上两个星期去咗 T.O.P 嘅新 food court 食炸鸡，发现原来同场仲有好几间小食店，趁今日嚟开旺角，专登过嚟食个 early dinner。

有人话好耐无食过韩国菜，今次就一于试下呢间韩国过江龙「School Food Blooming Mari」。

先睇下餐牌，餐厅主要提供紫菜包饭、韩式年糕、韩式拌饭及面类等菜式，另外亦有多款套餐、人参鸡汤、韩式小笼包、韩国糖饼供应。

我哋拣咗两个套餐，另外再加咗一客韩式原味餐肉紫菜包饭。

韩式炒粉丝+紫菜包饭 ($65)：个韩式粉丝同我哋平时食开嘅港式粉丝好唔同，炒得既爽身又香滑，入口烟烟韧韧，十分弹牙。配料有红萝卜丝，蛋丝、洋葱和牛肉丝等，食落口感好丰富，爱看韩剧的粉丝一定喜欢。

紫菜包饭拣咗吉列脆虾，炸虾口感唔错，食落好松脆。饭卷唔会一夹就散，饭粒软硬适中，麻油及盐味刚好，而且卷起来十分平均，配埋中间嘅醃萝卜吃，入口酸甜爽脆，好啱我口味！

芝士韩式烤猪肉炒饭+鱼糕串 ($55) 个炒饭好有睇头，面头放咗只洒满了芝麻同葱花嘅煎蛋，而旁边则铺咗紫菜碎，卖相吸引。底层的炒饭粒粒都包满芝士，食落芝香满溢。猪肉醃得好入味，肥瘦适中，配埋只流心煎蛋食，啖啖滋味。

另外个鱼糕串，份量都唔少，内有鱼糕同鱼蛋。鱼糕又软又嫩，鱼蛋有咬口，加上鱼汤的鲜味完全渗入鱼糕中，配上暖暖的鱼汤，味道很不错。

选吃套餐可以用优惠价点韩国饮品，只需要 +$6，有 2% 水蜜桃、柚子蜂蜜、韩国柠七、忌廉鲜奶可供选择。

另外加点嘅韩式原味餐肉紫菜包饭 ($25) 食味亦不俗，饭粒分明，入口带阵阵麻油香，加上入面嘅午餐肉，肉质嫩滑之余又够实净，咸度适中，吃下去很有口感。