放假山长水远同女友入元朗，系因为地胆话食过依间Sushi Shari嘅Omakase好正。净系睇门面都好和风。

我哋坐喺吧枱同师傅有好多互动，环境亦好decent。我地左15品嘅set，已经好丰富。

由于挂住食，同埋师傅话尽量快d品尝佢个鲜味，所以冇影太多相。

寿司来讲餐厅应该系用赤醋，牡丹虾同鱼腩两件都好出色，虾肉口感绵绵，鱼生亦系厚切。

至于呢个鱼子海胆一口饭更为惊人，因为用上根室海胆，呢款好有保证，完全唔腥。成个组合根本系绝配。

刺身生蠔肥美，仲要系Jumbo Size！

食完寿司刺身就食块鹅肝多士先，多士靓过平日茶餐厅炸果啲好多！

整体真系食左好多嘢系满足嘅一餐，女朋友要去到咁远都冇怨，因为好食。地胆果然无介绍错。

和朋友来到元朗呢间舍利鮨，餐厅地点算方便，一出西铁朗屏站好快就行到。
餐厅环境走日式风格，企理新净，浅白色墙身柜中摆放不少酒瓶。
午市Omakase有3个价钱，分别有$350,$500,$650。有前菜，刺身，寿司，汤同甜品。
最钟意Omakase可以坐系吧台欣赏师傅悦目制作过程，听到师傅精彩介绍。座位亦有块透明隔板隔住，卫生安全﹗
同厨师倾起先知食材由日本渔市场空运直送到港既食材， 用料新鲜，有保证。
白子：入口软淋滑口，味道鲜甜可口。
大拖罗:系吞拿鱼最多脂肪的部份，肥美鲜味，入口即融。
中拖罗亦好肥美， 油脂同鱼油系口腔爆发﹗
深海池鱼:新鲜甘香，鱼脂平均。
香箱蟹（蟹膏+蟹肉+蟹子）: 多层次鲜甜味和口感~
用餐感受舒服和谐，有日本风味，置身其中可以自己快闪左一次日本之旅。

-
🔸海胆
🔸筋子
🔸中拖罗
🔸鰤鱼腩
🔸深海池鱼
🔸牡丹虾+虾膏
-
琴日平安夜，男朋友仔预早带咗我去遥远嘅元朗，话book咗枱同我食好西，一到餐厅已经觉得好日系好靓，原来系食厨师发板😱 好高质超惊喜啊！

最钟意就系成板仲大过我块面嘅拍卖级海胆🤩 睇到颜色都知超新鲜，第一次食到咁鲜甜嘅海胆，就咁用紫菜包住一大啖咁啪入口，觉得超幸福啊！

跟住仲有几款一样咁新鲜嘅刺身寿司，因为要好好享受同男朋友仔嘅平安夜时间，就只系影咗少少相，不过都好推介呢间高质嘅日本餐厅啊！

差唔多成年都冇去过日本呀，好想去旅行，未去得住唯有喺香港食日本嘢止下瘾先，最近同朋友经过元朗发现有间新开嘅日本餐厅，又门口睇入去已经觉得好有特色，今次就趁放假决定去试吓佢哋嘅Omakase,估唔到味道有惊喜，店员服务都唔错，整体用餐体验良好👍🏻
_
海胆 (拍卖级海胆)
食落去非常鲜甜，果然配得住佢嘅质素

寿司方面，师傅亦都有同我哋介绍每一款寿司嘅特点同食法，寿司饭嘅质感啱啱好，食材新鲜
大拖罗
鰤鱼腩
香箱蟹(蟹膏+蟹肉+蟹子)
赤贝

三文鱼子海胆饭
有冇朋友仔都同我一样好钟意食三文鱼子呢？
食落去唔会有腥味，份量充足值得一试

已经好耐冇去过日本了，但系又好想食日本级数嘅寿司，所以近近地喺新界区里面揾咗一间比较新一啲嘅omakase日本餐厅。

元朗呢间舍利鮨听闻呢度嘅师傅系首席级数，想试佢嘅手势好耐。环境好新净简约，用上浅白色嘅木材做主调，气氛比人一种好和谐感觉系会食得好舒服嘅晚餐。

夜晚嘅Omakase有2个价钱，分别系15品嘅$1300，同20品嘅$1600，今次就拣左$1300，有前菜，刺身，料理，寿司，汤品同甜品。

特别想讲有几款令我印象深刻嘅寿司，牡丹虾，用匀成只虾每一滴精华造就呢一件寿司，虾肉饱满鲜甜带黏，混合埋虾膏食更香！🤤

中拖同大拖接住上，中拖油脂比较少，但鲔鱼味好突出，再食埋件大拖罗，油脂同鱼油香完全喺口腔入面爆发，好好食🤤

秋冬先食到嘅季节性香箱蟹系今晚嘅MVP，香箱蟹，即系雌性嘅松叶蟹，蟹籽比平时见到嘅深色但非常饱满！十分香浓，好想一口接住一口食😳蟹肉，蟹膏同蟹籽一齐食𠮶种鲜味完全释放出来，难忘！