唔少香港人都钟意食越南嘢，贪其香料够清新又唔油腻。早排就有朋友推介咗呢间叫「春娇」嘅越南菜馆俾我，听说店子很有人气，颇受附近上班族和街坊欢迎。

餐厅位于加路连山道，由港铁铜锣湾站 F1 出口步行过来，也只是 5 分钟路程，交通挺方便。

店子环境不俗，舖面宽敞阔落，而且布置得很有心思，特色摆设随处可见。墙身上挂满了色彩缤纷嘅斗笠和挂画，配上垂吊而下的竹编灯罩，装潢充满越南风情。

餐厅采自助形式落单，客人只须扫描二维码 QR Code，便可以即时用手机在电子菜单上选取点餐！

我哋点咗一客咖喱牛腩饭，一份下午茶餐，另外再加咗碟菜同小食。

咖喱牛腩饭：牛腩大约有 5、6 件，每件都好完整厚身，肉质肥美有咬口，而且食落唔会干争争。咖喱汁富馥香，味道浓惹，微微渗出辣劲，但又不会太呛。薯仔带天然甜味，另外加咗只日本荷包蛋。荷包蛋周边脆卜卜，够晒香口，中间流心蛋黄，蛋味香浓，捞饭吃一流。

下午茶餐拣咗：招牌洋葱猪扒脆脆猪，个猪扒包相当有睇头，绝对无将货就价，非常大个。猪扒醃得够晒入味，肉质好松化，入口充满肉汁，味道咸咸香香，配埋爽口的洋葱同香脆的猪仔包吃，非常美味。

马拉盏炒通菜：碟通菜炒得劲香口，嫩绿得嚟又够爽甜，同鲜浓的马拉盏十分匹配，食落微辣又唔会好油腻，味道很不错。

春娇猪肉粉包：粉包嘅粉皮好烟韧，食落非常香滑，入面塞满猪肉馅料，蘸点鱼露来食，口感味道俱佳。

跟餐饮品点咗椰汁冰 同 热龙眼水，椰汁冰入口充满清新嘅椰香，如果可以加啲果肉就更正。热龙眼水非常足料，内有不少龙眼肉，味道清甜不腻。

店员服务不错，殷勤有礼，埋单嘅时候仲叫我哋等晚市开返堂食，嚟试下佢哋嘅越式火锅。