朋友钟意食川菜，当日约左系尖沙咀见面，虽然尖沙咀有唔少川菜餐厅，但朋友揾到呢间新开既舖头。 钟意尝鲜既佢，决定拣呢间试下，话新开既餐厅通常有心做好每份菜式。
青椒青香鱼 $238
鱼肉份量算多，食到最后仲有鱼肉剩，鱼肉全部起晒骨，方便食用，而且肉质好滑。师父切到鱼肉大大片，食用时口感更丰富。用左乌冬舖底，吸收汤汁后非常好食，而且Q弹爽口，比鱼肉有有过之而无不及，个人认为除左鱼肉，比乌冬亦系主角之一。
不过汤底略嫌唔够辣，不过呢个系我地选择错误之过，如果钟意食辣既朋友可能拣番水煮鱼或酸菜鱼更加适合。钟意鲜甜清新既，青椒青香鱼都系一个好选择。
正宗四川回锅肉 $88
香港食到既回锅肉好多时都会用椰菜，而非辣椒。 但正宗既四川回锅肉会比较辛辣，用辣椒同猪腩肉快炒，镬气加上香、辣、咸，真系送饭一流。虽然用左辣椒，但辣度可以接受。
麻辣毛肚 $68
凉拌既小食，毛肚唔系爽脆型，比较接近软扎实，呢碟应该系全晚最辣果碟。钟意食毛肚既朋友表示好满意。
椒盐鸭舌 $78
鸭舌食得多，而且好钟意食，但椒盐真系未试过。 首先呢碟既椒盐做得出色，椒香味浓郁，够晒香口。鸭舌去左两边须须，只剩中间舌头，肉质厚实又嫩，个人好钟意呢碟。
饮品
呢度竟然有椰树牌椰汁，香港好少餐厅有呢个饮品，但佢除左好饮，解辣亦一流。饮品亦会附上冰杯，好贴心
店员好有礼貌，不时会留意我地有咩需要。离开时，亦非常虚心问我地有咩建议改善，而且非常认真听取，呢点好值得称赞。期待下次来时食物质素更提高。
拥有或管理这家酒店？ 免费获取您的详情页以便回复点评、更新资料或者进行其他操作。