差唔多成年都冇去过日本呀，好想去旅行，未去得住唯有喺香港食日本嘢止下瘾先，最近同朋友经过元朗发现有间新开嘅日本餐厅，又门口睇入去已经觉得好有特色，今次就趁放假决定去试吓佢哋嘅Omakase,估唔到味道有惊喜，店员服务都唔错，整体用餐体验良好👍🏻
_
海胆 (拍卖级海胆)
食落去非常鲜甜，果然配得住佢嘅质素

寿司方面，师傅亦都有同我哋介绍每一款寿司嘅特点同食法，寿司饭嘅质感啱啱好，食材新鲜
大拖罗
鰤鱼腩
香箱蟹(蟹膏+蟹肉+蟹子)
赤贝

三文鱼子海胆饭
有冇朋友仔都同我一样好钟意食三文鱼子呢？
食落去唔会有腥味，份量充足值得一试

已经好耐冇去过日本了，但系又好想食日本级数嘅寿司，所以近近地喺新界区里面揾咗一间比较新一啲嘅omakase日本餐厅。

元朗呢间舍利鮨听闻呢度嘅师傅系首席级数，想试佢嘅手势好耐。环境好新净简约，用上浅白色嘅木材做主调，气氛比人一种好和谐感觉系会食得好舒服嘅晚餐。

夜晚嘅Omakase有2个价钱，分别系15品嘅$1300，同20品嘅$1600，今次就拣左$1300，有前菜，刺身，料理，寿司，汤品同甜品。

特别想讲有几款令我印象深刻嘅寿司，牡丹虾，用匀成只虾每一滴精华造就呢一件寿司，虾肉饱满鲜甜带黏，混合埋虾膏食更香！🤤

中拖同大拖接住上，中拖油脂比较少，但鲔鱼味好突出，再食埋件大拖罗，油脂同鱼油香完全喺口腔入面爆发，好好食🤤

秋冬先食到嘅季节性香箱蟹系今晚嘅MVP，香箱蟹，即系雌性嘅松叶蟹，蟹籽比平时见到嘅深色但非常饱满！十分香浓，好想一口接住一口食😳蟹肉，蟹膏同蟹籽一齐食𠮶种鲜味完全释放出来，难忘！

入元朗揾朋友，佢带我揾食，仲话自己最近升职，请我食饭🤤我梗系话食日本野啦😝

去咗食omakase，以下几款令我好深印象。

首先系my fav拖罗，肉质非常鲜美，入口即化，世界级享受🤪

日本刺身点少得海胆，呢个仲系拍卖级海胆黎！食落去鲜甜无比🥰好幸福！

鰤鱼腩又系好肥美，我朋友都大赞，仲encore左🤪🤤

最后呢个系香箱蟹，有蟹膏+蟹肉+蟹子，蟹味十足，极为满足！

📍 舍利鮨 Sushi Shari
地址：元朗安宁路38号世宙商场地下6号舖

舍利鮨 (元朗) 📍
元朗安宁路38号世宙商场地下6号舖

得知元朗开左高级寿司🍣店，是由江户前寿司厨师发办，而食材是从日本🇯🇵渔市场空运直送❤️决意朝圣。

门面走简约和风，带有一种神秘感。一入去被其装潢吸引住，优雅大方简约系设计，比人一种好舒服既感觉，吧台设计有助增加食客同师傅交流。

印象最深刻系呢三款寿司🍣，新鲜程度令人难以忘怀。（排名不分先后）

牡丹虾虾膏：虾肉晶莹剔透如白玉，虾身肥美，味道浓郁鲜甜，口感黏稠弹牙嫩滑，满口的甘甜味，仲可蘸上毫不吝啬的虾膏，提鲜，好有惊喜。

金目鲷：鱼皮带点韧度，肉质软滑，味道鲜甜，油脂丰富，不温不火。

鰤鱼腩：在日本，鰤鱼被认为是最高级寿司食材中的前三名，本身鰤鱼已经好正，而鱼腩的部位更正，肥嫩而浓郁。

大拖罗：颜色粉红，脂肪比例较高，鱼香持而恰到好处的鱼油脂，非常甘香，充满油香。

总结：
师傅巧手准备佳肴 赏心悦目
用料上乘

好耐未食过Omakase，知道啊元朗开咗间新嘅，就晏昼走去试吓。晏昼食无夜晚咁贵又其实都冇乜大分别，所以揾左日晏昼同个朋友去试试。

叫得厨师发办就系厨师拎当日最新鲜嘅食材出嚟，今日就试咗个海胆，白子，赤贝，松叶蟹肉+蟹膏同埋三文鱼子海胆饭😍

首先见到厨师拎左个劲大板嘅海胆出嚟，听师傅话呢一个海胆系日本拍卖级嘅级数！由日本直送嘅海胆食落真系特别正，而家冇得去旅行唯有喺香港继续食住等！

之后试咗一个比较特别嘅白子，食完我揾一揾原来白子系鱼类的生殖腺！但系食落去𠮶下完全唔知道，因为好鲜甜，而且好滑口。呢个白子刺身真系唔错😋

食完刺身就食寿司，第一件系食赤贝寿司。一个新鲜爽口嘅赤贝真系好正。个赤贝外层爽脆，食落就有好浓厚嘅鲜味同埋海水味！师傅仲同我哋讲，颜色愈红的赤贝就愈高级。唔怪之得咁好味。

第二款食嘅寿司系松叶蟹肉+蟹膏，从业牌一直都系我心目中好喜欢食嘅蟹。呢个寿司睇得出师傅用咗好多心机拆蟹肉加埋啲蟹膏。个寿司鲜味极浓，蟹肉鲜甜好食，食完仲想食多旧🙂

每次食Omakase，都会有以下呢一个三文鱼子海胆饭。两种都咁正嘅食材加埋一齐系会有加乘嘅作用嘅。头先讲过呢度嘅海胆系拍卖级，但唔止呢度嘅海胆得，三文鱼子都一样唔错。最惊食𠮶啲三文鱼子先系腥既，呢间餐厅就唔会发生呢个情况，正！👍