攰攰地想医下肚仔。
喺朗豪坊附近揾咗间食西餐嘅。
望下menu食咩东东。
有我最钟意食嘅头盘
*Parma Ham Melon *。
Ham咸咸香香。
配蜜瓜无得输。
黑松露酱虾球意大利粉～
骤眼睇以为好细碟。哈哈。
份量原来都几多wor。
啖啖意粉渗出黑松露味道。
为食妹loving eat 。虾爽口弹牙。
必点❤️。
为食妹最钟意叹茶。
呢度个壶好有特色。
仲用埋Twinning 茶包。好Surprise。

餐厅位于朗豪芳附近，邻近地铁站，非常之方便；餐厅设有水吧位，show咗唔少酒同时令生蠔，而家仲做紧个生蠔套餐$124就有半打生蠔同两杯白酒，感觉都几抵食，平平地有个舒舒服服嘅环境同朋友㗳番杯食少少生蠔，抵过去酒吧。
.
套餐
焗蒜蓉包
蒜蓉包大大个，每人切到三块食，牛油蒜蓉酱够多够哂味，入口外脆内软，份外滋味。
.
巨人菇巴马火腿沙律
唔知巨人菇嘅食法到底系咪生食小妹第一次食生菇，生食菇比我嘅感觉好奇怪，虽然咬落去都有菇汁，但生食真系唔系几接受到，其余配埋黑醋都唔错。
.
巴黎牛油白菌田螺
牛油田螺放入磨菇里面焗制，非常juicy, 细细粒啱啱好一啖食一粒。
.
网丝焗蟹肉卷
薄脆嘅外皮加上啖啖蟹肉，足料好味道。
.
慢煮脆香无骨猪手
我想讲配搭猪手个个汁好好味。
猪手有点难切，如果可以预先切片上碟会更好。
.
前海鲈鱼配波菜汁意粉
.
芒果拿破仑多脆饼
拿破仑脆饼非常薄身脆口松化，唔会感到糊口，咬开唔会太散，吉士酱挺身够多，配搭埋甜甜酸酸嘅芒果，整晚众多食物当中，最喜欢就系呢道甜品
.
Virgin sangria(mocktail)
Sea breeze(cocktail)

旺角向来系个同朋友食饭聚会嘅好地方，不过由于呢区嘅餐厅食店选择太多，有时真系花多眼乱，唔知点拣好。

最近有朋友报料，话雅兰中心附近新开咗间 Fine Dining 西餐厅，不但环境有情调，而且食物质素亦非常好，加上定价合理唔离地，绝对值得一试。

餐厅位于砵兰街，离远已经见到门口嘅霓虹灯招牌，以萤光绿配上迷人的紫色，既抢眼又夺目。至于店内装潢则以香槟金为主，格调时尚，尽显高雅气派。

先看餐牌，食物选项有小食、沙律、汤、意粉、主菜、甜品，另外黑板上亦写满了当晚嘅优惠同厨师推介，如澳洲和牛西冷、精选生蠔、法国肥肝、龙虾意粉等等。点咗个二人晚餐，包头盘、主菜同甜品等。

先来一客焗蒜蓉包，蒜蓉包原个上，热辣辣、香喷喷，未放上台已经闻到蒜蓉香，入口外脆内软，酥香惹味又唔油腻。

接着是一客松露酱虾球薯仔沙律，虾球以原只鲜虾炮制，入口啖啖肉，够鲜爽又弹牙，正。垫底嘅薯仔沙律，味道亦不错，薯肉粉绵，食落满有薯香，沾松露酱吃，超级惹味。

慢煮三文鱼火腿卷，三文鱼以慢煮方式烹调，鱼肉非常嫩滑，几乎入口即溶。面层包卷住三文鱼嘅火腿水准亦甚佳，入口咸香惹味，加上火箭菜及青酱，食味丰富。

继续食的是玫瑰盐烧鹌鹑，鹌鹑来自法国，肉多骨细，烧焗得皮脆肉滑，入口香而不嚡，而且咬下还充满肉汁，非常滋味！

主菜香煎牛柳伴牛肝菌，味道亦一流，牛柳香味动人，肉质软腍松化，嫩滑富肉香。面头的牛肝菌肥厚多汁，爽滑味鲜，配牛柳吃，将两种食材的美味充分发挥，简直是天作之合。

鲜蠔汁意粉配温泉蛋，意粉煮得啱啱好，爽口烟韧又带蠔鲜。温泉蛋亦非常诱人，一切落去，蛋黄便即时流出，捞埋意粉食，每一啖都充满蛋汁丰盈嘅口感，正！

甜品有两款，分别为北海道牛乳奶冻 和 蓝啤梨芭菲，两款甜品卖相都好靓，造型既精致又美观，奶冻滑嘟嘟，吃起来有超香浓奶味，绝对能满足味觉和视觉享受。

餐饮点咗 Cucumber Lemonade 同 Sangria，前者入口有淡淡的青瓜香，很清爽；而 Sangria 味道亦相当平易近人，酒精渗著果香，入口啖啖清新凉快，与这晚的菜式非常匹配。