食完拉面仍有点意犹未尽，很想吃些甜品满足一下甜胃。记得利东街地库 1 楼有间专卖苹果批同芝士蛋糕嘅店舖，提议过去买些甜点回家做下午茶。

据知品牌来自日本，有超过三十年历史，店内所有蛋糕和苹果批都是日本制作，再空运到港，加上用料讲究，所有食材都百分百用日本本地货，令人食得放心。

店舖地方不大，以外卖为主，不过店内亦设有两张高脚台櫈，反正有位坐，一于转軚改堂食。

蛋糕柜入面放咗好多精美嘅蛋糕，剩系卖相都够晒呃 Like，另外批类嘅款式亦唔少，除了咗主打嘅青森苹果批之外，还有新推出的朱古力批、栗蓉批和甜薯批。

选购咗青森苹果批 Apple Pie 同 榛子摩卡蛋糕 Hazelnuts & Mocha Cake 各一件。

个苹果批 Apple Pie ($33) 果然非常美味，外层的批皮够晒香口松化，酥脆得嚟又唔散，咬下有牛油感，但入口又不会油淋淋。内馅有青森苹果方粒和吉士酱，馅料满溢。苹果粒不会太酸，亦不会过甜；吉士顺滑不黏稠，吃完也不怕腻。

另外件榛子摩卡蛋糕 Hazelnuts & Mocha Cake ($25) 亦好有惊喜，蛋糕香甜迷人，质感好似海绵咁松软，口感轻盈。榛子奶油的香气与可口的摩卡咖啡非常吻合，入口甜而不腻。下次再嚟要试下其他批款。