难得同老妈子两个人饮茶,知佢老人家钟意饮茶,所以带佢去小皇府饮个早茶,之后又可以行下Moko
可能我地太早到,唔多茶客,可以舒服咁坐系度慢慢叹一盅两件。
各式点心都有,仲有炒粉面饭
点左几样老妈子钟意食既点心有佢至爱既牛栢叶不但大大旧,而且好爽口。
原只花胶灌汤饺:
点一个足够两人份量,而且真材实料,花胶好大只。
日式烧汁叉烧包:
即叫即蒸,唔算好大个,不过胜在馅料好足。
灵芝菇肠粉:
连老妈子都超赞,因为好滑,而且有灵芝菇,好香好有咬感。
呢个系我既至爱啤梨鹅肝咸水角:
咸水角整到啤梨一样,又香脆,而且馅料有鹅肝,好香口。
虎松茸魔鬼鱼饺:
呢个都几得意饺子整到成只魔鬼鱼一样,都几似样,馅料有成只虾,好好食
蟹皇滑烧卖:
热辣辣,馅料足。
因为要预备埋饭盒,所以最后点左个福建炒饭:
好大碟呀,而且好足料,睇下几多虾虾虾。
原来堂食仲有85折,点左8样野,抵到飞起呀。
拥有或管理这家酒店? 免费获取您的详情页以便回复点评、更新资料或者进行其他操作。