✨Luxury High Tea 贵妇级矜贵下午茶✨
平时去酒店食High Tea 几多钱都好,都系为咗食个景,食物质素好但又唔代表食材好矜贵。今次食呢间,有景、有质素、有高级食材,绝对物超所值。
第一次带妈妈去新商场 K11 Musea 行下,经过呢间好靓既餐厅「Glasshouse Greenery」就入去试下。
我哋点咗两份「华丽宝盒下午茶」
食材相当矜贵,卖相摆盘都好吸睛。
头盘先嚟一个「顶级鱼子酱配迷你松饼及配料」
冰镇着嘅顶级鱼子酱别具气派咁出场
迷你松饼的的式式好可爱,口感似松饼加热香饼,细细件加埋准备好嘅配料同鱼子酱一齐食,一啖一件啱啱好。
「顶级意大利冻肉拼盘」摆盘布局得好靓,有唔同种类嘅冻肉同埋芝士,包埋一齐食好好味。
呢杯细细杯嘅其实系「黑松露杂菌浓汤」,唔好睇佢细细杯,其实相当浓厚,劲香浓嘅黑松露味,一杯实在唔够喉。
精选迷你多士有两款选择
1. 顶级和牛多士
2. 香煎法国鹅肝多士
因为同妈妈食,唔想佢食太多鹅肝咁高胆固醇,所以选择咗顶级和牛多士。香脆多士夹着厚切和牛,一啖一件,够晒过瘾。
最后就系甜点啦。「精选蛋糕首饰盒」,劲大劲蛋糕呀。一般食下午茶,甜品都系好细件迷你版,但系呢度系大大件,够晒满足。仲有四款口味俾你品尝。
分别有
1️⃣冧酒黑朱古力(香浓黑朱古力,劲幼滑)
2️⃣青苹果白朱古力
3️⃣清甜芒果味(口感丰富多层次,好味)
4️⃣清新柚子味
饮品可以选择香槟或鲜榨是日果汁。
我哋拣咗鲜榨雪梨汁,好清甜。
仲有咖啡或茶,不过食到尾声唔记得咗叫了。
惊唔够饱可以叫多个饭,「蜜汁炭烧黑豚肉鹅肝煎蛋饭」,食到尾声其实已经好饱,但系都忍唔住试咗呢个饭,个鹅肝超级好食,入口劲香劲滑劲浓,那股香浓味道在口腔中久久不散,极之回味。
今餐非常之满意,妈咪都食得好满足。
「华丽宝盒下午茶」$388 位
食物
环境
服务
抵食
Glasshouse Greenery (Victoria Dockside K11 Musea) (尖沙咀)
尖沙咀梳士巴利道18号Victoria Dockside K11 Musea5楼501及503A号舖
拥有或管理这家酒店? 免费获取您的详情页以便回复点评、更新资料或者进行其他操作。