朋友今次介绍依间台湾小店，真系唔错，ＣＰ值好高。
小店位于永兴工业大厦内，由于该厦不在外街，初去唔熟路揾左一阵。
前往方法：可在兴业街永泰中心与美兴工业大厦之间路段进入即可

小店环境简朴舒适，灰墙木枱有着个有的台湾味。

点餐可扫描 QRcode手机落单好方便。美食价钱经济，非常好味，可以俾满分的台湾菜。

起司肉松蛋卷饼 $40
蛋卷饱满馅料十足，饼皮蛋皮包得扎实，夹埋咸香嘅芝士溶为一体，烟韧软弹口感极佳，遇上香酥绵密嘅肉松，多份咸甜的美味，如此美食令人感到幸福，来到一定要食。

炸盐酥鸡 $48
鸡件有着酥脆的外层，咬落肉嫩，唔系好咸，小食唔错。

炸排骨面 $52
排骨炸粉薄，肉好淋好入味，汤底唔错味道清清，面条幼细口感弹牙，撒上炸蒜及葱花，特别喜欢其葱花大粒爽口，好一碗台湾面，非常满意，值得返食。

仙草奶茶 $24
甜度适中，茉香味茶底啖啖清香，仙草滑滑Ｑ弹，冻饮好好饮。

荔枝红茶 $28
清甜荔枝味与红茶的茶香，慢慢品尝，热饮都唔错。

巧克力+奶酥吐司 $30
一边系朱古力味，一边系奶酥味，奶酥飘出阵阵奶香，表面有着香浓酥脆口感，食起来几特别。

观塘一向系美食大本营，尤其是工厦区𠮶边，内藏不少物超所值嘅餐厅，所以一得闲就会过去揾食。最近就同朋友帮衬咗呢间主打台湾菜嘅「日月堂」。

店舖位于兴业街一幢工厦内，环境非常宽敞，空间感十足，座位阔落舒服。墙身上挂左十几块写有菜名嘅木牌，几有特色，据说全部都系餐厅嘅招牌菜。

我哋点左炸盐酥鸡 ($48)、玉米起司蛋卷饼 ($38)、红烧牛肉面 ($70)、手工卤肉饭 ($42/大) 同 两杯饮品。

盐酥鸡做得很不错，鸡件炸至金黄色、脆卜卜，咸酥又香口，而且食落唔会好干身，保留到肉汁，入口啖啖肉，香脆又滋味。

店里的蛋卷饼一共有 4 款口味，包括肉松、起司肉松、双蛋同我哋拣嘅玉米起司蛋卷饼。蛋卷饼即叫即制，新鲜热辣，面头淋左酱汁，饼皮烟烟韧韧，入面卷住半溶芝士同大量粟米粒，相当足料，吃起来有浓浓的芝士香，沾上酱汁，味道更佳。

红烧牛肉面亦做得好有水准，汤头非常鲜美，有淡淡香料辛香，味道柔顺甘甜，不油不腻。牛腱肉焖得软腍入味，入口肉香充沛，不嚡不韧。面条份量颇多，质地弹牙，食落带面粉香。伴吃的酸菜亦下得很大方，入口酸中带甜，爽脆又醒胃，口感一流！

每次食台湾菜都一定会点吃卤肉饭，今次当然亦唔例外。佢哋就卤肉炖煮得好入味，几乎入口即化，酱油豉味好突出，卤汁糖味到位，加上白饭绵软富米香，绝对系心机之作。

饮品点左黑糖珍珠奶茶 ($26) 同 桂圆姜母茶 ($20)。奶茶嘅茶底好香，入口浓厚顺滑，黑糖味够浓，珍珠又够烟韧。姜母茶亦很值得一试，姜味好突出，辛辣中又带点桂圆嘅清甜，饮完成身暖笠笠。

台湾菜绝对是香港人喜爱的口味， 观塘区的工业大厦更是卧虎藏龙的地方， 今次i介绍🔸日月堂🔸， 位于观塘兴业街14号永兴工业大厦4楼C2室。 店内环境有台湾装饰😊， 二人午餐点的菜色有玉米起司蛋卷饼$38、 手工卤肉饭$42、 红烧牛肉面$75、 台式卤水猪大肠$39、 冻香芋奶茶$24、 热黑糖珍珠鲜奶$30。📝📝📝

📌玉米起司蛋卷饼～ 香甜的玉米， 芝士香浓好味， 与蛋卷饼融为一体。

📌手工卤肉饭～ 食台湾菜点少得卤肉饭，卤肉的部分肥瘦适中 ，炖得很腍，不会太腻，美味的猪肉加上香浓的酱汁👍🏻， 送饭一流。

📌红烧牛肉面～原汁原味的汤底，口感扎实的面条，牛肉滑嫩入口即化🤤，吃起来非常滋味！

📌台式卤水猪大肠～ 卤得很入味，口感有嚼劲且不硬，口感咸香😋， 味道浓郁。

📌冻香芋奶茶～ 浓郁的芋头风味， 配上香醇奶茶， 大大杯好抵饮。

📌热黑糖珍珠鲜奶～淡淡黑糖香气，珍珠口感烟韧，味道微甜，奶味不会盖过黑糖的香味。

差不多成年没有到台湾旅游了， 食番餐台湾菜就当去了一趟台湾吧！😉

日月堂
地址: 观塘兴业街14号永兴工业大厦4楼C2室

餐厅：日月堂 (观塘)
地址：观塘兴业街14号永兴工业大厦4楼C2室

「纵未知明日福祸，仍约定你下月平安相聚」

观塘工业区最近新开咗间好黄嘅台湾餐厅🎗，门外呢句说话深深吸引咗我，作为香港人🇭🇰，除咗希望争取到公义同真相之余，仲希望大家可以平安无事🙏

一入到餐厅就见到唔少台湾明信片系墙上，亦有文宣同大家每日都需要嘅苹果日报比大家索取🍎，餐厅以散叫为主，如果整埋套餐应该更吸引

牛肉葱油拌面 $56
用嚟捞呢个面嘅秘制酱汁好特别，甜甜地惹味得嚟又唔会好油或腻👍🏼，牛肉纹理清晰都几稔，仲有唔少津白同半只卤水蛋

手工卤肉饭(小) $35
嚟得台湾餐厅紧系要食卤肉饭啦😋，可以清晰见到粒粒猪肉，切得细粒但又未至于去到肉碎，以致肉嘅口感可以依然保持到，而饭嘅份量都唔少架😎

蚵仔煎 $42
呢个蚵仔煎除咗有蛋、蠔仔🦪、生菜🥬同葱之外，仲加咗辣酱🌶，最特别嘅系用埋粉皮去整，食嘅时候带有啲烟韧嘅感觉

炸盐酥鸡 $48
盐酥鸡一向都系台湾知名地道小食🐓，餐厅将大大旧鸡件醃上椒盐🧂，再将皮炸至香脆，食落咸香，仲有啲芝士香

买饭或者面嘅话，可享半价购买特饮🥤，叫咗杯热茉香奶绿($18)同热柑橘柠檬红茶(半价后$11)，仲有其他台式饮料同甜品可以拣