周末嘅西环虽然比平日热闹，但亦未至于大南街咁人头涌涌，同朋友去左呢间店如其名嘅小店，全店只有三数张枱，木系家具相当雅致，店家会按节日更新装布置，另有一个木柜寄卖手作，适合悠闲地食个brunch，佢地仲系动物友善餐厅呢。

🍽Red Bean & Butter Toast
三款吐司都好吸引，纠结左一阵后叫左较少见嘅北海道煮小豆牛油吐司。实物比想像中大，红豆蓉无压到烂晒，仲保留到一粒粒嘅口感，而且甜度适中，半溶牛油配松软嘅厚吐司，系唔错嘅轻食。

🍽Hokkaido Crepe Cake with Tangerine
蜜柑好甜，饼皮唔算好薄，胜在唔太韧，忌廉奶香颇重，有啲似日本便利店嘅出品。

🍽Hazelnut Chocolate X’mas Wreath Cake
见到圣诞节限定就叫左，店家喺蛋糕上加左糖珠，卖相真系好似圣诞花环，蛋糕嘅外壳硬脆，整体偏干身，切开后中间部分会湿润啲，我地觉得朱古力味比较明显。

☕️Iced Matcha Latte
虽然我系小山园嘅fans，但间唔中都想转下口味，呢杯无糖静冈抹茶涩味明显，浓厚而不腻。

☕️Cacao Chocolate
对我黎讲甜度高左啲，但朋友就话够浓好啱佢口味。