餐厅：溏串小町 (大埔)
地址：大埔翠和里5号丽和阁地下D1号舖

返完中大，去咗大埔果头揾嘢食，比我揾到呢间日式黄店——溏串小町，净系睇佢地IG都知佢地黄到一个点，就算远都要支持惩罚吓

餐厅布置成居酒屋形式，有唔少日系装饰，好似日本漫画同旗帜咁，充满日本文化气息，当然仲有唔少黄摆设啦

小町刺身定食 $148
呢个定食真系好夸张，因为刺身嘅款色多得嚟，份量都好多！有三文鱼、油甘鱼、吞拿鱼、剑鱼腩、鲷鱼、带子、北寄贝、八爪鱼、马刀贝、赤贝肉、海胆鱿鱼、牡丹虾同埋玉子十三款，夹埋有超过20件，连海胆都有，呢个价钱都几抵食。刺身新鲜，无雪藏味道，有咩唔食嘅仲可以同餐厅沟通一吓，相信都能够满足到大家。而呢个定食仲配埋中华沙律、面豉汤同饭，就算男仔都唔使惊唔够食

午市仲可以用优惠价追加唔同嘅小食，我试咗个炸黑毛猪肉饼(加$12)，食落有浓郁黑毛猪香，虽然系炸物，食落香口但系唔油腻，蘸埋沙律酱都一样咁好食

另外仲叫咗杯热蜂蜜柚子生姜茶($20)，系呢家咁冻嘅天气饮真系暖笠笠又润喉