餐厅：乐园素食 (铜锣湾)
地址：铜锣湾谢斐道535号Tower 535地库B04号舖

呢间素食餐厅——乐园素食开咗两个几月，主打午市、下午茶同晚市嘅素食自助餐，疫情期间做紧八折优惠，中午嚟食计埋加一都系$70一个人，难怪吸引到咁多人啦😎

卫生方面，疫情期间要求食客拎嘢食都要戴上口罩同即弃手套，以减少病菌散播嘅机会，亦令到食客食得安心啲🥰。而野食方面，佢地keep住都有六七十款食物，仲会每日更换部分唔同嘅食物，务求每日都比到食客惊喜🎊，就算长期嚟都唔会厌😆。而每样食物亦痴有颜色标签，标明食物含有咩嘅类别，例如奶类、蛋类等，咁就可以方便到唔同种类嘅素食者👍

呢度嘅素食千变万化，就连肠粉、桃胶糖水、天妇罗同寿司都有，特别介绍吓佢哋嘅三文鱼寿司，原来系用咗萝卜蓉再加上蒟蒻粉整成似到十足十嘅寿司🍣，初头真系俾佢个样呃咗🤣

我特别钟意佢哋够晒入味嘅姜醋蛋😍，啲姜仲要唔会好辣，依家咁冻嘅天气食就啱晒暖身🔥；另外咸菜胡椒汤超足料，饮落有阵阵嘅胡椒香，比咸菜同酸菜中和左唔会好呛喉，味道调校得好好😋

作为咖啡爱好者☕️，好surprise佢哋呢度竟然有用豆奶制成嘅咖啡；加上佢哋Refill菜嘅速度真系好快，真系值得大家嚟试吓，性价比超高🤩