餐厅：Lockeroom Express (佐敦)
地址：佐敦弥敦道216-228号恒丰中心低层地下16号舖

之前去过旺角黄店Lockeroom Dining，佢地喺一间足球主题餐厅⚽️，力捧阿仙奴，2020年开多咗间油麻地分店，最近仲系佐敦恒丰中心低层地下开咗间西式快餐店，推出多款轻食便食💛

同朋友3点几嚟到食咗个super late lunch，我哋两个都饿到一个极点，所以就老实不客气叫咗好多嘢食😋。喺收银姐姐嘅热情款待同介绍下，我地叫咗个法国野菌鲍鱼鸡肉香草酱意大利蝴蝶粉($68)同波士顿龙虾配白松露忌廉汁意大利扁面($78)，呢到嘅餐汤仲系任饮😎，等紧嘢食果阵都饮咗两碗

估唔到又鲍鱼又龙虾🦞，每款先系六七十蚊🤑。鲍鱼爽口弹牙，鸡肉唔会好嚡，配上香浓香草酱，够哂惹味；龙虾有半只，仲开埋壳😆，超贴心，呢个质素同份量真系超值！完全唔似轻食快餐店会揾到嘅食物👍

另外叫咗个白松露忌廉炒野菌配自家制蒜蓉包($38)，一客有2件，蒜蓉包就细件咗少少🤏，但胜在白松露忌廉炒野菌都几多，将野菌同白松露忌廉加上去蒜蓉包到食又系另一种滋味😋

甜品有橘子白朱古力芝士蛋糕($28)同特浓朱古力蛋糕 ($28)，每款蛋糕都有几层layers，我食果件系特浓朱古力蛋糕🍰，除咗有浓厚朱古力香，仲有忌廉芝士同松脆饼底，口感丰富，做饭口甜品就啱晒🥰

叫嘢食唔包饮品，想饮嘅话就$19起一杯喇☕️。但如果以一间西式快餐店嚟讲，虽然等嘅时间可能都要十分八分钟，但食物选择同质素就真系超晒班🤩。仲要系正弥敦道，经过不妨一试