之前睇过一啲饮食指南,认识到Giovanni Pina 系一个意大利百年享誉盛名嘅烘焙品牌 ,其出品嘅蛋糕同面包选料甚为严谨, 选用承传百年嘅天然酵母做酸种,完全冇化学添加剂,既健康又容易消化,非常适合爱好健康人士的口胃。知道呢个品牌联同米兰咖啡系K11 Musea开咗全球第一间分店,仲由和品牌同名嘅第三代传人Giovanni Pina 意大利殿堂级烘焙大师坐镇,当然不能错过,急不及待约咗友人去食吓。Giovanni Pina获得国际糕点奖嘅金牌和甜点大师嘅称誉, 也是全球100位甜点大师之一员。净系以上种种就值得慕名而来朝圣一下,不能错过。
K11 Musea 环境优雅,装潢甚有格调,人流又吾多,Giovanni Pina 位于商场二楼中庭位置,系到叹下咖啡食下嘢,非常轻松自在,悠然自得。
原来Giovanni Pina 吾单止有蛋糕和面包,还有意粉和risotto 供应。
即烤蓝芝士雅枝竹火腿香草包三文治配甜薯条
蓝芝士特点系用青霉菌发酵,使其表面有些蓝色斑纹,最初对其外表有d抗拒,味道比一般芝士咸。第一次知道有雅枝竹呢种食材,好奇下就order 嚟试吓。原来雅枝竹系意大利常见嘅高纤食材,其营养价值非常高,能降低壊胆固醇,降血压血脂、去水肿和延缓衰老等作用。香港比较少见,多数由欧洲进口。雅枝竹味道偏淡,配上偏咸嘅蓝芝士一齐食,就非常夹味。馅料中还有咸香味极重的火腿片,令成个饀料锦上添花。除咗馅料了得外,香草包也做得非常出色,外脆内软之余,香草的氛芳味充满著每一口, 齿颊留香。
意大利特色早餐
呢个特色早餐非常丰富,有卷成好靓花花型嘅油润烟三文鱼;有食落吾觉腻嘅烟肉蛋卷;有两种不同口味嘅芝士肠;有两大块松脆嘅香草多士,贴心的是有牛油和果jam一并上碟给客人选择;还有香脆薯仔粒、新鲜沙律菜和甜美鲜无花菓伴碟,食完真系觉得好满足。
米兰咖啡
咖啡一饮就知道是用上乘嘅咖啡豆调配,入口幼滑香醇,馥郁芬芳。
食完餐和饮完咖啡已经非常之饱,但见到啲甜品好精致,好想食,于是就外卖返屋企慢慢叹。
意式萨赫蛋糕
原来呢款系欧洲嘅经典贵族蛋糕,外型简单但内里层次分明,味道冇一般蛋糕咁甜,口感轻盈,一路食一路觉得有股冧酒香味渐渐渗出嚟,但之后又觉得好似系白兰地嘅酒香味,食食吓仲有啲杏甫果酱系好浓郁嘅朱古力层中流出,非常香甜可口我好钟意呢个蛋糕,难怪系经典贵族蛋糕啦!
意式开心果吉士牛角包
牛角包一啲都唔逊色,外皮不单脆而且够松化,包面嘅开心果碎香味浓郁,切开包中间还有流心吉士开心果酱,同样开心果味好出,这个包系我食咁多个牛角包之中最好食嘅一个
唔怪之得Giovanni Pina 系享誉盛名嘅烘焙品牌,佢嘅出品真系好好食我下次要买多几款蛋糕和面包返屋企逐一品尝下至得!