又约朋友食饭👭🏻每月要见一次🤭台湾美食，今次就拣咗去湾仔食晚餐，门口个Logo好得意，环境舒服；食物每日制作，无添加🌱

镇店蟹皇拌面 $98
呢个蟹皇拌面一定要拣，幼细面条口感顺滑；超浓蟹皇酱 + 好足料嘅蟹肉丝🦀，捞埋落个面到食，又可以当汤饮，亦可以落香醋捞面

七彩鸡丝拌冷面 (胡麻酱) $55
份量好大碗嘅🌈七彩鸡丝拌冷面(要2个人先食得哂)，配菜颜色鲜艳好靓，拌面系粗面，配好大碗芝麻酱汁捞冷面一齐食

野生松茸鲜鸡汤 (原盅) $38
招牌汤推荐 ~ 一打开个汤盖就闻到阵阵香浓嘅松茸味，材料十足，松茸鲜鸡汤鲜甜好味🐔鸡肉肉质嫩汤，滋补养颜，营养价值高，无味精嘅靓汤

皮蛋豆腐 (素) $35
开胃小食，拣咗我同朋友都钟意食嘅皮蛋豆腐，切成一粒粒嘅皮蛋🥚 + 薄片滑口豆腐，淋上特别酱汁，加埋葱花一齐食，真系超正

极品陈年龙凤柠蜜 (热) $30
呢杯龙凤柠蜜够哂滋喉，用咗醃制咗8年嘅🍊咸柑桔 + 🍋柠檬蜜糖水冲成，极浓咸柑桔味好正，饮完成个人暖笠笠，好舒服

露面手工拌面料理
湾仔庄士敦道55号地下A号舖

晚市冇得堂食嘅日子实在吗维持得太耐，日日煮饭都唔知煮到食咩好🥱。今日就抖返日，喺公司附近嘅一间面店
@biangbiang.noodle 买埋外卖返屋企同屋企人食，要感受下外食嘅感觉😆。

📍蟹皇拌面（$99）
全店最贵嘅一个面🍜，不过食落都系有啲失望☹️，橙色嘅蟹皇汁见到有少少蟹肉丝🦀，但食落偏咸，食唔出鲜味。比起其余2款面佢嘅味道冇咁突出仲要差唔多贵一半😱，草根觉得唔系咁值。

📍鲜茄牛腩拌面（$59，转biang biang 面+$3）
原本系配幼身拌面，转biang biang 面加$3🤞🏻。呢个款面真心有惊喜❤️，成个味道非常浓郁而且牛腩煮得软腍入味，份量都唔少😆。加上蕃茄酸酸甜甜真系非常开胃🍅，面身几滑，同时阔身嘅面条可以沾满酱汁，坚好食😋，个面值得推荐🍜👍🏻。

📍传统开扬葱油拌面（$39）
呢款面虽然最平，但味道都唔差，葱油味浓郁得嚟唔会腻，配上幼身拌面唔痴口又唔会过腍，都几好食😋，虽然喺冇𩠌但食落唔会寡😚。

📍巴蜀粒粒大云吞（5粒）（$36）
云吞的确几大粒， 麻辣味非常强烈而且食到一粒粒一粒嘅麻椒，食完余韵都仲喺到🥵，钟意麻辣嘅应该会食得好爽🌶。不过草根就认为除咗辣味之外，本身云吞旧肉冇乜味，有啲败笔。

📍豆浆（$16）
价钱偏贵，豆味唔系话好重，正常发挥。
.
露面手工拌面料理
湾仔庄士敦道55号地下A号舖

今日嚟湾仔行街，回程时打算去食碗面才归家。喺庄士敦道看见这家新开拌面店，睇过门口嘅餐牌，原来除了面食外，还有云吞、水饺等供应，反正未帮衬过，一于试下。

餐厅的面积不算很大，不过座位摆放得颇整齐企理，绝不密麻，加上来到时并非繁忙时间，店内食客不多，感觉特别舒服。

先睇下餐牌，食物选项都几丰富，有招牌汤品、纯手工拌面、纯手工汤面、小食、云吞、水饺及手摇饮品等。

餐厅主打手工拌面，一场嚟到，当然要试下。拣咗个镇店蟹皇拌面，另外再加咗客醉猪手、小云吞、水饺同饮品。

镇店蟹皇拌面 ($98) 率先送上，蟹皇汁和阳春面各自分开盛载，酱汁色泽橙黄，满满一碗，分量甚多，捞起可以清楚见到里面有一丝丝蟹肉，真材实料，真系未食都已经流晒口水。把蟹皇汁和面条拌匀，入口蟹味满溢，配埋弹牙挂汁嘅面条和蟹醋吃，简直香气扑鼻。

秘制香糟醉猪手 ($55)，平时比较少食醉猪手，不过呢度真系做得很不错。猪手皮爽肉嫩，零油腻感，糟卤味道有层次，唔单止带复杂悠长的酒香和咸香，而且香料的精华都渗进猪手内，入口啖啖骨胶原。

高汤小云吞 ($40) 话就话系小云吞，但原来 Size 一点也不细小，而且一客有成 10 粒，分量十足。云吞外皮又薄又滑，内里包满肉馅，配埋餐厅嘅秘制辣椒油食，口感一流，好惹味。

韭菜猪肉水饺 ($30) 饺子灼得刚刚好，外皮厚薄适中，不太厚，亦不会过于单薄，既烟韧又滑溜，内里的韭菜和猪肉馅比例恰到好处，入口充满韭菜香。

饮品点咗杯百香茉莉寒天茶 ($24) 清香的茉莉绿茶，配搭酸甜的百香果，再加埋透明 Q 弹的粒粒寒天，口感唔错，感觉好清新。