁同冷面款应该一样，鸡肾薄切，质地有d似鸡肾乾，颇有嚼劲。
拥有或管理这家酒店？ 免费获取您的详情页以便回复点评、更新资料或者进行其他操作。