止一止瘾
·
世界一苹果批（$36）觉得无日本果时咬后惊为天人既口感苹果批唔热唔暖唔酥脆...质素略逊.唯独内馅还好
·
Mille Mele
尖沙咀弥敦道118号Mira Mall地下G65号铺

行行吓街见到有间红卜卜嘅舖头睇吓咩料，系苹果批呀吹奏自己系世界第一，入去试吓系咪真系咁劲先。

见入面人少少又有位坐，梗系要即刻食啦。个酥皮够脆又有层次，最紧要唔会干争争，外面薄薄咁sugar glazed左 甜甜地。佢d苹果切得偏大粒，食到苹果嘅原味，仲有少少咬口，唔似d西洋野煮到d苹果好淋又有肉桂偏多酱, 所以比较清新。d豆乳忌廉食落以为系淡口d嘅cream cheese, 微微地咸几得别，但食到后段偏多custard 嘅时候就冇左种惊喜，但都好味嘅。

口痕想食甜野嘅话，食到系开心嘅，细细旧冇咁罪疚嘛，不过$36蚊旧就真系贵左d囉。