今日要嚟旺角做嘢，有人话好耐无去过 Moko 新世纪广场，提议放工过去吃顿 early dinner，顺便逛逛场内新开间一站式傢俬店。

一上电梯就见到这间「Wheatfield X 罗宋汤专门店」，据知餐厅主攻轻食快餐，将传统罗宋汤融入不同新派健康面食，及以不同经典小食配搭，好啱我俩口味，一于不作他想。

我哋拣咗个厨师推介套餐 同 自选配搭汤面套餐，两个餐都系全日供应。

厨师推介套餐 ($88)：套餐包一款汤同一客猪仔包，另外仲有热饮。餐厅主打罗宋汤，当然唔可以错过，拣咗海派牛腩罗宋汤、香煎猪扒脆猪仔包及热柠茶。

店里嘅罗宋汤，同外面一般餐厅嘅出品果然好唔同，不但热度十足，而且汤身还浮着薄薄牛脂，味香色浓，每羹啖啖蔬菜，加上烟韧入味嘅牛腩，绝对不是坊间以茄膏去煲的罗宋汤可媲美。

另外个香煎猪扒脆猪仔包亦非常美味，猪仔包份量十足，包身烘得无比脆口。猪扒肥瘦均称，肉质鲜嫩，醃得入味又够松软，而且入口还带少许甘香脂肪，夹埋生菜、蕃茄同沙律酱一齐食，口感很丰富。

至于个全日自选配搭汤面套餐 ($82) 就拣咗海派猪髀肉罗宋汤配手打乌冬。罗宋汤味道非常浓郁，蔬菜的甜味完完整整地渗入每一口汤之中，入口浓稠带微辣。猪髀肉肉质细嫩，肉味甚浓；乌冬呈扁长形，幼细顺滑，附着汤汁食，温暖又满足。

套餐包一款小食，有溏心蛋、麻辣鸡柳丝、是日蔬菜可供选择，+$12 可配一款肉扒。拣咗香煎薄牛扒，店员称，可能是厨师一时忙乱，错弄了一客香煎薄牛扒脆猪仔包，那也不打紧，牛扒肉质好软熟，焦度亦刚好，配香脆嘅猪扒包吃，非常美味。

两款套餐都包热饮，如果想转冻饮就要 +$3、汽水 +$5，而特饮就可以半价换购。