餐厅：Mom's Cook (尖沙咀)
地址：尖沙咀漆咸围2-4号金时商业大厦地下7号舖

呢间尖沙咀漆咸围嘅Mom’s Cook喺一间不折不扣嘅韩国外卖店，主理人都系纯正韩国人，系到你绝对能够品尝到地道嘅韩式风味，而外卖就啱哂依家疫情底下买返屋企/公司食，咁就可以减少系街外餐厅食饭感染嘅机会

可能喺因为外卖店嘅关系，呢到嘅嘢食价格唔贵，而且便当份量都好多，三个人分两个便当加一个小食都够

韩式粉丝+紫菜包饭便当 $68
除咗粉丝同紫菜包饭之外，仲有几旧炸鸡，另外韩式小食有莲藕同埋凉拌青瓜，小食每日会随机附送。紫菜包饭好足料，望住老板娘人手逐小逐小包，真系落足心机，厚实程度啱啱好；粉丝惹味爽口，不过食到落底就有少少油腻

炸猪排便当 $78
呢个猪排便当有足一块猪排，猪排切开8小件，外层炸至香脆可口，猪排肉松软，再加上韩式甜辣酱，令猪排味道层次提升。小食有六款，有蛋卷丝、泡菜、凉拌豆芽、莲藕、凉拌青瓜同辣萝卜丝，另外仲有一碗白饭，包你一定够饱

杯装芝士甜辣炸鸡(大) $70
呢份大炸鸡有大约10件，除咗加上芝士，仲有甜辣酱，炸鸡嘅外层唔厚粉，咬开啖啖肉，买返去食隔咗一段时间依然充满肉汁，呢个价钱呢个质素真系唔话得

老板仲好好，系咁冻嘅天气请我地饮咗杯韩国正宗嘅暖身补身茶，好暖胃呀