餐厅：家家食小厨王 (湾仔)
地址：湾仔太原街22号雅慧苑地下5号舖

位于湾仔太原街嘅家家食小厨王Aloimukmuk喺2020年7月开始营业，喺一间泰国餐厅，虽然餐厅唔算太大，但五脏六腑都算俱全😎，而餐厅亦有唔少应节嘅布置，仲有好多植物装饰，好养眼🌿

厨师喺泰国人，所以呢度嘅泰式食物都系非常正宗🇹🇭，午市套餐由$58至$78不等，都真系几抵食👍，而佢哋仲有做外卖同埋都会服务🥡，疫情未减出少啲街，留喺屋企同屋企人食个泰式大餐都唔错😋

泰式虾酱炒饭 $78
以往食过一啲虾酱炒饭都系超级重虾酱嘅咸香味道，有啲人可能会好钟意，不过呢度嘅虾酱炒饭反而系我食过最好食嘅😍，有虾酱嘅香味，但系唔会override咗本身嘅饭香同埋其他配料嘅配搭，而加上蛋丝、豆角粒、腊肠同埋肉松，都增加咗炒饭嘅层次同颜色，值得一试

冬荫公海鲜汤河 $78
呢度嘅冬荫公嘅酸味、辣味同椰奶香互相配合，酸辣之间会带出香料同椰香味🧉，食落开胃唔会好辣，海鲜嘅种类同份量都唔少🦐，而呢度嘅河粉亦都系比较似布乌冬咁细碎而一块块，同我哋平时食开鱼蛋粉嘅河粉有别，几特别😎

加$18仲可以换一份迷你凤爪沙律🥗，唔好睇佢细细兜，都有成6-7只无骨辣凤爪㗎；饮品方面我就饮咗杯泰式奶茶，而朋友就叫咗个泰式龙眼冰(+$3)；估唔到佢个奶茶唔会好甜，红茶叶味道浓郁突出，系我想要果种一试难忘嘅泰国风味🥰

今日陪朋友去湾仔 Shopping，收获都几丰富。买完嘢，友人话带我去太原街食晏。 印象中太原街以卖玩具和小饰物为主，食肆不多，原来排档后面隐藏着一间叫「家家食小厨王 Aloimukmuk」嘅泰国料理。

店内地方不大，但布置得几骨子，天花挂满藤蔓植物，再配以草墙作装饰，十分雅致。

餐厅午市以套餐为主，选择非常丰富，有成 19 款，定价由 $58 - $78 不等，全部套餐都包热饮。

我拣咗罗勇猪手饭 ($68) 同泰式龙眼冰 (+$3)，而友人就点了辣椒膏咸蛋炒虾球饭 ($78) 同椰汁冰 (+$8)。

先试下我点嘅猪手饭，猪手以卤汁卤过，大大件又无骨，分量十足，食落非常入味。最钟意就系面头𠮶层充满胶质而又不肥腻的猪皮，入口软腍香滑，连饭连汁加埋碟边边半只蛋一齐食，超美味。

也尝了一小碗友人点嘅辣椒膏炒虾球饭，个饭炒得好够镬气，粒粒分明，既干身又唔会油腻，入口甜甜辣辣，就算本身不太能吃辣的朋友，都可以接受得到。配料方面亦颇丰富，除了面头几只爽口弹牙嘅虾球，另外还配有香脆嘅炸猪皮、半只咸蛋同清新爽口的青芒果丝。

两杯饮品味道亦唔错，龙眼冰入面有三大粒龙眼肉，足料又清甜。椰汁冰据说亦非常滑溜，带清新嘅椰香和奶香，冰凉解渴。