原本想打边炉，见到Menu有一人锅又心思思转軚，有得拣饺子锅，或者其他肉类既锅物。
整体食物质素还好，反而几钟意餐厅环境，门口旁边有个花花墙，墙身亦有设计，地方寛敞坐得几舒服，唔洗食完赶住走。

《澳洲和牛野菜锅 $228》
用上麻辣番茄汤底，番茄和麻辣香味同样浓郁，虽然系麻辣，但唔会搞到成个汤底好油腻，不过汤头质感有少少稠杰，食到后面有d咸。澳洲和牛肩胛肋骨肉，色泽红润新鲜，份量不少，肉质软嫩，配上日本珍珠米不错。

《西班牙豚肉豆腐白鸡汤锅 $168》
我想食清d既汤底，拣左豆腐白鸡汤，感觉有d似美人锅。呢个汤底系佢地自家制的，豆乳味颇中，饮落觉得几健康唔会好有负担。配料有西班牙橡果栗子豚肉及日本豆腐，豚肉肉质尚算嫩滑，都系大大块；而我比较钟意个冻豆腐，豆味香浓，质地滑溜，令到整锅豆乳香更突出。

餐厅：日和茶舍 (尖沙咀)
地址：尖沙咀堪富利士道6-6A号爵寓1楼

适逢考完试又临近圣诞节，当然要同朋友一齐去放松吓，不过都唔好忘记限聚令，依段时间大家都要小心身体，做好个人卫生，同埋唔好冷亲呀

一入到日和茶舍就感受到浓郁嘅日本餐厅味道，仲有棵靓靓嘅圣诞树同埋一幅粉色系嘅花墙，唔知又啱唔唔钟意打卡既你哋呢？虽然餐厅名同环境都比较日系，但系餐牌里面都有唔同种类嘅食物同饮品任君选择

叫午餐送餐汤同埋小食或者野菜沙律，时日小食喺日式春卷，另外仲有一杯热饮☕️，值得留意嘅喺依家做紧午市8折优惠呢

酱油橡果豚肉野菜丼 $108
一上菜就闻到好浓郁嘅豚肉味，而且每旧豚肉无论肥瘦同大小都好均匀，加上浓郁既酱油，同䐁肉非常夹，如果净系食䐁肉觉得有啲甜，但捞埋饭去食就啱啱好，仲有一只溏心蛋，同埋野菜沙律伴碟呢

鸳鸯饺子手工扁面 $88
两款饺子分别喺用咗西班牙黑毛猪去整嘅时令香菜马蹄豚肉饺，同埋用咗无激素走地鸡去整嘅养生牛肝菌鸡肉饺，值得赞嘅仲有个手工扁面，入口爽嫩弹牙，几特别