Hello我系Moon

天气开始转热，呢个时候就系寿司刺身涌上脑嘅时候，即使成日都会食到但似乎每一间都有些微嘅差别，每一次入到新嘅一间日式餐厅就会有新嘅一份惊喜。

生蠔： 新鲜已经不足以形容，金光四射先至可以衬托到外观质素，更重要系入口鲜甜又不缺清新，上面铺咗少少黑色神秘鱼子，更有提鲜效果

中拖罗：呢一个部位油脂同肉嘅分布平均，既有赤身嘅肉质，但同事带有大拖罗嘅油脂，两者合而为一就成为左中拖罗，味甘且有细腻感觉

三文鱼子茶壶蒸：食完冰凉嘅寿司之后就试吓热食，除咗有滑蛋之外，三文鱼子可以令蒸蛋多出一份甘味。

最后MoonMoon真系好满意依度，特别系拖罗嘅质素真系好高

疫情之后都好少出外用餐, 今次难得朋友升职, 话要请我食餐好, 当然唔能够错失呢个机会! 佢拣咗呢间厨师发板新贵绝对令人兴奋!!
三文鱼子茶碗蒸蒸得恰到好处又嫩又滑, 免头仲铺满脆卜卜ge三文鱼子, 回味无穷!!

赤贝清爽甜甜不特止, 仲超级肥美

喺肉厚ge牡丹虾上面铺上虾膏, 令成个味道更加升华! 鲜甜无比!!

松叶蟹肉加蟹膏呢个组合虽然其貌不扬, 但入口绝对系惊喜无穷系最邪恶嘅组合!

中拖罗肥美冇筋, 师傅非常慷慨, 切得好厚大大件!!

原只海胆系成晚嘅重头戏! 口感丰盈细腻, 味道鲜甜嘅程度更加系难以言喻绝对值得encore!

自己都比较少入元朗，而一向都钟意食日式料理嘅我就受朋友推荐试下呢间omakase啦。
。
见呢度装修都好有日式料理风味，而且坐系bar台仲可以望到师傅嘅功架。今日就主要试左好多款寿司，咁就等我讲下我最钟意嘅几件啦。
。
白子：呢款食材可能唔系人人会食，不过其实配上酱汁同拌菜都唔错架。
。
白虾：味道鲜甜，而且口感都比较爽。
。
牡丹虾+虾膏：牡丹虾方面，师傅就用左牡丹虾本身嘅虾膏铺系面，增加味道嘅层次，非常特别。
。
深海池鱼：呢种刺身我一想都好钟意，深海池鱼独有嘅油香味好吸引。
。
剥皮鱼+鱼肝酱：剥皮鱼其实系我第一次食，本身味道比较清淡，所以配上鱼肝酱就啱晒啦，而且口感都系一流。
。
中拖罗：最后就当然要讲我最爱嘅拖罗❤️，油脂嘅分布同味道真系好正，食完都觉得唔够。

舍利鮨 Sushi Shari
地址：元朗安宁路38号世宙商场地下6号舖

咁耐冇得去日本旅行，相信大家都好挂住日本嘢食。我最挂住嘅系寿司同刺身，适逢上星期朋友生日就同佢去食生劲嘅。呢间嘢叫舍利鮨，好搞笑！呢到环境好舒服，仲好似去咗日本咁。我地叫呢个OMAKASE，价值$1300 总共15品。重点介绍吓几样我最钟意嘅嘢食啦：

剥皮鱼+鱼肝酱
第一次试，食落唔会好腥，反而鲜味十足。

白虾
好少食咁白嘅虾，估唔到都几好味。细细粒咁几得意。

小肌鱼
师傅话系呢几日先入货，一定好新鲜！

牡丹虾+虾膏
蟹肉加蟹膏就食得多，呢个虾真系少见。口感超有层次！

深海池鱼
啲肉好肥美，食落都好爽口，好想食多几件。

大拖罗
入口软绵，油脂感适中，够新鲜！

成餐都食得好开心，呢到嘅服务好好。

晚餐分别有15品和20品选择，质素不负期望，还可欣赏到师傅的手艺，令人大开眼界有几款料理令人印象深刻，特别欣赏☺️
深海池鱼脂厚油香，鱼油甘香细腻，令淹渍过的寿司饭也变得香滑无比。
白虾肉质细腻绵绵，与柔韧的寿司饭相配，口感更具层次。
赤贝外层爽脆，内里软嫩鲜甜，口感十足。
松叶蟹肉+蟹膏鲜味爆棚真正品尝得到一丝丝的蟹肉的清甜和蟹膏的浓厚滋味，香醇的余韵留左口腔内，一试难忘。
三文鱼子海胆饭是充满鲜味的配搭，海胆早已融化于饭粒之中，鲜甜软滑，配上一咬即破的三文鱼子，入口鲜甜无比，满足感令人再三回味。