之前喺佐敦订左十盒口罩，今日终于到货，攞完顺手去附近买啲清洁用品。

行经恒丰中心，见到之前喺旺角朗晴坊帮衬过嘅「Lockeroom Dining」，原来喺呢度开左间 fastfood shop 「Lockeroom Express」，咁梗系要帮衬下啦！

呢度虽然系以快餐店形式经营，不过装修一啲都唔 Hea，同样以阿仙奴足球为主题。店内挂有球员签名嘅球衣，另外亦有一些足球纪念品，啱晒一众足球发烧友，嚟食嘢之余又可以朝圣一下。

餐厅采自助形式，客人要自己出去柜位点餐，另外 Counter 对面就摆放左自助水机、餐汤同调味料，餐汤系无限供应嘅，饮完可以再添。

我哋点左意粉、饭和天使面，另外再加左一客汉堡包同咸蛋黄鸡翼。是日餐汤为杂菜汤，一睇就知用料十足，绝无欺场，汤头尽收蔬菜的精华，味道相当浓郁及鲜甜。

个小食咸蛋黄鸡翼 ($38) 真系超正，鸡翼大只又厚肉，而且做到金黄起沙，入口充满咸蛋黄嘅香气，非常邪恶，令人停不了口。

Burger 点左冰岛鲜虾菠萝汉堡配脆薯角 ($52)，个汉堡包卖相唔错，外形胀卜卜，面包好松软，入面嘅炸虾饼啖啖虾肉，加上清新醒胃的菠萝、惹味的芥末酱、爽脆的生菜和番茄等，多重滋味，口感好丰富。薯角份量十足，香脆可口。

另外个纽西兰草饲牛肉眼扒意粉 ($68) 水准亦不俗，牛扒劲大块，肉质甘香松化，厨师于烹调过程中只作简单调味，保留肉眼的原汁原味，所以食落好有牛味，吃完整块也不觉腻。意粉煮得软熟度刚好，弹牙富嚼劲。

西班牙黑毛猪柳饭 ($58) 亦很值得一试，黑毛猪油脂丰富，肉质紧致多汁，口感柔软有弹性，非常美味。酱汁有 4 款可供选择，分别是黄咖喱汁、烧汁、蒜蓉汁、黑椒汁，个人推介黑椒汁，特别惹味！

另外呢个波士顿活龙虾配天使面及白松露忌廉汁 ($78) 亦非常吸引，龙虾好有睇头，面层铺满半溶芝士，味道咸香，肉质结实鲜甜，配上 Creamy 的白松露忌廉汁同幼滑的天使面，真系一食难忘！

餐厅：Lockeroom Express (佐敦)
地址：佐敦弥敦道216-228号恒丰中心低层地下16号舖

之前去过旺角黄店Lockeroom Dining，佢地喺一间足球主题餐厅⚽️，力捧阿仙奴，2020年开多咗间油麻地分店，最近仲系佐敦恒丰中心低层地下开咗间西式快餐店，推出多款轻食便食💛

同朋友3点几嚟到食咗个super late lunch，我哋两个都饿到一个极点，所以就老实不客气叫咗好多嘢食😋。喺收银姐姐嘅热情款待同介绍下，我地叫咗个法国野菌鲍鱼鸡肉香草酱意大利蝴蝶粉($68)同波士顿龙虾配白松露忌廉汁意大利扁面($78)，呢到嘅餐汤仲系任饮😎，等紧嘢食果阵都饮咗两碗

估唔到又鲍鱼又龙虾🦞，每款先系六七十蚊🤑。鲍鱼爽口弹牙，鸡肉唔会好嚡，配上香浓香草酱，够哂惹味；龙虾有半只，仲开埋壳😆，超贴心，呢个质素同份量真系超值！完全唔似轻食快餐店会揾到嘅食物👍

另外叫咗个白松露忌廉炒野菌配自家制蒜蓉包($38)，一客有2件，蒜蓉包就细件咗少少🤏，但胜在白松露忌廉炒野菌都几多，将野菌同白松露忌廉加上去蒜蓉包到食又系另一种滋味😋

甜品有橘子白朱古力芝士蛋糕($28)同特浓朱古力蛋糕 ($28)，每款蛋糕都有几层layers，我食果件系特浓朱古力蛋糕🍰，除咗有浓厚朱古力香，仲有忌廉芝士同松脆饼底，口感丰富，做饭口甜品就啱晒🥰

叫嘢食唔包饮品，想饮嘅话就$19起一杯喇☕️。但如果以一间西式快餐店嚟讲，虽然等嘅时间可能都要十分八分钟，但食物选择同质素就真系超晒班🤩。仲要系正弥敦道，经过不妨一试