高级食府。色香味俱全。火候十足

疫情期间想食得安全啲，专登要拣啲静啲嘅餐厅，又要空间感够，今晚我哋决定试吓楼上嘅「颜府御膳」。

餐厅环境布置如高级食府，可以静静地食餐饭。

我哋拣咗几样𩠌，几款都唔错。

尖椒皮蛋 $98
尖椒布满整碟皮蛋，又辣又刺激🤩
其实我觉得好好食，可惜本身唔系太食得辣
所以食咗半碟左右就食唔到啦😅

蟹肉蛋白鱼肚羹 $138（位）
啖啖蟹肉嘅鱼肚羹，好鲜甜😍

砂锅和味粉丝海中虾煲 $298
上枱嘅时候，职员会在你面前炒两下，立即香味扑鼻，引起食欲大增。大大只海中虾，鲜甜又弹牙，不能错过吸满精华嘅粉丝😍忍不住叫了两碗白饭🤩

铁板陈皮沙姜生煎鸡 $238
铁板上嘅生煎鸡，热辣辣香喷喷，砂姜味中带有陈皮香味，色香味俱全。

砂锅XO酱虾干肉碎炒芥兰 $148
同样砂锅上嘅炒芥兰，保持热辣辣上枱，滋味嘅XO酱伴随鲜味虾干炒嘅芥兰，既香既鲜，爽、甜、鲜。

每碟𩠌都火候十足，𩠌饭一流👍🏻👍🏻

颜府御膳
地址: 铜锣湾开平道1号Cubus 5楼

难得平日放假，来高级食厦Cubus 吃个高级午餐，好好放松一下。

位于5楼的中菜馆颜府御膳，装潢优雅，近入口位置的屏风富有中国古典韵味，红色水晶吊灯奢华又别致。

午市套餐每位$180 ，包括精选老火汤、头盘、主菜和甜品。头盘和主菜都各有六至七款选择，每款都各有特色。

老火汤
是日汤品为西洋菜红萝卜煲猪骨汤，原汁原味，非常足料鲜甜。西洋菜汤有清热生津的功效，超合我需要。

头盘

口水鸡
制成鸡丝的口水鸡，方便入口。味道辣得够惹味，爽脆的青瓜丝口味清新，刚好可平衡一下辛辣感。

红椒汁芦笋虾饺
一打开蒸笼盖，便传来了一阵红椒的香气。虾饺的外皮使用了红椒汁来制作，不仅有红椒的甜甜辣辣的味道，还带上鲜艳的橙红色， 十分吸晴。虾仁十分爽脆，芦笋更带来了双重的爽脆感，不能是视觉上还是味觉上都是上佳之作。

主菜

农家乳香黑豚肉
乳香，意指腐乳。菜式调味使用了腐乳和辣酱，带来浓浓的双重味道享受，谁也不盖过谁的风头。莲藕爽脆，木耳跟爽脆，双重爽脆配搭嫩嫩的黑豚肉，菜式刚柔并重，配搭得宜。

荷香鲜沙姜陈皮生煎鸡焗饭

荷香满满的竹笼饭，上面是煎得金黄超香的鸡腿肉，但是卖相已经夺得不少分数。鸡腿肉相当滑溜，外皮煎得甘香，鸡油香加上荷香渗透进白饭中，加上沙姜和陈皮的味道，带来极致的味觉享受。

甜品
南北杏雪耳炖万寿果
清甜的木瓜，融入冰糖炖制的南北杏雪耳，润肺润喉又养生，非常适合这乍暖还寒的天气下享用。

餐厅：颜府御膳 (铜锣湾)
地址：铜锣湾开平道1号Cubus 5楼

铜锣湾嘅Cubus系一幢充满食府嘅商业大厦，颜府御膳呢间高级fusion中菜厅系啱啱11月头开业，依家仲系试业阶段，既然系新餐厅梗系要帮大家试吓口味啦😎

佢哋嘅菜式精致多变，以卖相同款色作为卖点😍，简单一样点心都包你满有惊喜😜

叫咗个午餐set，每位承惠$150，另加$20茶水、$20餐前小食，同加一服务费🤵🏻‍♂️，顺带一提呢度嘅加一又真系值，服务几好👍🏻，员工够主动又有礼貌🥰，食都食得开心啲

头盘拣咗个自选点心拼盘两件，分别有红椒汁芦笋虾饺，同埋脆皮麻辣烧卖。两样食落都系有少少辣🌶，虾饺用咗原只鲜虾🦐，仲食到有唔少新鲜爽口嘅芦笋，加埋晶凝通透、有接近10折嘅橙色虾饺皮，可见师傅嘅手工真系有一手😏；烧卖将外层炸至金黄香脆，咬开就食到多汁、轻轻微辣嘅烧卖肉，够哂特别吸引

点心食过返寻味，所以额外叫咗个药膳小笼包($44/2只)，第一次食小笼包喺用咗药膳上汤，估唔到又几夹👍🏻

主菜就拣咗南乳温公斋同凤梨咕噜肉伴炸云吞，斋煲相比起其他菜式嚟讲就平平无其🥸，南乳香突出得嚟唔会好浓烈，里面有粉丝、西兰花🥦、木耳、菇菌类等🍄。凤梨咕噜肉伴炸云吞喺我今餐另一个至爱🥰，糖醋汁酸甜度啱啱好，云吞酥脆惹味，咕噜肉热辣辣得嚟仲外脆内软，可惜份量就比较少🙈

是日老火汤喺猴头菇眉豆雪耳炖猪腱🍲，饮得出汤系冇加过任何味精，仲好足料添🤩；甜品仲有南北杏雪耳炖万寿菓同埋自选甜品——二锅头蛋散，蛋散松脆香口，加埋糖浆同埋淡淡二锅头嘅酒香，真系一个好创新嘅配搭😆

铜锣湾 Cubus 是著名食厦，入面有不少高级餐厅，最近从网评得知 5 楼新开咗间中菜馆「颜府御膳」，见食物卖相精致吸引，所以亦特意预订了座，两口子来尝新。

餐厅嘅装修果然好有格调，地方宽敞，装潢时尚高雅，座位阔落，坐得十分舒服。除大堂用餐区外，最入面位置还有一间私隐度甚高的贵宾厢房，很适合商业宴请。

先睇下本餐牌，食物分门别类，有小食、汤•羹、山珍海味、鱼翅、海鲜、肉类、家禽、佐酒小吃、天府美馔、时蔬、饭面、甜点，另外亦有一款以位上嘅一人晚餐，至于茶水就每位收 $20。

点完餐后，趁𩠌菜未上，先吃点餐前小食。是晚嘅小食为琥珀合桃 ($20)，合桃补脑又有益，每粒都沾满一层薄薄的甜甜脆糖，食落好香口，令人吃不停口。

先嚟糯米酿鸡翼 ($68)，这一客绝对是工夫菜，因为要先把鸡翼起骨吊乾，然后将糯米酿进鸡翼内，再用油炸香。两只鸡翼都非常饱满，大大只、外脆内粘，糯米口感烟韧，美味得很。

接着是一客花胶瑶柱羹 ($148/位)，大大碟、分量十足，唔使捞起都可以清楚见到汤羹入面放了不少材料，每一啖都食到瑶柱丝、花胶、冬菇丝同肉丝，口感很丰富，喝罢满嘴芳香，滋润养颜。

野菌烧汁和牛粒 ($198) 平时自己喺屋企都钟意炒下牛柳粒，不过当然唔及得呢度嘅大厨炒得咁有水准。和牛粒肉质很腍，配菜有杂菌、法边豆、洋葱和红椒等，非常足料，加埋啲烧汁，入口甜甜地，好惹味。

跟住送上的陈皮鲜沙姜生煎斑球 ($268) 亦非常之有惊喜，斑片加咗新鲜沙姜和陈皮同煎，上桌时不但闻到浓浓的沙姜香，而且入口陈皮味亦非常突出，但又完全无盖过鱼肉嘅鲜味。菜式香喷喷，劲惹味，加上用煎锅盛上，既能保持热度，鱼肉嘅熟度亦刚刚好。

压尾的砂锅大澳虾酱唐生菜胆 ($138) 亦令人回味无穷。打开锅盖已看到酱汁及食材滋滋作响，极之诱人。菜胆热烫烫，每棵都保留爽脆嘅口感，配上惹味的虾膏和咸香带鲜的虾干吃，美味极了。