黎得mamaday，就紧系唔系净系黎饮咖啡食cake，最少都影返几张沙龙。 食物： 1. 抺茶芝士蛋糕-抺茶味加芝士 2. 士多啤梨芝士蛋糕-有士多啤梨同芝士 饮品： 1. Latte-第一次试Latte上面冻奶泡，非常特别，加埋暖暖既咖啡，但又唔会有奶羶味 2.是是鬼鬼旦旦-夏日清新特饮，用tonic+earl grey tea+pineapple + yuzi肉，饮落醒神，如果黎做野想精精神神，呢个都岩哂，唔驶黑啡！ 劲钟意呢杯野！！！❤️❤️❤️❤️又甜又酸然后同平时嘅黑啡唔一样

去过Mamaday喺铜锣湾同尖沙咀嘅餐厅，食物美味、室内装饰鬼马又有趣，留有好印象；今日喺佐敦，知道佢有分店，就特登行去试吓

佐敦店系一间coffee shop，有小食同甜品，位于唐楼一共有三层：地下、一楼、二楼，室内嘅摆设、标语、图画都一样好鬼马得意，仲有好多我钟意嘅电影海报，呢度好似系将唐楼赋予新生命，感觉好正

要咗一件泡菜猪肉酥皮批，再加一杯热朱古力，泡菜猪肉批有少少辣，几特别几好味；热朱古力就几香浓。我仲坐咗喺2楼一张好似办公枱嘅餐枱旁边，慢慢享用食物同饮品，背后有个阳台，初冬嘅太阳微微晒入嚟加埋少少凉风，真系kimochiii

位于佐敦嘅Mamaday Studio，自己一直都好想去。因为有一次经过咗佐敦嘅时候，见到呢间好瞩目耀眼嘅Studio，见佢色彩缤纷，系成条街最突出。今次我就同朋友一齐去呢间studio，睇吓有乜好食同平时啲mamaday 有冇分别。 Studio主要分两层，第一层系点餐区同埋有一排高台；第二层全层都系座位，另有小骑楼，又靓又chill。而且Studio入面有好多唔同嘅特色、搞笑字句，岩哂大家影靓相。仲有条七彩楼梯

是日精选咸食 ($68) 睇menu真系唔知咩嚟，问返老板先知日嘅是日精选系咸批，原来日日都唔同味。点知日系泡菜炒猪肉批，真心好有惊喜。 因为普遍cafe可以都系提供甜批，例如蓝莓批咁。泡菜炒猪肉配牛油酥皮，原来系一件好match嘅事，又唔怕甜腻腻，酥皮又松脆。真心推荐!

Oreo咸蛋忌廉蛋糕 ($55) 佢外形成只咸蛋咁好得意切开一半，原来入面都系一只咸蛋咁，有蛋黄同蛋白。 原来蛋白系忌廉芝士加白朱古力慕丝，蛋黄就最为特别，因为我本身以为蛋黄系芒果味或者热情果味咁，但原来佢都系咸蛋黄加白朱古力，咸咸地，真系 out of my expectation。

73.5%朱古力 ($38) 同mamaday餐厅一样，用樽仔装住。朱古力入面有好多朱古力碎，啖啖朱古力都有粒粒。钟意朱古力既朋友一定要试。

冰滴咖啡 ($unknown ) 冰滴咖啡高质，佢除咗有咖啡味之外，饮完会带少少咖啡酸味，比较苦。如果你唔钟意latte,呢款咖啡应该fit you!

趣味性十足自助咖啡店！
餐厅提供了咖啡及蛋糕等。取餐后沿楼梯上，每层都是打卡位，对联好盏鬼～

楼上设有室内、露店用餐处
店主有品味 由布置、餐桌椅、饰品把整个环境都很配合得宜

暂时脱离一下挤逼都市也是不错选择！

好几次经过铜锣湾呢间餐厅 成日都好多人
难得佢喺佐敦开咗间studio 虽然只卖饮品同轻食
不过地方寛敞 布置有特色 走本土文化路线
周围贴上抵死字句同口头禅 足够理由去打卡！
-
#咸蛋黄芝士蛋糕 ($48)
呢款蛋糕走玩嘢风格 鸡蛋嘅外型
咸蛋黄味内馅配淡芝士慕丝 味道唔错 好协调
-
#士多啤梨慕丝蛋糕 ($48）
卖相系淡粉红色 同心目中嘅士多啤梨色调有段距离
有啲似空气蛋糕 慕丝应有嘅绵滑同口感不足
-
☕️#豆腐咖啡 ($46）
如果你饮咖啡落劲多奶 呢杯嘢饮一定啱心水
冰咖啡里面系一球圆辘辘嘅豆腐雪糕 带清香豆腐味
-
#冻朱古力 ($38）
小小地支装上 朱古力甜味可以浓啲 饮得方便又卫生