成日心痒痒想食日本嘢
今日经过元朗 同朋友去咗食我最爱嘅omakase厨师发板😁
今日师傅准备左唔少款式，最印象深刻嘅一定系秋刀鱼、中拖罗、甜虾、
帆立贝、海胆、香箱蟹同车海老
呢度环境坐得几舒服 立即同朋友准备开动
净系只香箱蟹都值回票价
有专人服侍 已经开好俾你
而且摆盘卖相亦都非常吸引
香箱蟹喺一年里面只得好少机会食得到
而且佢嘅产期都非常之短
食落去蟹籽、蟹膏同蟹肉
带俾你三重奏嘅享受😍😍
秋刀鱼一共有三块 师傅都切得好靓
卖相非常吸睛 配上少少姜蓉吊味
再配埋特色嘅日本花摆设 成件事好好睇
中拖罗非常新鲜 浅粉红色外表令人心心眼
加上脂肪比例均匀 食落去一啖即溶
除此之外甜虾同车海老亦都做得非常好
不得不提仲有海胆！非常清甜
简直拍得住喺日本食𠮶种感觉
确实系人间极品 😘😘

Omakase 以前大多数系D 高级地段，好似中环，铜锣湾，尖沙咀呢D黄金地段
因为食一餐价钱都唔平架，起码四位数起跳
不过近年大家对饮食要求都提升左，Omakase 越开越多
家下连元朗都有开啦~

呢间位于元朗的日式餐厅，价钱属于Omakase 的亲民价. LUNCH SET 3位数就搞掂
餐厅标明食材标明由日本渔市场每日直送
好多人以为Omakase 只系厨司发板，其实真正的Omaskase 系要不时不食
厨司会根据季节，时令，当造的海鲜而推出不同的菜式俾客人架~

就好似家下冬天当造的就系呢D 白子，白子讲紧既系鱼的精囊，每年由10月尾至翌年3月最肥美，而家下1月当然系最顶级架。
虽然白子听落有D怪怪的，但上网揾过佢既资料，原来白子含有丰富的蛋白质、而维生素B有助于推动新陈代谢，促进蛋白质和脂质的转化和吸收，钾则有调节心脏和肌肉功能的作用。所以被日本人奉为补身极品。
至于口感嘛，入口系滑滑的，无根无渣，类似豆腐的质感，
因为食材好新鲜，完全无想像中的腥味，反而有淡淡的鲜甜味~

而另一个日本直送的，要数呢个北海道富美丸海胆
有留意开的朋友都知北海道富美丸的海胆品质超高的，今日呢板海胆更系拍卖级别既第五级，有哂证明，唔系乱吹架~
大大块原只金黄的海胆，饱满，鲜甜，幼滑，真系见到都流哂口水
配以日本珍珠米，成碗饭变得金黄又富贵。
好怀念北海道呀，几时可以再去呀~

鲍鱼配鲍鱼肝酱，呢个菜式，直头将鲍鱼食到尽呀~
平时食鲍鱼，大家都只会食中心既部份，但原来净番个旧黑妈妈的野 (鲍鱼内脏) ，可以做成鲍鱼肝酱 (过程我当然唔识啦~XD) 估唔到平时掉弃的食物，经由师传调制后，会变成另一种面貌和味道 (感觉有D似份子料理咁~XD) 鲍鱼肝酱比想像中易入口好多，亦无想像中既苦涩味。配上鲍鱼食，味道又几新奇㖞~

又一贝壳类~ 爽口鲜甜唔韧~

拖罗系Omakase 系不可缺少的~ 入口即溶的感觉真系其他刺身俾唔到的。当然，讲紧既系高质素的拖罗啦。雪花拖罗睇样就知肥美~ 均匀分布的油脂令人食指大动

Omakase 的另一个好处，就系长知识，师传一边上菜，一边介绍。仲食到好多平时少见既新奇料理

香港人最喜欢美食，日本菜更是香港人头号喜爱之一。元朗向来美食多，这次友人介绍我到这家寿司店品Omakase, 令我深深期待。

餐厅设计明亮，用上日式简约但不失细节的摆设，令人感觉舒适。

来到了美食的部分。

大拖罗
脂肪分布好像雪花般，富天然鱼油脂的甘香，入口即溶。

牡丹虾+虾膏
牡丹虾味道香甜，配合上虾膏，味道更完美。

鲍鱼
鲍鱼味浓郁、鲜甜味明显，而且厚肉爽身，口感、味道一流。

赤身
吞拿鱼肉质实、有咬口，鱼味浓厚。

海胆 (拍卖级海胆)
入口带有淡淡嘅海洋香气同丰富嘅甘甜鲜味，一试难忘。

剥皮鱼 + 鱼肝酱
肉质扎实烟韧，再利用剥皮鱼嘅鱼肝嚟提升口感同味道层次。

深海池鱼
口感爽脆嫩滑，肉质细致带油份，味道鲜甜。

金目鲷
肉质柔软肥美，口感嫩滑，鱼味份外鲜甜，油份十足，肥而不腻。

大拖罗
有天然鱼油脂嘅甘香，入口即溶而鱼味浓郁。

三文鱼子海胆饭
海胆同饭捞埋一齐，啖啖饭都食到海胆，味道鲜甜；三文鱼子粒粒圆润有光泽，晶莹通透，入口鲜甜，一咬爆汁，口感澎湃，食得好过瘾！

香箱蟹(蟹膏+蟹肉+蟹子)
将拆咗嘅蟹膏、蟹肉同蟹子酿番落个蟹盖度，够晒方便！入口蟹味浓，膏香肉甜，别有一番滋味。

太耐冇去日本好想食寿司，于是上网揾见到好多人介绍呢间新开嘅舍利鮨 Sushi Shari，就想去试一试！

一嚟到见到店内嘅装修都好靓，光线充足而且感觉简单干净。而且每个寿司师傅也很友善，笑容很好。

今次食咗中拖罗，鰤鱼腩，牡丹虾+虾膏，剥皮鱼+鱼肝酱，海胆 (拍卖级海胆)，香箱蟹(蟹膏+蟹肉+蟹子)。

自己最钟意就系海胆同埋中拖罗，中拖罗嘅色泽非常靓，而且非常肥美，真系又香又甜！至于海胆真系要赞一赞系拍卖级嘅海胆，份量都好多，食极都仲有，而且每一啖食落去都好鲜甜！

如果大家想生日或者特别日子嚟庆祝都可以book枱嚟试吓佢哋个omakase！