好钟意去潮州酒家饮茶，就系因为𠮶几杯潮州茶。

唔系间间茶楼都有得食嘅潮式煎薄撑。
煎得外脆内软，不油腻。

避风塘九肚鱼，煎得外脆内软，热辣辣，juicy , 小辣。

虾饺晶莹剔透，鄙薄馅靓，全只虾肉，爽口弹牙

虾肠， 肠粉或夺夺，肠粉够薄透， 虾肉大大只，新鲜爽脆。

脆炸春卷系是日推介， order 时 没有留意是日式的， 一口咬下有轻轻嘅wasabi 味直冲鼻喉... 好过瘾！

限聚令饮茶慨次数少之又少，多数都系外卖饭盒，周末到了就同老公去饮茶。
点心纸有二人份量选择，这个贴心安排，啱晒2人饮茶，又可以有多啲选择。
名朝鲜虾饺
虾饺好大只，里面有两只虾，虾弹牙，虾饺皮都几烟韧。
潮式韭菜棵
韭菜和葱粒很香，皮略略煎过，有点脆口 。
和风虾春卷
春卷炸得很脆，食一啖，里边有芥末味渗出黎，好惊喜。
卤水鹅肉卤蛋
重点是这个卤水，做得滋味无穷，咸度刚好，蛋非常入味，豆腐豆味香浓。
芝麻卷
芝麻卷好细滑，一层一层唔会散。

K11 Musea平时行过装修华丽，无谂过会有潮州菜馆系入面， 但去过名潮食馆之后，对传统潮州菜有改观。
餐厅环境好光猛朴实，符合K11 Musea 个格调，里面分上下两层，座位阔落舒服。菜单晏昼主打点心，夜晚就做小菜，夜晚想食点心嘅都可以同餐厅预留。
潮州椒酱肉
呢碟𩠌材料丰富，由虾米、肥猪肉、豆干、菜脯、青红椒炒成。好适合送酒，作为开胃菜都一流。
无米粿
里头有韭菜，姜葱头，捞埋米浆落镬煎。食落去外脆内软，冇米粒嘅感觉，好滑！食完之后都仲有饱足感添！
五行六合菜
有百合，豆角，榄菜，苦瓜，青椒炒成。榄菜本身有咸味，食落唔会觉得寡。本身好怕食苦瓜，但系食起来又唔算苦，反而有种清爽。
梅菜蒸肉饼
豉油汁加肉饼个配搭冇得输，好送饭！即刻又要嗌两碗饭同友人一齐分享。
肉饼蒸蟹膏圈
上菜嘅时候见到成只蟹叠系肉饼上面，蟹肉味道鲜甜，蟹膏蟹肉再配上肉饼令人好满足。
潮州沙嗲炒米粉
除咗配料丰富，米粉炒得干身，睇得出师傅嘅功力。食落去有少少辣口，食得几过瘾。
怀旧黑芝麻卷
今次系第一次食传统嘅黑芝麻卷，芝麻香味浓郁，又唔会过甜，作为甜品结尾唔错浓郁。

最近同潮州菜好有缘，限聚前同友人相聚于K11 Musea嘅名潮食馆，难得约到当然要食好啲尽兴啲！

边食住潮州菜馆必见到嘅咸菜，边等菜到，再叹埋杯菊花，好抒压！

先来小食—潮州椒酱肉
除咗有惹味嘅虾米、菜脯、豆干落去炒，仲加埋邪恶肥猪肉及健康青椒红椒增香添色，每样食材用料都恰到好处，食落好香口，只欠一杯酒！

潮式香煎无米粿
第一次食呢个好有潮州风味嘅小食，大大块，入面用咗韭菜，姜葱头，再倒入米浆拌匀再煎。米浆好细滑creamy配埋韭菜香好想再encore多件啊！

爱肉饼嘅人点少得点碟梅菜蒸肉饼，进阶版仲有肉饼蒸膏蟹圈，好事成双，送饭佳品！梅菜蒸肉饼够经典，厚厚一饼好似分pizza咁每人一块，调味好适中亦带出梅菜香，配埋姜丝更去腻！

奢华版一定整只膏蟹配搭嘅肉饼圈，鲜橙红色嘅膏睇得出蟹新鲜，蟹盖后都仲有膏，而蟹肉都好饱满。肉饼方面比经典款肉质实啲密度高啲，肉香都更突出！而酱汁我更爱膏蟹版，带点酒香，有韵味！

饮食均衡点可以唔食菜呢，我地就点咗五行六合菜，菜嘅种类好多，有百合、豆角、榄菜、苦瓜、青椒、酸菜。轻炒所以苦瓜都仲系几爽口，我自己偏爱炆腍个种苦瓜，但依个本身唔太苦所以都还接受到。酸菜都几加分，酸酸地更开胃啊！

潮州沙嗲炒米粉
炒米粉食得多，沙嗲味都系第一次食！沙嗲带出些微辣劲，比平时食嘅米粉多咗份独特。

怀旧黑芝麻卷
芝麻糕以传统姿态示人，我更爱呢种样貌，酷似菲林卷，有玩味！睇样都知好芝麻啦，芝麻控必点，但如果湿润度再多啲啲就好啦！

名潮食馆由许美德师傅主厨，把潮州菜原汁原味呈献。店内除了保留传统菜式，更增添不少新式多元菜，把许师傅二、三十年经验贯注在内，望带给客人百分百潮州体验。

潮式香煎无米粿
以日本米“宫城县一见钟情米”制成粿皮，混杂韭菜等香煎、粿皮薄而香脆、内馅米嫩软糯而烟韧、米香纯粹而浓郁，柔滑细致。

胡椒芝麻饼
芝麻密密麻麻覆盖正反两面，中间夹一层薄薄内馅，表面远远泛金黄光。质感薄而酥脆，整件干身脆口、芝麻香扑鼻，在口腔内回荡。

潮州卤水鹅肝卤蛋
师傅卤鹅肝及鸡蛋至渗透，待上桌时以热卤水再淋面，保持嫩滑不老同时带温热。鹅肝大片厚身、质感柔软细腻、油润富甘香，入口即融。卤蛋弹牙，卤水入味却不咸。

梅菜蒸肉饼
肉饼口感软绵细密，咸度适中而美味。

五行六合菜
以青豆、洋葱、红椒、百合等爆炒，有营之选。

潮州沙嗲炒米粉
沙嗲及米粉比例刚好，不过湿或过干，口感清干味道香浓。

怀旧黑芝麻糕
几层卷成的芝麻糕，芝麻香而微甜。

总括来说，地点方便快捷、食物水准高、服务不错，经过可一尝。