餐厅：Slowlife 漫活堂 (佐敦)
地址：佐敦弥敦道380号逸东酒店地下2号舖

唔知大家经过弥敦道有冇留意到逸东酒店地下呢间有营餐厅——漫活堂呢，佢哋主打冇味精、冇鸡粉食物，所有嘅肉都系冇激素，仲有多款日式料理、茶同咖啡提供☕️，咖啡系用虹吸方式冲制，口感上会比手冲咖啡更加香浓，值得一提嘅系餐厅有同农夫合作‍，确保送到你面前嘅食物都系最新鲜嘅

叫定食附送百年老店十四割面噌汤，配方嚟自日本信州、有350年历史，仲冇加额外调味，绝对同出面嘅味噌汤唔同

呢到嘅定食配埋筑前煮，筑前煮喺九州福冈一带嘅乡土料理，有菇、笋、蒟蒻、莲藕等配料。饭用咗日本珍珠米，用料都几上乘；叫咗个照烧鳗鱼弁当定食($118)同日式照烧鸡卷弁当定食($78)，虽然份量就唔算好多，但系卖相好吸引，用竹筒似足喺日本食嘅便当咁，味道亦唔错，尤其鳗鱼香浓得嚟照烧汁唔会过咸，鸡卷无骨啖啖肉，一啖一旧几过瘾

有机蜜糖柚子鸡翼 $68
抵赞嘅喺餐厅用咗单骨鸡翼，一碟有8只，有机蜜糖同埋柚子汁覆蓋住鸡翼嘅每一个部分，食每一啖都系咁甜蜜蜜

饮品就叫咗杯宇治绿茶奶($38)同香茅姜茶($38)，可以自己斟茶，坐喺到一边倾偈一边叹茶几正

嚟到嘅话不妨留意下佢哋店内售卖嘅日本产品，全部都系日本独有嘅，市面上比较难揾到，而且仲系主打老字号同埋环保为先。用珊瑚咖啡同朱古力Bar做例子，每买一包珊瑚咖啡就会将3.5%收益捐比珊瑚保育工作上；而朱古力bar嘅包装经几十年研制之后系可以天然分解，绝非用塑胶制成，非常有意义