2020年过去，新一年第1日梗系要食好D!呢日就黎左湾仔锯扒!我地大概12点半到已经全场FULL咁滞~入到去见到环境几好，D台同位置都有一定距离~疫情之下食得都好安心~
睇下LUNCH SET再望下隔离台，见好多人都系叫个扒食，证明应该都唔错，价钱都系300蚊唔驶仲可以任食薯条!仲有埋沙律同面包~咁就叫黎试下LA!
Steak可以拣熟成度，我叫左medium~等左阵就有沙律同餐包上台~沙律系凯撒沙律~上面有d芝士粉，仲有半熟蛋点缀~清新得黎带点调味~好食!但最惊喜系餐包!两个包各切半而且烘得香脆，黎到既时候仲暖暖地~配既唔系普通牛油，而系加左玉桂既牛油~真系好特别好好味!忍唔住全部食哂!
食完咁惊喜既starter，就黎到我地既主角steak and fries~牛扒好大块而且有少少呈心形~XD外面烤得焦香切开入面粉嫩，肉质软稔唔韧冇筋~唔系d cheap cheap 牛扒~牛味好重，我拣左garlic sauce，点埋真系超夹~伴碟既薯条系幼身薯条，份量仲好多，食落脆卜卜少少咸，同麦记果d真系冇得比!仲可以refill~店员见到你食得差唔多会问你想唔想refill~服务好贴心~不过饮品唔包既要另外叫，叫左杯冻柠茶，大杯又解渴！
呢餐又好味环境又好~回头率指数系10分~~

上年6月来过，当时个系叫 #MooMoos
今次再来发现有少少唔同咗，可能转咗厨师
.
除咗店名改咗，食物味道都唔同咗
Menu都加咗其他款式嘅食物(可睇最后一图)
不过我都系嗌番牛扒餐
.
牛扒餐full set $298
自家制面包(可配普通牛油或肉桂牛油)
推介后者❣️真系好滑好香甜，肉桂味道唔假
.
蛋黄酱沙律
同以前一样，罗文生菜新鲜
调味合宜，配上碎面包粒＆流心蛋
.
主角8Oz牛扒
感觉唔同咗少少
记忆中肉味肉汁都系以前多啲
今次再来同样嗌咗五成熟 - 洋葱汁
但食落相对较乾，肉味唔浓
反而朋友order 三成熟会似五成多啲
.
自家制薯条
超新鲜用鸭油即叫即炸！
薯味OK❤️
不过今次炸得比较over有少少硬
中意劲脆嘅朋友会大爱
而且系任食
.
.
食物质素还可以环境好靓 #打卡 #必去
Lunch赶住食感觉就偏贵
偶然去一次都可以
.
#扒房 #澳洲菜 #牛扒 #steak #wanchai #wanchaifood #australia #ausfood #australiafood
#steakandfries #ca师奶餐厅_湾仔

圣诞假期过后又是开工日子，节日心情仍然未尽。相约同事去了一间装潢雅致的餐厅食了一个美味午餐，又几似渡假休闲感觉。

Peach fizz
呢款饮品好清新。自家制的桃蓉，混入柠檬，梳打...原素，清甜好饮。

粟米忌廉汤
非常浓稠，粒粒粟米甜美有口感。

Kobayashi Hotdog
日式热狗够特别。
酱汁是照烧汁那味道，加入沙律酱，海苔。
面包松软，热狗肠爽脆。
整体口感不错，有浓厚日本风格。
炸薯条热辣辣，薯味香浓，好味！

最后当然是又香又浓咖啡作完美的句号。

圣诞将至，当然相约好友见面。今次来到湾仔一间楼上Cafe, 环境舒适配上一个壁火炉及大量圣诞装饰，一坐便2小时了⋯⋯
-
餐厅出名是吃牛，我们每人点了一个HK$298 La Moo Moo’s Signature Steak套餐。这个套餐包沙律、面包、主菜及任食薯条。套餐有一个特色是有一把好特别的牛扒刀。未上菜前我们在想怎样拍才好看。
-
：凯撒沙律配1/4流心蛋～松脆可口的面包丁配合流心蛋的蛋汁与黑椒沙律酱及大量巴马臣芝士连爽甜新鲜的罗马生菜拌匀一起更滋味。如果流心蛋是全只会更加好。

：餐厅自家制的肉桂酱，淡淡的肉桂香气与牛油一起涂上烘至金黄色又外脆内软的面包上，非常可口。

：主菜是来自美国名牌「1855」8oz Premium USDA Rib-eyes Steak ，以HK$298价钱来说是吸引。清晰的微焦的格纹的外表，牛扒的香甜肉汁令我快速手机食先后，急不可耐切开它，嫩粉色五成熟的肉眼扒，多汁带有咀嚼感又不失娇嫩, 蘸上旁边蒜蓉汁更加突显！不太咸又外脆内软熟的幼薯条是无限追加。

：Strawberry Twist 是一杯带有花园感觉外表，而味道又不会太甜的Mock tail

总括来说餐厅圣诞装饰气氛浓厚，坐了几张枱也感到舒适不焗促是加分的地方。套餐份量对于小鸟胃的女生来说是颇大份！服务态度表现良好，以湾仔区来说价钱合理。

呢间餐厅有少少隐世feel，位于湾仔其中一栋商业大厦之中，打开电梯门，见到有唔少靓酒陈列，转入餐厅一眼就见到吧枱同充满节日气氛嘅装饰，夜晚嚟食一定更有情调！

今次系同朋友专诚上嚟食的，因为呢度嘅薯条系无限任添！店员先简单介绍食品，请客人选择猪定牛，再选择酱汁，我简左洋葱汁，配牛扒应该冇得输。

自家制面包做得几软熟，配上两款牛油，原味同肉桂，另外有Fresh Romaine Salad，生菜够脆口，仲有脆卜卜烟肉同埋面包粒，几有水准。

牛扒可以自己选择生熟度，选择左七成，但一啲都唔难咬，牛扒面有少少焦香，肉眼质地唔错，卖相亦相当吸引，配上洋葱汁非常相衬！

呢度嘅薯条切得非常幼身，炸起上嚟特别香脆，点上茄汁同芥辣食到停唔到口！配返杯Grapefruit juice,望下街景倾下计，心情都靓d!!