之前系观塘返工，知道桔梗会系观塘开姐妹店Lagom Kaffe，已经谂住试，最近终于可以抽到时间去Lagom Kaffe食野。

我选了All Day Breakfast。

All Day Breakfast上台。

卖相精致，仲好丰富。

有沙律，面包，香肠，煎双蛋，烟肉，炒杂菌。

面包外脆内软，再加埋果酱一齐食，特别好味。

香肠带点微辣，多一份惹味。

蔬菜够新鲜爽脆，可以起中和作用。

饮品当然首选咖啡，黑白咖啡也想试，最后选了黑白配，可以一次过饮晒黑白咖啡。

店员话先饮黑咖啡，再饮白咖啡。

平日甚少饮黑咖啡，初头真的有些不习惯，后来可以，之后再饮白咖啡，感觉完全不同。

旺角桔梗相信大家都唔陌生
但呢间姐妹店大家又有冇黎过呢

✅ Lagom Kaffe 乐感
佢系牛头角同观塘都有分店
我个日就同朋友去左佢牛头角店
个环境都好大 而且有阳光照入去个餐厅
感觉好光猛
我地坐左系近窗既吧枱 虽然坐得耐就冇sofa咁舒服
但同朋友一齐系到做下野既话 呢个位的确唔错
做得攰望下窗外既风景都几写意

台北炖牛肉意粉 $78
原本我对呢个意粉冇乜兴趣
心谂点解意粉会配炖牛肉㗎
通常都系炖牛肉饭㗎嘛
然后我就上网睇下卖相 佢个卖相又几靓㖞
于是我出于好奇既驱使下就叫左佢
点知完全冇中伏 仲俾到惊喜我添！
佢个汁系好浓既牛肉汁 甜甜辣辣咁
有免治牛肉碎亦都有一片片既牛
意粉对我黎讲就略嫌偏硬
不过可能再软身配呢个汁就会太腍了
牛肉都系比较薄身 但食落冇乜特别 只系普通既薄牛肉
不过卖相都几靓既 特登将啲意粉卷到咁靓

味道: 3.5/5
卖相: 3.5/5

瑰神 $48
话明瑰神 入面当然唔少得有玫瑰花干
仲有其他莓既干
将佢地整成茶包 冲出黎既花茶
入落完全唔甜 带少少酸既味道
亦好重花香味
唔饮咖啡既都系唔错既选择

味道: 3/5
卖相: 2/5

见桔梗呢间新开嘅cafe好大又可以室外用餐，已经想试好耐，最近难得约到闰蜜去朝圣！我地为免要排队，约了12点去到。果然真系无咩人，可以直入。

个装修好森系，感觉悠闲。

系cafe 入口处有甜品同面包卖(相片摄于埋单时)，不过我地刚到的时候侍应表示甜品和面包还未到货，因此不确定是否自家制作。

餐厅用QR code点餐，我地叫左以下野食︰

台北炖牛肉意粉 ($98)︰呢个意粉超好味！好推荐!佢完美地将台充满台北特色的炖牛肉结合西式的意粉，入口微辣，好香九层塔嘅味道，而且啖啖牛肉粒，好吃！令唔中意食意粉嘅我都食唔停口。

全日早餐 ($128)︰每次去cafe都会想叫all day breakfast。今次呢个all day breakfast 真系无令我失望。个酸种面包好烟韧，配上酸甜酱，好好食。而且当中的蘑菇事先炒过，好香好入味。成碟好足料！

巴斯克抹茶芝士蛋糕 ($52)︰坐到1点左右，终于见到甜品陆续摆上甜品柜，我地叫左巴斯克抹茶芝士蛋糕黎试。不过呢个芝士蛋糕比较令人失望，个质感好松散，好容易食到成枱蛋糕碎，而且芝士味唔出。

桔梗姊妹店 Lagom Kaffe
牛头角店占地8700呎，环境宽落楼底高，空间感十足。特别钟意餐厅既落地大玻璃，采光度高之余，亦会望到花草树木、蓝天白云，好有「生活」而非「生存」既感觉。

重点系餐厅不设用餐时间限制，唔少座位都设有插苏位供客人使用，好适合大家带电脑嚟做野、开会或者hea返个晏昼。

▪️抹茶戚风蛋糕 $40
外貌协会表示：一行入去见到隔离枱食紧呢个蛋糕劲吸引，就忍唔住嗌左
抹茶戚风松软有弹性，略嫌边边位有啲干身。蛋糕望落都几绿，不过食落茶香唔算太突岀。抹茶既味道主要嚟自顶层既抹茶cream，茶味香浓，甜度恰到好处，稠度比想像中低，但无碍提升蛋糕既湿润感。

▪️特浓咖啡 • 朱古力麻糬 • 冧酒提子 $138
窝夫即点即制，外层相当脆身，中间夹有软糯麻糬，外脆内软双重口感。虽说系特浓咖啡，但朱古力香气反而更突岀，咖啡则消失得无影无踪，有小小失望。不过好钟意旁边既冧酒提子雪糕同微酸既杏脯酱，稍微减轻左甜腻感。

▪️Hot Dominican milk chocolate $48
朱古力香气满溢，甜度低。虽然唔系走浓稠既路线，但冬天嚟到饮返杯依然会好满足。

▪️Espresso Tonic $48
又系一杯清爽解渴既espresso Tonic！
入口先尝到咖啡香，甜度跟酸度都较低，唔会有我最唔钟意涩既余韵。