汤底
款式几多而且部份都几有特色，推介蕃茄薯仔牛粒汤， 煲到最后啲薯仔粒溶晒超好味！

肉类（美国极上牛肉，纽西兰羊肩片）
美国极上牛肉切得相当平均，雪花唔太多，牛味不太浓。纽西兰羊肩片食落羶味唔多，较牛肉片多一份油脂，薄薄地一片，唔会话太饱肚。

配菜类
餐厅嘅蔬菜，饮品都系自助形式，而丸类就要落单纸。特别推介牛筋丸，牛味几重几爽口！

刺身类
全部冰镇，而且都相当厚切，鲜味算唔错！而且想赞下佢啲寿司，细细粒但系配料多多（连海胆都几新鲜）

海鲜类
广岛蠔超级大粒，海虾好大只，亦好爽口。贝壳类亦都冇沙冇多余嘅壳碎。

甜品类
宇治抹茶芭菲，抹茶雪糕非常之浓郁，唔会太甜，而且入边仲有朱古力脆脆，增加左个口感！仙草芋圆，打完边炉紧系要食下仙草下火，芋圆细细粒几好咬口，配上冰凉嘅滑嫩仙草，真系完美！

平时打边炉都是一个煲一大班人滚滚下，但疫情下大家的卫生意识都提高了，而今次这间牛之锅更有一人一锅，干净卫生。
麻辣锅真系几辣下，幸好有任饮生啤搭救一下。
火锅就主攻牛肉，美国极上牛肉切得很薄，碌一碌就食得，肉味尚可，而且够腍。
海鲜都是虾、蠔，蚬及鱼等，蠔肉鲜甜。
刺生及寿司很多款，三文鱼虽然不算肥，但味道鲜甜，还有海胆寿司等。
天妇罗炸得香脆，炸鸡翼更是外脆内juicy，放题质素真系有惊喜。
甜品都是放题中重要一环，窝夫雪糕香脆，拍得住外面甜品店质素，奶冻茶味浓又够滑。

这间位于铜锣湾鹅颈桥的牛之锅，主要以日式放题为主，可选择日本料理+火锅及甜品或只选火锅及甜品，两者价钱相差数十元。
刺身款式十多款，其中剑鱼腩及三文鱼都很鲜甜。
天妇罗的粉浆都算算薄，炸至金黄香脆。
酱汁牛舌弹牙、金菇牛肉卷够腍。
烧菠萝香甜无渣。
火锅方面有多款海鲜任食，包括了海虾、广岛蠔及鲩鱼腩等，非常新鲜，海虾弹牙，鱼腩鲜甜嫩滑。
牛肉方面有两款，肉质嫩腍亦不算太肥，另外还有羊肉及豚肉，味道不错，不会有骚味。
其他配料主要是丸类、饺子及蔬菜等等，味道不过不失。
女士们最爱的主角甜品有廿多款，但眼阔肚窄，只能拣了几款品尝一下。
抹茶芭菲绿茶味浓，有奶香味，出面食一杯都要$5-60。
伯爵茶奶冻有淡淡茶香，奶味出众。
整体款式甚多，价钱合理，绝对是人多聚会之选。

来到牛之锅，以为只有打边炉，原来仲有放题！☺️

火锅配料纸主要3 张，数10 款。应有尽有。有丸类，海鲜，精致食品等，汤底选择也不少。我觉得火锅一定要双拼，有辣有吾辣。任君选择。个人就选了麻辣和胡椒猪肚汤底。

打边炉的精髓除了食材新鲜，汤底就系灵魂。 汤底一滚就即刻尝下汤底， 系足料汤底， 好味道。 汤底可以选择一人锅or 大锅。疫情间如果担心卫生就可以选择一人锅。想法周到。除了填纸外面有配菜和酱料选择。

除左有虾，蚬，青口，元贝等等海鲜之外，仲可以选择极上美国牛，油脂分布平均，值得一赞！

有麻辣汤底就一定要选择萝卜，竽丝，䈑笋，薯粉等可以尽吸汤底味道的食材。意料之外的是萝萝卜，没有萝卜丝所以好爽，好甜。够水份。

放题食物就有6张纸，包括熟食，寿司，刺身，甜品等等。

刺身新鲜，可以食得出爽口，完全没有腥味，颜色都是鲜艳，绝对不是存放已久的货色。而且种类多，一定会适合你。

熟食方面亦有非常多选择，叫了芝士烧蟹盖，大大个蟹盖，里面真的有很多蟹肉，食几个已经可以回本！仲有串烧等等，都系即叫即烧，新鲜热辣！

而甜品全部都系即叫即制，虽然要等，但确保新鲜！叫了榴连班戟，上枱外皮还是热的！最爱甜品的我，一次过叫了抹茶雪糕，芒果布甸，凉粉，榴连西米等等，大大旧榴连肉，真担心老板会蚀本。

好友快将生日，想同佢食餐饭庆祝，朋友出名系个「边炉精」，吃火锅就最适合不过，既暖胃又暖心。

拣咗铜锣湾坚拿道西呢间日式火锅店「牛之锅」，餐厅最近推出咗个午市两小时火锅任食放题，成人每位只是 $118，就可以任食多款肉类、火锅配料、蔬菜、甜品及饮品，如果 +$56 仲有刺身海鲜任食，CP 值超高。一场嚟到，当然唔可以错过。

汤底可以拣一人一锅，我点咗九州猪骨汤，而友人就选了蕃茄薯仔牛粒汤。两款汤底味道都唔错，猪骨汤汤色金黄，入口带浓郁猪骨鲜味；而薯仔牛粒汤亦茄香突出，锅内不少薯仔和牛肉粒，绝对真材实料。

任食嘅肉类有 5 款，当中包括有：美国肥牛、美国极上牛肉、纽西兰羊肩肉、特选豚肉及五香鲜鸡件。美国肥牛质感嫩滑软熟，咬落不会满口韧筋同肉渣；而极上牛肉嘅肉质就相对较瘦，牛味亦较浓郁。

羊肩肉同豚肉，食味亦不俗，羊肩肉嘅羊羶味虽然都几重，但肉质好柔嫩，肉味浓郁并带有油香；而薄切的豚肉，油脂质素亦上佳，入口甘香不腻。

配料方面，蔬菜、菇类同面食就全部放咗喺自助吧台，客人可以自行外出拿取。行咗一圈，有 6 款蔬菜、 蕃茄、南瓜、粟米、金菇......等等，选择都几丰富。

另外丸类、饺类、刺身、海鲜同甜品，就以剔纸仔形式点选， 我哋每样都点咗一啲试下。麻吉烧外皮滑嫩，咬落烟韧 Q 弹，口感超正。粟米饺味道清甜，入口 Juicy 有肉汁；而风琴豆腐亦很好吃，吸满了汤底的精华，够晒入味。

刺身方面，选择虽然唔算好多，只有 8 款，不过整体嘅质素都唔错，三文鱼切得唔会太薄，够肥美又鲜甜。鲍片卖相唔错，食落有咬口；而甜虾嘅质素亦甚佳，入口鲜甜黏爽。

海鲜配料方面，点咗海虾、广岛蠔、鲍片、牛柏叶同台湾鸭血。海虾十分新鲜，肉质结实弹牙。广岛蠔够晒大只，就算唔小心渌耐咗都仲啖啖肉！牛柏叶很爽口，滚一会便可夹上来吃。鸭血非常腍滑，既大块又厚身。

甜品方面，款式有榴梿班戟、朱古力慕丝、伯爵茶奶冻、芒果布甸、冰糖雪耳炖木瓜、香草绿豆沙、软雪糕等。奶冻有好浓嘅伯爵茶味，口感很滑。木瓜嘅味道好清甜，加上爽口的雪耳，简直是绝配。绿茶雪糕茶味回甘，但又唔会太呛，质感幼滑，如果想口感更丰富，仲可以加啲雪糕配料上面。

另外饮品柜入面就放咗好多罐装同纸盒装嘅饮料，全部都系任饮。以呢个价钱可以食到咁有质素嘅任食火锅，真系超值。