环境好静 设计仲好靓 系好大气既枣红×云石style 本来谂住食环境既cafe野食都冇乜期望 点知又ok wor! 重点系喺海港城 但价钱仲平过其他cafe 而且冇加一 性价比真系好高
.
#青酱鸡排沙律
呢个沙律好大碟 沙律菜好新鲜 望落好似好寡冇乜汁 但原来已经捞匀左油醋汁 块鸡排仲好大块 肉质嫩滑 健康人士一定like
.
#三文鱼牛油果莎莎多士
呢个组合又系不败既 初头见烟三文鱼围左朵花以为份量好少 原来入面仲有好多旧牛油果同烟三文鱼 够舖哂喺3块多士食 作为餐前小食好唔错
.
#香煎虎虾芦笋辣茄汁意粉
意粉煮到al dente岩岩好 冇过熟都几弹牙而且好挂汁 每啖都挂到汁 可惜原来食唔到辣味 相信辣啲会惹味啲 欣赏大虾有抽虾肠够细心而且冇雪味 但相对其他包类呢个冇咁抵食
.
如果唔大食，一人叫一个main都唔使$100, 仲要环境舒服又冇加一 黎食下午茶都好chill 临走见到见到隔离枱食panini都好正咁 下次再黎试下先!

餐厅：Espresso Alchemy (尖沙咀)
地址：尖沙咀广东道3-27号海港城港威商场地下G104号舖

Espresso Alchemy开咗第四间分店喇，喺尖沙咀嘅第二间店，美丽华间去过几次，海港城呢间就系11月中开咗喺广东道Apple Store对面，可以拣坐室内，亦可以坐喺较空旷嘅商场位置

嚟到梗系要饮佢哋嘅咖啡啦‍♂️，因为小弟嚟紧要考试，所以需要揾个地方可以坐得耐温到书嘅，睇啱呢到可以避开繁忙嘅都市，饮杯咖啡，坐喺角落折埋静静地做自己野

青酱鸡肉忌廉长通粉 $95
估唔到鸡肉嘅份量都几多，有六至七件，食落有啲似鸡胸肉，但唔会好嚡，配上忌廉、芝士粉同埋青酱，呢个长通粉都算唔错又相对健康，最紧要有足够蛋白质嘛

虎虾车厘茄意大利粉 $128
三只大虎虾，再用上芦笋同埋车厘茄蓉，加入去意大利粉入面，食落唔会好腻，少少酸甜嘅感觉，几开胃

精选咖啡 (大) $35
系店员介绍下叫咗呢个咖啡，系不定时更换嘅，今日呢款喺嚟自埃塞俄比亚嘅咖啡豆，饮落花果香较出，中层带有nutty香，最后有回甘，都几多层次

鲜奶朱古力(大) $43
嚟Espresso Alchemy又点可以唔叫返杯拉花饮品，用嚟打卡真系一流，两份野食、两杯饮品，就换嚟wifi同坐咗4个几钟温书，计返条数都几抵

整体嚟讲环境同食物都唔差，份量多少少就会好啲，一个人食哂呢到啲野都唔算夸张呀