周日经过荃湾AEON的百芳池上便当，无得旅行，又想念台湾式的火车便当。见价钱便宜， 便试下。

餐厅大概有10台左右， 坐得都疏， 都舒服。很多人排队外卖便当。

先叫了个炸猪扒便当， 有粉丝，青菜，卤蛋，粟米，菜蒲。很丰富， 混在一起味道不错。猪扒酥脆。

再试个盐酥鸡便当， 鸡炸得酥脆。连皮炸，很juicy.

小食试了个炸花枝丸，外酥内软。

饮品试了个黑糖珍珠鲜奶， 珍珠烟银， 奶茶茶味浓。朋友叫了个芝士奶盖夏日荔枝红茶加仙草， 有惊喜， 仙草和茶味很配，好味。

好耐无落嚟湾景中心附近行下，趁今日要去税局交文件，办完正经事，一于过去 Brim 28 逛逛，顺便揾食。

无嚟一排，原来有好几间之前帮衬开嘅食肆都已经结咗业，好彩仲揾到一两间心水餐厅。

得一个人，唔想坐低食，都系决定买外卖，拣咗「百芳池上便当」。

先睇下餐牌，原来呢度除咗有便当之外，仲有台式早餐及一系列台式小食等供应。上个月喺另一间分店食过佢嘅「香酥炸鸡腿便当」，只鸡髀炸得非常美味，既酥脆又唔油腻，今次就试下个「香肠卤肉饭便当」，再配杯珍珠奶茶。

香肠卤肉饭便当 ($59)：虽然系外卖，但店员一点也不马虎，将个便当同饮品各自分开包装，既干净又企理。

条香肠虽然唔算好大条，但质素甚高，食落皮脆有肉香。卤肉味道亦唔错，肉粒肥瘦相间， 脂肪入口即化，富肉香和油香，而且调味亦恰到好处，不会太咸或太甜。

至于其他材料亦十分丰富，饭面铺满了栗米粒、椰菜、粉丝、酸菜、另外还有半只卤蛋。栗米粒爽甜多汁、酸菜有醋劲而不呛喉、粉丝入味又烟韧，而卤蛋食落亦充满蛋香，水准不俗。

杯奶茶的茶底甜度很适中，入口顺滑香醇，珍珠大大粒，嚼感十足。食完饭再叹埋杯珍珠奶茶 (+$14)，真系好爽！