放假去左果栏买生果，一场出到来就顺便揾下有咩特式餐厅，见到油麻地白加士街有间mamaday stuido一于去试下~坐低抖下食个afternoon tea~

饮品当然要叫最爱的冻古力啦，个樽好得意好像香水樽咁~另外就叫左杯hot cappuccino! ☕

试左个因为被紫色所吸引的芝士紫薯蛋糕香浓芝士味配埋紫薯，两者味道几夹唔错:yummy:
另外就叫左个bagel 配芝士酱!
平时好少会食bagel ~试落都几特别

从来未发现原来香港有一间本地风格浓厚别具特色嘅Cafe！唔讲以为自己置身于时代博物馆，相信Cafe嘅老板系一班非常喜爱香港本地文化特色嘅一班年轻人，而且一定对艺术有一定嘅追求。喺counter落完order之后要自己拎食物上一层楼梯，餐厅环境非常舒适，仲设有outdoor座位！露台位置摆放咗各式各样嘅花草植物，得闲同朋友过嚟饮杯咖啡食件蛋糕chill下真系一大乐事!

欣赏咗间cafe咁耐，终于可以开餐喇！我地点左抹茶牛奶同埋招牌豆腐咖啡。抹茶牛奶嘅绿茶味好香浓；但讲到特别，一定系呢个唔系每个地方都饮到嘅豆腐咖啡！冰冻嘅咖啡内加入左一粒粒口感类似布甸嘅豆腐粒粒，仲有一大球大有清香豆腐味嘅雪糕，雪糕嘅甜味岩岩好中和左咖啡嘅苦味。

呢个Bagel内有一粒粒烟肉，用焗炉焗过之后口感香软，再配上软滑嘅cream cheese，好好味！

伯爵茶苹果蛋糕，味道偏甜，但伯爵茶味都几香浓！作为下午茶小点份量啱啱好。

Mamaday不嬲都系行开玩味既路线，之前同朋友去过尖沙咀店。今次就同好闺密黎到油麻地店，三层的唐楼，每一个位置设计到好适合打卡，我明点解叫Studio喔可以系度影半日

系自肋形式，系楼下买定饮品同caĸe就行楼梯上去，有2层的，我剩系去左2楼呢层，露台位置就有2张枱，去到嘅时候有人坐紧所以食饱之后行去影相

73.5% Dark Chocolate $42
我系朱古力控呢杯73.5% Dark chocolate 好香浓呀！虽然系73.5%但唔系太苦，味道戴点点微甜饮到幸福嘅味道啊

Latte $40
Latte 画上了拉花，喜欢这图案好靓呀～
首先闻一闻先，味道好甘香☕️

布朗尼$42
呢个Brownie有手掌咁大呀听店员介绍嘅时候先知道原来系佢哋自家制㗎！外面烤得几脆，会有啲松软香浓朱古力味但唔太甜，仲有啲坚果系入面
店员仲附送左佢哋新研发嘅”布朗尼曲奇”，质感就扎实脆口啲。

薯仔挞 $68
薯仔挞整得好精致，薯蓉食得出放咗啲忌廉入去一齐打蓉，薯蓉还有薯仔粒

之前一直听过Mamaday在油麻地的新店玩味十足，原来这边比较近佐敦出口，也很容易找，点完餐要走楼梯上去，所以跟行动不方便的人要注意呢！

豆腐豆腐咖啡（$48）是冻的但是味道很容易入口，有点豆腐也有点豆腐雪糕，口感挺丰富的！

73.5%朱古力（$42）无论口感还是味道都比较浓厚，不会太甜，是他们自己做的，是很不错。

咸蛋蛋糕（$48）外面是Oreo，整体是mousse cake，带有咸蛋香，不太甜，很不错喔。

蕃茄干贝果圈（$38）味道也是不错，有点蕃茄咸咸的味道更好吃！

三层唐楼处处打卡点
自助形式想留几耐都得

不嬲都好钟意呢个mamaday嘅餐厅，fusion菜做得好之余，餐厅处处有打卡位。今次嚟到呢一间油麻地嘅分店，系一间Cafe嚟㗎，冇主食供应，主要系小食咖啡同埋甜品。

为咗配合我嘅Green January

绿茶芝士蛋糕
菠菜批
☕️热latte
So dirty

我比较喜欢佢嘅饮品多于佢嘅食物 ，始终都系咖啡店，饮品较好喝是正常吧！

两杯咖啡都香浓幼滑，菠菜批味道比较淡，批皮够香脆，绿茶芝士蛋糕也是比较清新，适合不喜欢重口味的朋友。

建议大家人少的时候来慢慢享受。

Mamaday Studio
油麻地白加士街105号地舖