我们不支持您使用的这种浏览器。Tripadvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“椰子鸡汤无得弹🥥😍🥰”
Fancy Hotpot的点评

Fancy Hotpot
预订桌位
香港排名第3,925 (共15,896家美食)
周围地区: 旺角
餐厅详细资料
周围地区: 旺角
2021年3月25日点评 通过移动设备发表

辛苦工作过后有时都想食下好西衬住仲有少少凉意就打下边炉先~
.
尚膳养颜滋补锅
.
滋补椰子鸡锅 ($168/半只) - 店员会提供计时器⏳煲滚4分钟就可以饮汤啦~个汤好清甜好香椰子味好好饮啊鸡肉可以点青柠干葱豉油黎食,食法几特别

蟹棒响铃($58) - 新鲜即炸~上枱仲系少少热浸一浸汤就食得!脆卜卜架~

龙趸片 ($168) - 大大盘好新鲜!钟意食鱼嘅‍♀️食得好滋味~最钟意啲鱼皮劲有骨胶原嘅感觉

韩国梅花猪($168) - 唔会太肥嘅猪肉片~色泽都几新鲜!

美国桶蠔 ($168) - 只只都好肥美鲜甜㖞!

猪肉韮菜饺 ($42/半份) - 每次打边炉都会试自家制手工饺~韮菜劲多好香好味呀~

四色手工丸拼盘 ($88) - 有黑松露虾丸、黄金墨鱼丸、芝心牛肉丸同梅菜猪肉丸各2粒~粒粒都弹牙又足料

唐生菜 ($48)、皇帝菜 ($48) - 打边炉又点少得菜~份量都几多用呢个椰子鸡汤底渌啲菜好甜好正

杞子圆肉菊花露($68) - 分到2杯嘅份量~打边炉咁热气饮返杯菊花露就啱哂又唔会太甜又解渴!

1  感谢 littlefoodie_hk
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
撰写点评点评 (6)
旅行者评分
旅行者类型
时节
语言

1 - 5 条点评,共 6 条

2021年3月7日点评 通过移动设备发表

必吃养生火锅

平时去打便炉,加汤都是加水或上汤,但呢间就唔同啦,系加返我哋原本选择嘅汤底,保持原汁原味,唔会越加越淡味。

位于旺角的「尚膳养颜滋补锅」,餐厅环境几宽敞舒适,无限时,想同朋友倾几耐都得。

赞好餐厅Facebook仲送咗杯「杞子圆肉菊花露」,几大杯几好饮,清甜滋润。

点餐用QR code 扫一扫就可以落单,好多款汤底都好吸引,但系得一款汤底可以鸳鸯锅,所以我哋选咗「尚膳养颜美人锅」同「滋润鱼云静心锅」,双并汤底仲要不用额外收费,赞。

「尚膳养颜美人锅」用料十足
药材:淮山、北耆、党参、杞子、圆肉、龙眼干、红及黑枣
汤料:竹丝鸡、桃胶
汤底淡淡清甜滋补,饮完一碗又一碗
太好饮了
用来灼肉和菜就最适合

「滋润鱼云静心锅」
药材:天麻、川芎、白芷、淮山、圆肉、当归、
锅料:鱼头、竹丝鸡、白胡椒粒、玫瑰露
汤底药材味甚浓,我们都超钟意药膳,觉得超正,又饮咗几碗
用来灼丸类、面条会更入味

静系汤底已经令到我地好满意

「手切牛肉」细 $188
雪花纹均匀,入口嫩滑肉味浓

「蟹籽墨鱼丸」$78
浓郁墨鱼味,手打弹牙有口感

「海鲜拼盘」$288
有圣子、大虾、鲩鱼、象拔蚌、蚬
象拔蚌尤其新鲜,鲜味鲜甜
鲩鱼又大又厚肉,相当新鲜弹牙

「蟹棒响铃」$58
见个名几得意,贪得意试吓,加咗蟹棒一齐食又几好味㖞

「冰菜」$48
唔系间间都有得食冰菜,梗系要叫你食
有水珠在菜面上真系好得意,好爽口

「宽粉条」$48
呢个都好好食,估唔到咁大碟

埋单$1030值
我地饮汤饮到好满足

尚膳养颜滋补锅 (旺角)
旺角弥敦道607号新兴大厦1楼106-112号舖

感谢 Lovecathcath
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.tw 查看原文
2021年3月6日点评 通过移动设备发表

餐厅:尚膳养颜滋补锅 (旺角)
地址:旺角弥敦道607号新兴大厦1楼106-112号舖

有冇人好钟意打边炉,但系又怕热气唔敢食太多呢?最近去咗旺角呢间尚膳养颜滋补锅,佢哋专门熬制唔同嘅滋补火锅汤底,俾你系食火锅嘅同时都可以补一补,食都食得冇咁大罪恶咁

餐厅开左唔够半年,装修典雅堂皇,充满中式古代特色,仲有唔少间隔位同独立房,有足够私人空间倾偈之外仲可以包房,佢哋喺扫QR Code落单,方便得嚟又可以一清二楚睇到点咗嘅食物同价钱

今次同朋友两个人就叫咗呢啲食物:
尚膳养颜美人锅双拼滋润鱼云静心锅 $188
手切牛肉(细) $188
四色饺子拼盘 $82
四色手工丸拼盘 $88
即炸响铃 $48
农场滑鸡片 $88
什菜篮 $68
宽粉条 $48
芦荟小麦草 $68

$188就有两个足料滋补靓汤底,尚膳养颜美人锅用咗半只乌鸡、红枣、枸杞、党参等去熬制,饮落浓郁清甜,而金华火腿令汤底变得咸香;滋润鱼云静心锅用咗乌鸡、鱼头、老姜、白胡椒等去整,店员话可以调理偏头痛、头风、经期等问题,饮落以鲜鱼香为主,同时带有微微嘅中药味,打边炉打到一半可以食埋入味嘅乌鸡同鱼头

手切牛肉纹理同色泽都好吸引,每块大小都好均等,放入热锅入面滚10至15秒就食得,虽然唔喺入口即溶,但喺牛肉味都算浓郁,亦唔会太肥腻

手工丸有黑松露虾丸、黄金墨鱼丸、芝心牛肉丸同梅菜猪肉丸各两粒;饺子就有鲜虾菜肉饺、猪肉韭菜饺、鲜虾云吞同埋凤城水饺各两粒,所以我哋两个人食就啱啱好每样都可以试晒。呢度啲饺子都几薄皮,煮熟之后饺子通透,睇到入面嘅馅料;手工丸都几有特式,唔喺普通嘅牛丸墨鱼丸,而最有惊喜就喺芝心牛肉丸,一咬就爆到成个口都喺芝士,热死朕,大家食嘅时候要小心

最值得一赞嘅系响铃,一份有6件,估唔到喺即叫即炸,上到枱嘅时候仲喺出烟热辣辣♨️,放入窝3秒即刻拎起嚟食,外层沾满汤汁,内层香脆可口,简直喺打边炉嘅最大享受,嚟呢到一定一定要叫!

食完仲有生果盘同埋朱古力送,唔系间间火锅店都会有,唔错唔错

感谢 hinsonfoodhk
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.co.uk 查看原文
2021年2月25日点评

今日又可以同朋友去行街食饭,去咗一间高质素嘅火锅店打边炉,地方又大又古色古香,坐得又舒服;如果你同成大班朋友一齐去,有几间不同大细嘅房间方便一齐坐(座位约16-30人)

任你选择嘅自助酱料区;有柠檬水;有小食:凉拌大豆芽、五香毛豆及荞头

我哋点咗个鸳鸯锅滋润鱼云静心锅 + 酸菜白肉锅,净系个锅,已经劲多配料,劲正;滋润鱼云静心锅有鱼头又有四分一只乌鸡,加埋其他药材配料,汤底鲜甜好饮,味道仲好浓郁,够哂滋润;另一款酸菜白肉锅,有薯粉又爽又好味,酸菜 + 白肉,仲有好多配料,真系好正

火锅配料就拣咗:
手切牛肉、牧场羊肉片、韩国梅花猪、
嫩滑鸭血、四色饺子拼盘
什菜篮、稻庭乌冬(2个)

值得推介嘅小食:鬼马双星,用墨鱼及虾酿落油炸鬼整成,香口又脆卜卜,好好食

仲有两杯滋润饮品
杞子圆肉菊花露 及 宁神洛神花茶

尚膳养颜滋补锅
旺角弥敦道607号新兴大厦1楼106-112号舖

感谢 SukiYeung
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2020年11月30日点评

连续两日打边炉,昨天同人庆祝生日,今晚就应好友邀约,嚟旺角试下呢间新开嘅火锅店「尚膳养颜滋补锅」。

餐厅位于旺角弥敦道 607 号新兴大厦 1 楼,舖面呈长方形,环境相当优雅,装潢和设计上用了不少木质建材,配上墙身上嘅梅兰菊竹挂画和阔落的厅房,给人一种古色古香的感觉。

友人系边炉精,今次点汤底同配料嘅任务,就一于交由好友发板,而我就负责外出「混酱」和拿取餐前小食。茶芥及酱料以人头计,每位 $20。

点咗个滋润鱼云静心锅 ($188),锅底材料很丰富,用上川芎、白芷、天麻、当归、圆肉等药材,再加入竹丝鸡及鱼头等熬煮而成。待汤锅滚后,先呷一口汤底,药材味不太重,饮落几甘甜,滋润顺喉。再捞起汤料,鱼头煎得很香口,连着的鱼肉滑溜鲜甜,而竹丝鸡亦皮滑肉嫩,带浓郁鸡鲜味。

配料方面,先试下呢盘已起骨的沙巴龙趸片 ($168),鱼肉结实新鲜,入口渗透著鱼香,加上每片都切得厚薄适中,咬下啖啖肉,连埋爽韧嘅鱼皮一齐食,口感甚佳。

接着吃四色手工丸拼盘 ($88),拼盘上有四款唔同口味嘅丸子,当中包括有黑松露虾丸、黄金墨鱼丸、芝心牛肉丸、梅菜猪肉丸各 2 粒。牛肉丸爽滑弹牙,配以香浓嘅流心芝士,味道绝配。梅菜猪肉丸味道亦唔错,清香爽口,梅菜同猪肉嘅比例啱啱好。

嫩滑鸭血 ($58),鸭血新鲜饱满,而且切得大件有厚度,用汤底浸熟后,口感非常腍滑,正。

台式蛋饺 ($42/半份),蛋饺外形胀卜卜,入面包住猪肉馅,食落既有肉香又不失蛋香。

打边炉又点可以无菜,点咗个杂菜篮 ($68),盘内有娃娃菜、生菜、鲜菇、金菇、秀珍菇、秋葵及粟米等,超丰富,样样食啲,健康又有营养。

压尾再食埋个宽粉条 ($48),够晒饱肚,粉条甚富弹性,唔易断开,加上吸尽汤底嘅精华,真系别有一番风味,令人吃不停口!

本来打算点饮品,不过店员话而家只要喺餐厅嘅 Facebook/ Instagram 打咭签到/赞好,均可获赠:杞子圆肉菊花露 或 宁神洛神花茶一杯,当然唔可以错过喇。菊花露清热明目,入口绽放花香;而洛神花茶亦清甜酸香,打完边炉饮番杯,解腻一流!

感谢 mjqueen7e
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文

查看过Fancy Hotpot的旅行者还看了

 
中国香港
 

去过Fancy Hotpot吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页
© 2022 TripAdvisor LLC 保留所有权利。

网站的此版本通常面向中文使用者,除非有针对其国家或地区的特定网站版本存在。 您可以使用下拉式菜单访问 Tripadvisor 网站面向特定国家或地区的其他版本。