好耐冇同男友出街食饭，今日放假终于可以出嚟铜锣湾拍下拖。

想食好少少而又乜都有，去咗呢间烧肉放题店。装修充满日式感觉，虽然唔系好大，但系格局都几阔落。服务员都几亲切，好有耐性咁讲解佢哋嘅放题套餐。

我哋9:30左右先到，食$348。店员介绍佢哋出咗个新推广。加$18就可以要杯啤酒。原来仲有个$138无限添饮添！

前菜方面
枝豆。暖暖地仲岀烟添，都几爽口。

泡菜豆腐。泡菜唔错几入味，配埋个豆腐冻冰冰都几开胃。

中华海蜇。几爽口弹牙，有小小麻油味。

刺身方面
有带子、三文鱼、甜虾、鲣鱼、荣螺片山葵渍。带子、三文鱼、甜虾几新鲜，甜虾好食！荣螺片山葵渍呢个好新颖，第一次食，个味咸咸地，似烟分左既鱼。

寿司方面
点左柚子酱油和牛寿司。估唔到㖞牛同柚子个
味道咁配合，牛肉个味几特别，酸酸地得来又有啲牛肉味，几开胃。

明太子酱带子灸烧寿司。个面微微烧焦左嘅带子带子好好肉地好正又有明太子酱调一调味好好食推荐！

烧肉方面
点左a4和牛。睇下佢地既雪花就个个脂肪比例系几正

牛霖肉
呢个部位好正有少少入口即溶嘅感觉！牛味超浓郁，诚推大家点呢个部位！

内侧腹肉
比较薄身小小得黎都好重牛味

前胸肉
脂肪比例比较多，一放入口就渗出牛嘅脂肪味正

上下排肉
呢个比较上就冇头先啲咁重牛味。不过都系高质。

海鲜方面
种类都唔少，点左
香蒜牛油帆立贝
帆立贝都几大粒，识落都算新鲜。好香牛油味

海虾
几大只爽口弹牙

香草酱配广岛蠔
只蠔好大只，胀卜卜识落都有少少海水味，几新鲜

另外都点左个三文鱼茶渍饭。
份量都唔少，三文鱼充满晒成个饭，配埋个茶几好食。用嚟送A4和牛真系好正

饮品方面
绿鬼
味道几fresh。有柠檬、菠萝、青苹果等等。青苹果味几强烈，味道偏甜。

黄鬼
入面有芒果、菠萝、蜜桃、柠檬等等。比较上冇绿鬼咁清新，偏甜。如果喜欢甜既朋友可以试下。

烧肉、海鲜、刺身, 成日都好想同一时间食哂咁多样野, 呢日黎到铜锣湾既烧鬼, 一次过满足哂我3个愿望!



呢个餐都真系几多野食! 性价怩CP 值相当高! 前菜有枝豆、豆腐、牛蒡海蜇, 仲要样样都高质新鲜, D 枝豆粒粒都好饱满翠绿,个皮唔会话带黑~ 刺身就有带子、甜虾、北寄贝、鲍鱼同埋三文鱼,鱼类超肥美! 食完一旧接一旧停唔到口! 甜虾都系肥美个D! 食落好有鲜味! 好吸引!



寿司都有唔少选择, 而家够哂高质, 柚子酱油和牛寿司、明太子酱带子灸烧寿司, 带子食落劲肥美! 和牛寿司超正! 又系食到停唔到口! 和牛方面都有好多选择! 最正梗系上小排肉! 食到我lam lam 利! D 菇同埋蠔既调味都好正! 放入去慢慢烧慢慢食! 感觉好满足! 食埋个三文鱼茶渍饭真系大满足! 放题黎讲呢间既服务相对贴心! 好食!

铜锣湾不嬲都多嘢食㗎啦不过今日呢就想试吓间又可以食烧肉又可以食个放题嘅餐厅佢就系烧鬼

餐厅嘅地理位置非常方便地铁站一出行三至5分钟就系㗎啦 佢系位于L square嘅9楼 一上到去感觉好型格 因为佢主打系用黑色来做主题

点解会拣呢一间餐 系因为呢一间餐厅同平时普通出边嘅日式放题完全唔同 佢系以品质取胜嘅放题餐厅所以食材绝对系新鲜用心拣过嘅lol 而且听啲职员讲佢哋所有嘅嘢食都系即叫即做保证新鲜 所以质素同埋价钱完全系成正比嘅 前菜方面 我就食左支豆同埋中华海蜇

整体来讲都唔错虽然中华海蜇有啲啲咸 但系捞饭嘅话就好惹味mad 食放题梗系唔少得刺身啦

刺身方面我哋就叫咗山葵渍荣螺片，三文鱼，带子甜虾 全部都非常之新鲜 同埋就算佢系放题都绝对唔会孤寒 三文鱼极度厚身 正！lol 另外都想试吓啲特色嘅寿司当中包括明太子炙烧带子 个明太子酱超级香食完之后劲想再食！ 另外仲有柚子和牛寿司 都唔错like 主角终于到黎啦首先系一个海鲜拼盘

当中有海虾，广岛蠔，同埋帆立贝 全部都食得出非常之新鲜 惜才果然系用料上乘啊 当然佢嘅牛油杂菇同埋日本番薯仔都做得唔错

重点就系A4和牛！ 每一款油脂分布都好靓 所以望落去就已经流晒口水 lol 我个人最钟意就系上小排肉 入口即溶！正！ 最后我仲叫咗一个三文鱼茶渍饭

实行有碳水化合物有蛋白质有菜！ 整体来讲 呢度嘅放题选择非常之多而且品质用料都好好、算系一个比较high end 放题 所以呢一间性价比咁高嘅放题餐厅绝对推介大家去试