餐厅：A Tavola Bar & Grill (将军澳)
地址：将军澳澳南海岸唐俊街23号MONTEREY Place 地下G08号舖

每日经文：当将你的事交托耶和华，并倚靠他，祂就必成全。祂要使你的公义如光发出，使你的公平明如正午。
‭‭——诗篇‬ ‭37:5-6‬

交托，重来不是一件轻省的功课。团队合作、与人一起工作，要学习放下自己的执著，相信其他人并将工作分担给他们。将生命完全交托给神，更是难上加难，因为我们都惯了以自己为中心，认为自己的生命是由「我」全权打理，却忘记了神在背后一直掌管着。让我们一同学习倚靠神，让祂去成全我们生命中的一切，让祂去彰显公平和公义。

Donki将军澳店11月11号喺邻近将军澳海滨公园嘅澳南海岸MONTEREY Place开幕，去完朝圣买野，就去咗隔离嘅一间意大利酒吧餐厅A Tavola Bar & Grill食饭

餐厅职员都系外国人，而嚟帮衬嘅人大多都系外国食客，加上邻近海旁，附近又有唔少人带埋宠物出嚟散步，真系好似去咗个小外国城镇咁，系呢到食饭倾偈真系一流

意式番茄面包 $70
烤法式面包配番茄、大蒜、罗勒同特级初榨橄榄油，食落有啲似我地平时嘅多士，加咗大量嘅番茄粒，连埋巴马臣芝士同罗勒一齐食，香脆得嚟口感丰富，好钟意罗勒嘅配搭，好开胃

烤鸡粒 $98
鲜嫩鸡粒配上洋葱、大蒜粉同埋意大利调味料，另外配上酸辣酱，惹味可口，唔会好油腻，一客都有十几粒，有啲似某快餐店嘅「勿落机」，不过价钱有少少贵

香辣番茄橄榄长通粉 $120
意大利番茄酱配时令黑橄榄，以香浓酸甜为主，带有少少微辣嘅味道，简单得嚟又啱素食者

A Tavola House Pizza $130/10”
Pizza可以拣厚或者薄批，亦可以拣10吋或者12吋，叫咗个餐厅特色嘅House pizza，用火腿、意大利辣香肠、菠萝、烟肉、青椒、洋葱同初榨橄榄油做馅料，pizza边香脆，放入口百味交集，一个人食哂成个都仲得

饮品就叫咗杯chocolate smoothies($62)同Apple juice($38)，不过下次嚟酒吧都系叫酒饮match啲亦都抵啲；另外即场like餐厅嘅FB page仲送一份甜品，原来系Chocolate Brownie配云呢拿雪糕，Brownie即焗热辣辣，配埋冻冰冰嘅雪糕，真系一个perfect match