近年香港开始流行Omakase的日式料理，这类的日式餐厅越开越多，我都未有机会吃过，上次终于的起心肝，预约了平日的晚上吃吧。可能新开的关系，价钱不算太贵。
厨师发办除了有刺身及寿司外、还有各种日式料理、前菜、熟食、甜品等。

不过既然是由师傅精心挑选当天的鱼类，那当然重点介绍刺身及寿司吧。

深海池鱼：深海池鱼薄切，肉质带点油脂，爽口细腻。

三文鱼籽配海胆：两者都是浓味的食材，海胆味浓郁，每一块细细片叠起，旁边还有鱼籽的衬托，一咬下去咸咸香香的汁都溢出来。

牡丹虾：虾肉鲜甜、爽口。

小肌鱼：小肌鱼较浓味，经醋醃制过，减低其腥味，肉质富有弹性。

中拖罗：拖罗比吞拿鱼赤身的脂厚，油脂分布均匀且不起筋，入口啖啖鱼油。

疫情去唔到旅行，但好想食日本嘢
元朗新开一间日本菜-江户前寿司厨师发办

一入去成个装修好日本风，好似去咗日本咁😜
材料全部都系日本新鲜直送，食Omakase可以望住厨师好认真咁处理啲食材，人生一大满足~

筋子
我系香港第一次食，原板咗上菜~睇到都好治瘾
筋子颜色鲜红到暗红嘅色泽，味道比鲑鱼卵更加鲜甜！筋子真系要新鲜先好食，呢间的确做到😜

宫城盐府吞拿鱼手握寿司
宫城盐府吞拿鱼依家系捕获期，食落不论色泽、油脂分布、鲜度都系最佳！

根室秋刀鱼
北海道嘅秋刀鱼多出一层皮下脂，令到口感嫩滑更口实，肉嫩带甘甜鲜味！

估唔到元朗都食到咗高质omakase ~
环境同食物都好有质素！
终于唔洗去日本，都可以食齐日本各县嘅刺身、寿司😜

友人生日，去佢屋企玩顺便食好野同佢庆生。佢屋企附近开咗间食omakase嘅餐厅，就一于去试吓。

三文鱼子配海胆 - 两样都系我好钟意食嘅嘢，一次过满足晒两个愿望。海胆好鲜甜，一啲都唔腥，配合埋大大粒嘅三文鱼子，好juicy！

松叶蟹寿司 - 第一次食，啖啖肉，好鲜！

牡丹虾寿司 - 虾肉烟韧弹牙，上面有一层蟹膏酱，令寿司层次更丰富！

拖罗寿司 - 好厚身，鱼油好丰富，好满足。

带子 - 火炙过嘅带子，加埋香脆嘅海苔，完美配搭。海苔中和返带子嘅油腻感，好fresh。

慢煮鲍鱼 - 好软熟，煮得好入味。

我地依d九龙人好日都唔入下元朗, 上星期知道要入去做野, 突登上网揾下有咩好野食, 拣左依间评价几好既omakase试试!

环境高雅有格调, 坐得舒适。一个人对住bar枱师傅, 静静欣赏佢既手艺, 睇住佢三两下手势就整出件件精致寿司, 感觉十分尊业, 真系一大享受!

每种食材都好新鲜, 仲有熟成刺身, 鲜味无比。

当中最喜欢既筋子, 制作前原板新鲜呈上, 见到色泽鲜艳且粒粒饱满, 见到都流口水。咬破口感脆身既外层, 咸香鲜味涌入口腔, 超满足!

牧丹虾
口感弹牙带黏口, 非常鲜甜。

烧带子
炙烧过既带子表面带一阵淡淡焦香, 又唔会盖过带子鲜味, 正。

今晚依餐系值回票价, 食材同师傅手艺都好有水准, 值得一试!

是夜黎到元朗既舍利鮨, 日本菜真系百吃不厌, 每个星期都好想食一次, 呢晚就食得奢华D~ 黎食omakase!!

餐厅既装修格局令你可以睇清楚厨师每一个处理食材既步骤, 感觉好治愈! 睇住厨师好专心咁处理紧D鱼生, 令到我都望到入哂神, 呢个真系omakase 既一大优点! 令到食客更加投入! 我地都睇得非常投入, 俾钱食好野之余仲可以睇到厨师既表演!

呢晚既所有食物都真系好新鲜, 鱼生既鲜味未入口已经闻到, 食入口更加系不得了!!! 筋子粒粒饱满, 食落唔会死咸, 反而有鱼香既鲜味! 食落真系超吸引!


烧带子劲大粒, 包住脆脆既紫菜食真系食到停唔到, 带子一丝丝既口感真系好吸引! 好想食多粒~!!间八同小肌鱼我都系第一次食, 估唔到都咁有鱼既鲜味! 真系好想再食多次!


食omakase配埋sake 真系一流, 呢度都有好多sake既选择, 可以叫厨师介绍一下!!!! 必食之选!