又嚟中环打扫下间屋，做到攰癞癞，唔想买煮饭，有人提议去食个 early dinner 先返屋企，原来一早已经睇中咗威灵顿街呢间「饺掂手工饺子云吞专门店」。

餐厅地方不大，店面窄窄长长，但装潢布置精致讲究，环境干净企理，加上我们被安排坐在靠墙的座位，自成一角，感觉亦蛮不错。

先睇下餐牌，餐厅主打 12 款饺子，有自创，亦有传统，另外亦兼卖粉面和多款外省小食，如麻辣皮蛋、手拍青瓜、酸辣云耳等。

我哋点咗龙凤松茸双煎饺、芫茜猪肉煎饺，另外再加咗饺子米线、唐芹豆筋同豆浆。

两款煎饺同时送上，龙凤松茸双煎饺 ($86) 卖相非常靓仔，外层煎至金黄香脆，入面嘅馅料除了猪肉和松茸外，还分别加入了矜贵嘅黑、白松露，非常足料。咬开可以清楚见到入面有好多松茸碎，加上黑松露和白松露嘅味道既天然又芳香，皮薄馅多，啖啖滋味。

至于另外碟芫茜猪肉煎饺 ($63) 亦非常美味，饺子用料十足，食落够晒清香爽甜，入口富浓郁芫茜味，一点也不苦涩，加上芫茜同肉馅嘅比例均称，绝对是健康之选！吃时可蘸少许桌上嘅四川辣椒酱或菜脯辣椒酱吃，别有一番风味。

食完两客煎饺就试下店里的饺子面 ($53)，点了寿喜烧牛肉饺 (+$8) 配米线底 (+$3)。饺子现场即包即煮，只只外形都胀卜卜，牛肉馅满有肉香，带寿喜烧嘅甜味，肉汁亦多，每咬一口都有爆汁效果，而饺子皮亦颇烟韧，配滑溜嘅米线吃，十分饱肚。

第一次试呢款唐芹拌豆筋 ($32)，原来味道很不错，唐芹幽香爽甜，豆筋其实系黄豆制品，食落颇有咬劲，集麻、香、辣、鲜于一身，惹味非常。食完再叹番杯具浓郁豆香嘅豆浆 ($15)，好正！