这间位于铜锣湾鹅颈桥的牛之锅，主要以日式放题为主，可选择日本料理+火锅及甜品或只选火锅及甜品，两者价钱相差数十元。
刺身款式十多款，其中剑鱼腩及三文鱼都很鲜甜。
天妇罗的粉浆都算算薄，炸至金黄香脆。
酱汁牛舌弹牙、金菇牛肉卷够腍。
烧菠萝香甜无渣。
火锅方面有多款海鲜任食，包括了海虾、广岛蠔及鲩鱼腩等，非常新鲜，海虾弹牙，鱼腩鲜甜嫩滑。
牛肉方面有两款，肉质嫩腍亦不算太肥，另外还有羊肉及豚肉，味道不错，不会有骚味。
其他配料主要是丸类、饺子及蔬菜等等，味道不过不失。
女士们最爱的主角甜品有廿多款，但眼阔肚窄，只能拣了几款品尝一下。
抹茶芭菲绿茶味浓，有奶香味，出面食一杯都要$5-60。
伯爵茶奶冻有淡淡茶香，奶味出众。
整体款式甚多，价钱合理，绝对是人多聚会之选。

来到牛之锅，以为只有打边炉，原来仲有放题！☺️

火锅配料纸主要3 张，数10 款。应有尽有。有丸类，海鲜，精致食品等，汤底选择也不少。我觉得火锅一定要双拼，有辣有吾辣。任君选择。个人就选了麻辣和胡椒猪肚汤底。 😎😎

打边炉的精髓除了食材新鲜，汤底就系灵魂。 汤底一滚就即刻尝下汤底， 系足料汤底， 好味道。 汤底可以选择一人锅or 大锅。疫情间如果担心卫生就可以选择一人锅。想法周到。除了填纸外面有配菜和酱料选择。 😄😄

除左有虾，蚬，青口，元贝等等海鲜之外，仲可以选择极上美国牛，油脂分布平均，值得一赞！👍🏻👍🏻

有麻辣汤底就一定要选择萝卜，竽丝，䈑笋，薯粉等可以尽吸汤底味道的食材。意料之外的是萝萝卜，没有萝卜丝所以好爽，好甜。够水份。😍

放题食物就有6张纸，包括熟食，寿司，刺身，甜品等等。🥰

刺身新鲜，可以食得出爽口，完全没有腥味，颜色都是鲜艳，绝对不是存放已久的货色。而且种类多，一定会适合你。
😆
熟食方面亦有非常多选择，叫了芝士烧蟹盖，大大个蟹盖，里面真的有很多蟹肉，食几个已经可以回本！仲有串烧等等，都系即叫即烧，新鲜热辣！
😆😆
而甜品全部都系即叫即制，虽然要等，但确保新鲜！叫了榴连班戟，上枱外皮还是热的！最爱甜品的我，一次过叫了抹茶雪糕，芒果布甸，凉粉，榴连西米等等，大大旧榴连肉，真担心老板会蚀本。😎😛

好友快将生日，想同佢食餐饭庆祝，朋友出名系个「边炉精」，吃火锅就最适合不过，既暖胃又暖心。

拣咗铜锣湾坚拿道西呢间日式火锅店「牛之锅」，餐厅最近推出咗个午市两小时火锅任食放题，成人每位只是 $118，就可以任食多款肉类、火锅配料、蔬菜、甜品及饮品，如果 +$56 仲有刺身海鲜任食，CP 值超高。一场嚟到，当然唔可以错过。

汤底可以拣一人一锅，我点咗九州猪骨汤，而友人就选了蕃茄薯仔牛粒汤。两款汤底味道都唔错，猪骨汤汤色金黄，入口带浓郁猪骨鲜味；而薯仔牛粒汤亦茄香突出，锅内不少薯仔和牛肉粒，绝对真材实料。

任食嘅肉类有 5 款，当中包括有：美国肥牛、美国极上牛肉、纽西兰羊肩肉、特选豚肉及五香鲜鸡件。美国肥牛质感嫩滑软熟，咬落不会满口韧筋同肉渣；而极上牛肉嘅肉质就相对较瘦，牛味亦较浓郁。

羊肩肉同豚肉，食味亦不俗，羊肩肉嘅羊羶味虽然都几重，但肉质好柔嫩，肉味浓郁并带有油香；而薄切的豚肉，油脂质素亦上佳，入口甘香不腻。

配料方面，蔬菜、菇类同面食就全部放咗喺自助吧台，客人可以自行外出拿取。行咗一圈，有 6 款蔬菜、 蕃茄、南瓜、粟米、金菇......等等，选择都几丰富。

另外丸类、饺类、刺身、海鲜同甜品，就以剔纸仔形式点选， 我哋每样都点咗一啲试下。麻吉烧外皮滑嫩，咬落烟韧 Q 弹，口感超正。粟米饺味道清甜，入口 Juicy 有肉汁；而风琴豆腐亦很好吃，吸满了汤底的精华，够晒入味。

刺身方面，选择虽然唔算好多，只有 8 款，不过整体嘅质素都唔错，三文鱼切得唔会太薄，够肥美又鲜甜。鲍片卖相唔错，食落有咬口；而甜虾嘅质素亦甚佳，入口鲜甜黏爽。

海鲜配料方面，点咗海虾、广岛蠔、鲍片、牛柏叶同台湾鸭血。海虾十分新鲜，肉质结实弹牙。广岛蠔够晒大只，就算唔小心渌耐咗都仲啖啖肉！牛柏叶很爽口，滚一会便可夹上来吃。鸭血非常腍滑，既大块又厚身。

甜品方面，款式有榴梿班戟、朱古力慕丝、伯爵茶奶冻、芒果布甸、冰糖雪耳炖木瓜、香草绿豆沙、软雪糕等。奶冻有好浓嘅伯爵茶味，口感很滑。木瓜嘅味道好清甜，加上爽口的雪耳，简直是绝配。绿茶雪糕茶味回甘，但又唔会太呛，质感幼滑，如果想口感更丰富，仲可以加啲雪糕配料上面。

另外饮品柜入面就放咗好多罐装同纸盒装嘅饮料，全部都系任饮。以呢个价钱可以食到咁有质素嘅任食火锅，真系超值。

近排天气急速转凉，要暖下身，火锅系不二之选🥰加上火锅都系我嘅最爱之一，见到铜锣湾呢间火锅店，价钱亲民得嚟，而且肉质同配菜选择都好多，于是同朋友仔入咗去食lunch 😋

嗜辣嘅我地拣咗麻辣汤底，汤底浓郁，麻辣味非常突出，辣得好惹味，同所有配料都好夹，好好味👍🏻

肉类选择都好足，有美国极上牛肉、美国牛肉、特选豚肉、纽西兰羊肩肉，个人最钟意美国极上牛肉，牛味重，厚薄适中，油花分布都好均匀，encore咗好多碟🤤

其他火锅配料都好多元化，令人眼花撩乱，有唔同嘅丸、饺子、蔬菜等等，每样都好索味，蔬菜全部都好新鲜，咬落爽脆有咬口👍🏻

饮品同甜品都好多拣择，我同朋友拣咗荔枝乌龙茶，甜甜哋又几refreshing，啱晒打边炉，甜品方面叫咗4款，最钟意蓝莓芝士同芒果布甸，芝味非常浓郁厚身，入口绵顺creamy，同酸酸甜甜嘅蓝莓好夹🥰芒果布甸入口丝滑，芒果味香浓，仲有淡淡既奶味，而且啖啖都食到果肉😚

餐厅环境干净企理，阔落唔逼夹，卫生情况都几唔错👍🏻火锅嚟讲真系又抵食又好味，系铜锣湾只需$118就可以食到，好满足啊😆