好耐未食过Omakase，知道啊元朗开咗间新嘅，就晏昼走去试吓。晏昼食无夜晚咁贵又其实都冇乜大分别，所以揾左日晏昼同个朋友去试试。

叫得厨师发办就系厨师拎当日最新鲜嘅食材出嚟，今日就试咗个海胆，白子，赤贝，松叶蟹肉+蟹膏同埋三文鱼子海胆饭

首先见到厨师拎左个劲大板嘅海胆出嚟，听师傅话呢一个海胆系日本拍卖级嘅级数！由日本直送嘅海胆食落真系特别正，而家冇得去旅行唯有喺香港继续食住等！

之后试咗一个比较特别嘅白子，食完我揾一揾原来白子系鱼类的生殖腺！但系食落去下完全唔知道，因为好鲜甜，而且好滑口。呢个白子刺身真系唔错

食完刺身就食寿司，第一件系食赤贝寿司。一个新鲜爽口嘅赤贝真系好正。个赤贝外层爽脆，食落就有好浓厚嘅鲜味同埋海水味！师傅仲同我哋讲，颜色愈红的赤贝就愈高级。唔怪之得咁好味。

第二款食嘅寿司系松叶蟹肉+蟹膏，从业牌一直都系我心目中好喜欢食嘅蟹。呢个寿司睇得出师傅用咗好多心机拆蟹肉加埋啲蟹膏。个寿司鲜味极浓，蟹肉鲜甜好食，食完仲想食多旧

每次食Omakase，都会有以下呢一个三文鱼子海胆饭。两种都咁正嘅食材加埋一齐系会有加乘嘅作用嘅。头先讲过呢度嘅海胆系拍卖级，但唔止呢度嘅海胆得，三文鱼子都一样唔错。最惊食啲三文鱼子先系腥既，呢间餐厅就唔会发生呢个情况，正！

FB弹出之前去日本旅行既靓相相，我呢个旅游精好想去日本呀。

无得去旅行，唯有揾间好啲嘅日本餐厅止下瘾，朋友就带我去元朗既舍利鮨，店内装修以简约和风设计，好别致，出面街外又见唔到餐厅入面，唔会好似比人眼望望甘。

我地坐寿司吧枱，咁样可以望住寿司师傅用心整寿司，师傅又可以简单介绍佢既出品。

海胆寿司，呢度既海胆系拍卖级数，食落真系鲜甜，真系落重本。

剥皮鱼+鱼肝酱，都系高级野。由其系鱼肝酱，非常香同埋肥美。

深海池鱼，新鲜，鱼脂平均。

呢度食材系日本鱼市场每日直送到香港，质素有一定保证！

近年日本厨师发办Omakase系香港越开越多。我都好钟意食，因为师傅都每日挑选新鲜既刺身，整比客人食，每次都有惊喜。

我今日黎到元朗舍利鮨试一试呢间既Omakase, 呢度既⻝材都系每日由日本渔市场直送到港，质素绝对有保证。

呢度装修简约，通埋封闭式设计，有高度私隐。

新鲜食材配上特制赤醋饭，突显左刺身既本身既鲜味。

今次师傅发办，我地试到拖罗、白子、赤贝、牡丹虾+虾膏、深海池鱼。

满足。

疫情下冇得去日本同朋友心血来潮就简左食日本菜 去左呢间位于元朗嘅Sushi Shari餐厅食omakase店铺装修简约但有日本和风风格 坐住系吧枱可以望住师傅即整寿司成个氛围好舒服 食材新鲜 值得嚟试下～
.
牡丹虾
虾嘅口感好爽口 味道都鲜甜
虽然望落去比较细 但食落口个下会觉得好满足 少食多滋味
.
海胆 (拍卖级海胆)
Omg系我最中意食嘅海胆！
海胆味道浓郁 口感几creamy
食完唔够想再encore haha
.
剥皮鱼+鱼肝酱
剥皮鱼即沙鯭鱼 质感较厚
配鱼肝酱食可以减低油腻度

中拖罗
中拖罗系鱼腩中间最肥美嘅位置
一食落口会感到有少少油脂 入口即溶
———————
舍利鮨 Sushi Shari
元朗安宁路38号世宙商场地下6号舖

之前系FB见到依间新开OMAKASE, ⻝材日本直送到港, 即刻BOOKMARK左, BOOK定位HAPPY FRIDAY黎食! 

餐厅都系装潢都系用番传统和风既木系, 简洁舒适又不失格调, 师傅精神翼翼招呼客人, 坐系BAR枱同师傅互动感觉亲切又自然, 唔会有唔自在既感觉, 当然最紧要系可以欣赏埋师傅专业既手艺啦! 第一件寿司入口已经冇怀疑过依度食材既质素, 由淡味至浓味既鱼, 配上 赤醋饭, 更加带出每件鱼既鲜味, 高质!

赤贝
师傅系面前将赤贝拍两拍, 听闻作用系可以带出其鲜味! 赤贝新鲜不在讲, 口感爽弹鲜味细腻, 出色!

筋子
橙红筋子粒粒剔透有光泽, 好饱满咁聚埋一齐, 卖相吸引, 一口吃下满口咸鲜味道, 浓而不咸既鲜味真系好正!

牡丹虾
牧丹虾肥美厚身, 口感软嫩有质感, 鲜甜味道充斥口腔。

人越大食野真系重质不重量, 依度既omakase就可以正正体验到!