Chatterbox Express 海南鸡饭专门店 有返晚市紧系约下朋友聚下啦太古呢间几好食,上次食过今次同朋友黎试下其他款式
今期出左新菜式,咖哩鸡煲或咖哩猪肋骨煲
配饭和香脆薄饼,另加10蚊包饮品 价钱中上,先付款后安排送餐
仲送雪糕或炸春卷,其实几抵食既,份量亦多

再黎就系主角,海南鸡饭加钱要鸡脾,都系去骨,食落竟然同唔系鸡脾位差唔多,唔系多好多肉
分别唔大,建议悭返唔洗加钱要脾位,附油饭一碗,清鸡汤一碗,三款酱汁,海南鸡大约十件左右
油饭不腻,但味偏淡身,唔系泰国个种好浓郁香料味既饭,鸡皮薄,肉嫩滑,系几好食既

咖哩小辣,够香浓,有D似咖哩汤,香料味浓重,配上鸡件同一些蔬菜,薯仔,秋葵,茄子
配埋炸得脆薄既薄饼脆片沾咖哩汁食,白饭配咖哩,鸡肉几嫩滑,卖鸡既,鸡肉质素有保証
送既炸春卷好脆身,蔬菜丝,沾少少辣酱食好食

K11分店要排队,呢度唔洗排我觉得OK!
饮品要左杯柠檬意米水埋尾,不过意米唔够碎,好难用饮管饮,味道系唔错既
Chatterbox Express
太古太古城建安阁地下G515号舖

外游还要等一段时间，但思念各国美食却是无时无刻，唯有找一些过江龙，享受美食解一解相思之苦。
Chatterbox 是星加坡颇有名气食海南鸡饭的专门店。港岛区进驻太古城，地铁出口附近，非常方便。
文华海南鸡饭
加$10转鸡脾。
金黄色潭的海南鸡好吸引。皮下脂肪不多，肉质嫰滑，皮脆肉嫰。
三款酱汁任意蘸食，各有特色。
鸡油饭粒粒甘香，不会有油腻感。
清鸡汤鲜甜。

冻美禄哥斯拉
拍照扼like最啱feel。味道浓郁，捞混雪糕更加滑溜细致。粒粒脆脆增添口感。

文华海南鸡饭 (升级鸡髀)
去骨海南鸡髀，约有十件肉，油饭丶汤丶有齐三款酱料，鸡肉肉质嫩滑，鸡皮下无乜脂肪层，食落唔会觉得油腻。

新加坡肉骨茶面线
新加坡肉骨茶比马来西亚嘅较重胡椒味，汤底颜色比较清；肉质软腍，点黑酱油食，可将肉味提升；而油炸鬼好脆，只系油咗少少，依家呢个天气食就啱哂喇～可以驱寒暖胃。

鸡肉沙嗲 4串
虽然鸡肉串份量比较小，但沙嗲酱好味！！配埋青瓜丶紫洋葱，惹味

冻Cappuccino
只记得要少冰，唔记得嗌少甜，但出嚟个甜度适中，奶味浓滑，唔错！

冻美禄哥斯拉
美禄恐龙即美禄朱古力，加上未溶嘅美禄粉＆朱古力脆脆波，美禄哥斯拉其实系美禄恐龙嘅进化版，多咗一球云呢拿雪糕，估唔到个雪糕，向我食晒成餐饭都未溶哂，好满足！

今日去华兰中心地下间「Food Le Parc」购物，发现原来超市对面新开咗间「Chatterbox Express」，哗！ 咁近城隍庙，无理由唔帮衬下。

据说餐厅系「Chatterbox」开设嘅全新品牌，以快餐概念为主题。门面以柠檬黄和墨绿色为主调，色泽鲜明夺目，感觉既年轻又富活力。

店内绘有形象活泼的卡通吉祥物作插画，再配以玩味十足嘅幽默英文语句作装饰，装潢既简洁又明快。

先睇下午餐嘅选择，除了招牌菜文华海南鸡饭外，还有喇沙系列、肉骨茶系列、炒饭、星洲炒贵刁、捞面系列、小食、甜品及饮品等。

点咗两个午餐：文华海南鸡饭 ($108) 和炒贵刁，另外再配咗小食同甜品各一客。加咗
$10 将海南鸡升级转做鸡髀，鸡肉以慢煮方法烹调，肉质鲜嫩滑溜，品尝时可按个人喜好沾上秘制的辣椒酱、黑酱油和姜蓉伴吃。

米饭以南姜、斑兰叶、香茅、鸡油等炒过，然后加鸡汤煮成，入口粒粒分明，有鸡香又不油腻。跟餐嘅豆腐生菜汤，味道亦唔错，滑溜的豆腐配上脆嫩的生菜丝，美味可口。

星洲海鲜炒贵刁 ($98) 贵刁用深色的甜豉油爆炒过，上桌时传来阵阵浓郁的酱油香，香味扑鼻。配料除咗大虾外，还加入了新加坡腊肠、白饭鱼仔及鱿鱼等，配酱汁香浓而味道偏甜的贵刁吃，别有一番风味。

两份套餐都包饮品，另外亦可以加钱将餐饮升级转做特饮。我哋点咗冻美禄哥斯拉 (+$16) 同 冻豆浆 (+$10)，美禄恐龙面头铺咗层厚厚的美禄粉，上面放咗球雪糕并围上美禄波波。可可球入口脆卜卜，配软滑嘅云呢拿雪糕吃，香甜味美！豆浆豆味香浓，甜度啱啱好。

马来特色香煎辣鱼饼配多士包 (+$28)，鱼饼薄薄一片，煎至焦香脆口，味道微辣，颇惹味，配青瓜和松脆的多士包吃，层次丰富。

甜品点了椰子雪糕咖央三文治 (+$28) 三文治中间夹入了 Chatterbox 的招牌椰子雪糕及咖央作馅料。椰子雪糕椰香味甚浓，面包入面涂满浓香幼滑嘅咖央酱，夹埋一齐食，完美带出地道新加坡滋味。