今日去咗海洋公园玩咗成日，之后返出嚟铜锣湾食晚饭。有人神神秘秘话带我去澳门逸园中心开餐，原来一早预订咗呢间人气火锅店「码头故事」。
餐厅嘅布置好特别，装潢走复古路线，加上四周的中国风装饰、天花的大红灯笼和墙上耀眼嘅霓虹灯，嚟打卡真系一流！
先选汤底，拣咗个大骨百味汤锅 ($136)，唔好睇个汤底好似好清咁，但其实捞起入面都有唔少材料，汤内有大葱、红枣、杞子、青瓜片和午餐肉，饮落有好浓嘅猪骨香味，绝对系真材实料。
调味料放咗喺外面嘅酱油区，客人可以自行外出拿取。另外每张台都会有一碟陈皮花生同瓜子供应，花生味道很不错，脆口得来又带点佛手柑的清香。至于自助酱料及茶芥费就以人头计，每位 $30。
配料方面，先试下这款一米肥牛 ($159)。碟肥牛卖相好特别，用一块超长嘅厚身木板盛载，虽然无用尺量度过，但望落应该都有一米长。肥牛色泽鲜艳亮丽，肉质肥瘦适中，每一片都好嫩滑，就算灼耐一点依然软腍。
至于呢碟脆肉鲩鱼片 ($88) 水准亦唔错，又弹牙又滑，肉质结实，清爽脆口、且鱼味清香，入口充满鱼鲜味。
另外一定要推介下呢两碟脆炸响铃 ($67) 同 脆炸鱼皮 ($55)，估唔到两样都咁出色，响铃香脆松化，够干身又不油腻；而鱼皮亦酥脆不嚡口，食落无渣，多吃几块也不觉厌。
本来仲叫咗碟一米鸭肠，可惜店员话当日无货，唯有作罢。
打边炉，蔬菜一定不能少！心大心细想试多几款，拣咗个时蔬拼盘 ($98)，材料好丰富，拼盘内放满了红萝卜片、粟米、金针菇、香菇、娃娃菜、唐生菜、油麦菜、有菇有菜，绝对是健康之选。
最后食埋个日本乌冬 ($38)，真系好饱肚，乌冬爽口弹牙，加上吸收晒汤底嘅精华，一口面、一啖汤，美味可口。
拥有或管理这家酒店？ 免费获取您的详情页以便回复点评、更新资料或者进行其他操作。