今晚收工之后专登入咗沙田揾个朋友食饭，佢收七点我过到去就岩岩好

佢话呢度有间黎自马拉既海外首间分店正宗越南菜想试，我当然有兴趣啦！

朋友叫咗生牛肉汤河同咸柠七，我叫左猪扒捞檬扣底同热菊花姜蜜，另外加左碟清汤蛙蛙菜share～

生牛肉河汤底非常浓郁，饮得出系真材实料淆制好多个钟而成配埋嫰滑既牛肉一齐食，满满既牛味超正

我既捞檬有超多配料 包括醃制过既红萝卜同白萝卜，青瓜，生菜，芽菜，酸菜，样样都好爽口令人特别开胃
猪扒煎到金黄色好靓仔 完全唔会觉得油腻，肉质偏瘦但一啲都唔鞋口，食落带啲香料香味，调味适中
呢度捞檬既汁比起连锁越式餐厅更浓郁，连锁果种系无乜料偏酸，但呢度系偏多蒜同辣椒，所以食落会更加香辣惹味

清汤蛙蛙菜水准正常份量合理～

热菊花姜蜜既姜味比较突出但唔会话太辣，加左蜜糖同带啲菊花香味就更加易入口

除左檬粉同河粉呢度仲有饭类提供，我见附近几台都有唔少男士叫饭食，卖相仲几吸引，下次可以再试

早几日放工同谦谦去左沙田新城市广场5楼（跃动悠园）到玩，玩完太饿了，谂住系附近食完晚餐直接返荃湾，记得阿哥讲过呢到有间食檬粉ok 的，就同谦谦来了。

来到连城广场的“越好Phovietz”，玩完饿到叫救命的谦谦拿拿声order 以下野食：

⚛ 越南猪扒捞檬 ～ 煎大大块猪扒送来时已切件， 够软腍谦谦大赞，呢到的鱼露味道唔咸，酸酸辣辣超开胃。

⚛ 沙嗲串烧捞檬 ~ 3串烧惹味得来带一点辣岩哂我呢d 钟意重口味的人， 个檬粉又带点酸岩哂热天唔钟意食饭的人。

⚛ 炸虾饼 ～ 4件即炸弹牙虾饼都系$38 好抵㖞。

⚛ 虾酱鸡中翼 ～ 4件即炸鸡中翼都系$38， 淡淡虾酱味咬落外脆内滑几滋味。

最后饮返杯 恐龙美禄和

桂圆红枣茶 完结呢餐。

忙咗成个礼拜，终于有时间出去食晚餐啦，好耐无食越南菜啦，今晚等我带大家食越南菜啦真系好挂住越南嘅生牛肉汤河
。
我哋叫咗个生牛肉汤河，一黎到当然试咗个汤先啦，汤头好浓郁鲜甜，一块块嘅生牛肉，分量十足，而且配上香叶，非常正宗，河粉好大碗❤️
。
另外叫咗个猪扒捞檬，配菜好丰富，作为主角嘅猪扒非常之嫩，而且好够味，再加上越南特制酸辣汁，淋上去捞匀黎食，酸醒甜甜好开胃，食到停吾到口。
。
而小食分别叫左虾酱炸鸡中翼同炸春卷，鸡翼外皮炸得好酥脆，不过略嫌虾酱味唔够重，如果再重啲就更好食啦。而炸春卷亦都非常酥脆香口，配上酸甜汁，越食越开胃

美味嘅越南餐

呢排好耐都冇去沙田行下，今日得闲就去沙田行下街食下野啦，咁啱比我见到间「越好」越南餐厅，一于去试下佢正唔正先啦⋯⋯

生牛肉汤河
嚟到越南餐厅我必叫的菜式，汤底用上牛骨熬制，汤好清甜，加上刚刚熟嘅牛肉好正

酥炸牛油鸡翼
来到越越南餐厅，我都好钟意叫呢款菜式的，入口有阵好香牛油味，加埋外皮香脆可口，正

越好双宝饭
内有煎蛋、鸡扒、猪扒、虾片劲丰富好好味

以前喺沙田返part time，肚仔饿都会去火车站隔离既连城广场医肚贪佢够哂方便！听朋友讲依家原来开左好多唔同餐厅，行左个圈见到有间越南河粉店排哂队 所我都唔执输一于排埋一份
·
原来哩间新开既越南河粉店系马来西亚过江龙，开业32年喺当地好出名
·
▪越好生牛肉河  HKD$58
哩度既汤底绝对系精髓 汤底每日用上大量新鲜牛骨(好足料啊！) 以慢火熬煮14小时，所以啖啖都充满牛骨既鲜味 并加入多款蔬菜如姜、洋葱、蕃茄、陈皮等，令汤底味道浓郁得来带点清甜滋味 半生熟既牛肉色泽嫩红，口感嫩滑，一次吃下一大片令人十分满足 幼滑既河粉系我至爱 条条分明滑嘟嘟，索哂啲汤汁，正呀 *每日限量250碗
·
▪越南猪扒檬  HKD$56
猪扒好大块，颜色亮丽有光泽，但幸好食落唔会油淋淋 香茅味道醃得唔算好浓郁，不过不失吧~ Annie食檬粉最钟意加入大量甜醋，酸酸甜甜味道好开胃☺ 檬粉口感煮得刚刚好，不错啊。
·
▪酥炸牛油鸡翅  HKD$38
香口酥脆，鸡翅上面铺满炒香既蒜蓉，十分惹味呢
·
▪炸鱼饼  HKD$36
炸鱼饼口感好幼软，几厚身咬落啖啖肉。
·
越好
沙田沙田车站围1号连城广场1楼109号舖